1 Царства 5 - Свето Писмо: Стандардна Библи?а 2006 (со девтероканонски книги)（MK2006D）

Светиот ковчег кај Филистејците

1 Ис.Н. 11,22; 13,3 А Филистејците го зедоа ковчегот Божји и го пренесоа од Евен-Езер во Ашдод.

231,10; Суд 16,23; 1 Лет 10,10Го зедоа Филистејците ковчегот Божји, го внесоа во храмот на Дагон и го поставија до овој идол.

3Ис 19,1; 46,1; Пс 96,7На другиот ден, откако жителите на Ашдод дојдоа рано наутро во храмот на Дагон, ете, Дагон лежи ничкум на земја пред ковчегот Господов. И го зедоа Дагон и го поставија пак на местото не­гово.

4На следниот ден, откако станаа ут­рината, ете, Дагон пак лежи ничкум на земја пред ковчегот Господов; главата на Дагон, (обете стапала на нозете) и обете дланки на рацете негови беа пре­сечени, секоја одделно, и лежеа на пра­гот; само трупот на Дагон беше ос­танал.

5Соф 1,9Поради тоа жреците Дагонови и си­те други, кои доаѓаа во домот на Дагон во Ашдод, не стапнуваат на прагот Да­гонов до ден – денешен (туку го прес­кокнуваат).

62 Мојс 9,3; 5 Мојс 2,15; 28,27; Суд 2,15; 7,13; 12,15И раката Господова се протегна врз жителите на Ашдод, и Бог ги удри и ги казни со гнасни чирови во Ашдод и околните места негови (а во земјата се накотија глувци и настана голема воз­немиреност во градот).

7Откако го видоа тоа ашдодците, ре­коа: „Да не остане ковчегот на Бог Из­раилев кај нас, зашто тешка Му е раката и за нас и за нашиот бог Дагон.“

8И испратија, та ги собраа кај себе сите филистејски кнезови и рекоа: „Што да правиме со ковчегот на Бог Из­раилев?“ А тие рекоа: „Нека се пренесе ковчегот на Бог Израилев во Гет.“ И го испратија ковчегот на Бог Израилев во Гет.

9Ис 22,5; Зах 14,13Откако го пренесоа, раката Гос­подова дојде врз градот и направи ужас мошне голем, и ги удри Господ градските жители од мал до голем, и се појавија на нив израстоци.

102 Мојс 10,7Затоа тие го испратија ковчегот Божји во Екрон. И кога ковчегот Божји дојде во Екрон, екронците извикаа и рекоа: „Го донесоа кај нас ковчегот на Бог Израилев за да нѐ помори нас и народот наш.“

11И испратија, та ги собраа сите фи­листејски кнезови и рекоа: „Испратете го ковчегот на Бог Израилев; нека се вра­ти на местото свое за да не нѐ помори нас и народот наш.“ Зашто се појави смртен страв: по целиот град раката Божја силно се протегна врз нив, (отка­ко ковчегот на Бог Израилев дојде ту­ка).

122 Мојс 2,23И оние што не умреа, беа заразени со гнасни чирови, така што пискотот од градот се издигаше до небото.