Сирахова 32 - Свето Писмо: Стандардна Библи?а 2006 (со девтероканонски книги)（MK2006D）

Пристојно однесување на гоштавки

1Ако те стават за распоредник на трпезата, не вознесувај се; биди меѓу другите како еден од нив.

2Погрижи се за нив, па потоа седни. Кога ќе ја свршиш целата работа, заземи го твоето место,

3за да се веселиш за­едно со нив и за твојата префинетост да добиеш венец.

48,9; 24,33Разговорот води го ти, старешино – зашто тоа и ти прилега, но тоа прави го одмерено и не прекинувај ја музиката.

5Кога ќе те слушаат – не говори дол­го и премногу не мудрувај.

649,1; Ис 5,12; Амос 6,5-6Како печат од рубин, опкован со зла­то, таква е пријатноста на музиката со вкусно вино.

7Како печат од смарагд опкован со злато, таква е пријатноста на песната со вкусно вино.

8Кажи, момче, ако затреба, само два збора, и тоа само кога ќе те прашаат.

9Кажи го главното, кажи многу со малку зборови; биди како оној што мно­гу знае, а умее да молчи.

107,14Кога си со големци, не прави се го­лем како нив; кога зборува друг, не збо­рувај ти.

11Изреки 15,33; 18,12Пред громот оди секавицата, а пред скромниот човек – оди милоста.

12Навреме станувај и не биди последен; побрзај дома и не застанувај.

13Таму забавувај се и прави сѐ што са­каш, но со срамен збор не греши.

14Пс 35,8А за сето ова Создателот прославувај Го; Тој те наситува со сите добрини.

ЧЕТВРТА ЗБИРКА ОД ПОУКИПочитување на Бога

15 1,11-20; Јов 5,17; Евр 12,5-11 Кој од Бога страв има – тој и поука прима; кој од рано утро Него Го бара – благослов од него добива.

16Кој законот го бара – со него се ис­полнува; а лицемерот од него ќе се соп­не.

17Изреки 28,5; Мт 5,16Оние што страв од Господа имаат, ќе бидат оправдани. Нивните добри де­ла како светлина ќе засветлат.

18Грешникот од изобличување бега; според своите желби – извинување бара.

19Разумен човек не презира совет, а неразумен и горделив не знае за страв, дури и тогаш кога неразумно постапил.

20Без размислување не прави ништо, а кога ќе направиш нешто, не кај се.

21Пс 90,11-12; Мт 4,6По пат опасен не оди, за да не се препнеш и да паднеш.

22Не верувај му многу и на рамен пат;

23немај доверба ни во своите деца.

245 Мојс 4,9; Изреки 13,3; 16,17; 22,5Во сите твои дела верувај ѝ на своја­та душа; тоа е извршување на запо­ве­ди­те.

25Пс 22,3; Изреки 19,16Кој во законот верува, на неговите заповеди се покорува, и на Господа кој се надева, зло нема да претрпи.