Мудрост Соломонова 2 - Свето Писмо: Стандардна Библи?а 2006 (со девтероканонски книги)（MK2006D）

1 Пс 38,4-6; Јов 7,9; 14,1-2; Проп 8,8 Оние што мислат неправилно, вака мудруваат во себеси: краток и жа­ло­сен е нашиот живот – човекот не мо­же да се избави од смртта; уште никој не познава таков човек кој ослободил не­кого од пеколот.

2Пс 101,3Случајно сме родени, а потоа ќе би­де како воопшто да не сме биле; дим е она што го дишеме, а зборот – искра од движењето на нашето срце.

3Кога душата изгасне, во пепел ќе се претвори телото, а духот ќе се загуби како редок воздух;

4Јов 7,9; 18,17-19; Проп 1,11; 2,16; 9,5со време ќе се заборави и нашето име, никој нема да си спомне за делата наши; животот наш ќе помине како трага од облак, ќе испари како магла гонета од зраците на сонцето и отеж­на­та од неговата топлина.

5Пс 38,6; 144,4; Јов 8,9; 14,2; Проп 6,12; 8,13; 1 Лет 29,15Зашто нашиот живот е како сенка кога ќе помине, од смртта за нас нема враќање: печатот е ставен и никој не се враќа.

6Ис 22,13; 1 Кор 15,32Затоа да се насладуваме од се­гаш­ни­те добра; да брзаме да се насладуваме со овој свет, како и во младоста;

7да уживаме во скапоцено вино и во мириси; пролетниот цвет на животот да не одмине покрај нас;

8да се овенчаме со ружи, пред ру­жи­те да свенат;

91,16; Ис 57,6никој од нас да не се лишува од учес­твото во нашата наслада, секаде да ос­тавиме траги од нашата радост: тоа е нашиот дел и нашето наследство.

102 Мојс 22,22; 3 Мојс 19,32; 25,35-37Да угнетуваме сиромав праведник, да не поштедуваме вдовици, да не почи­туваме старец со долгогодишни бели коси.

11Силата наша да биде закон на правдата, зашто она што е слабо – за ништо не е.

12Ер 11,19; 20,10-13; Мт 23; 26,3-4; Јн 5,16.18Да поставиме заседа за праведни­кот, зашто тој ни пречи и се противи на делата наши; нѐ прекорува за гревовите против Законот, нѐ хули за нашите гре­вови и за нашето воспитание;

13Мт 5,5; 11,27; Лк 22,70се фали дека Го познава Бога, чедо на Господ се нарекува.

14Кога е пред нас – тој е прекор на на­шите помисли. Тешко ни е да го гле­да­ме;

15Ест 3,8неговиот живот не е како животот на другите и патиштата негови се раз­лични од нашите;

16Мт 5,11; Јн 5,18за гадотија нѐ смета и бега како од нечистотија од нашите патишта; бла­жен го нарекува крајот на праведни­ци­те, се фали и Бога татко свој Го нарекува.

17Да видиме дали се вистински него­вите зборови, да разбереме каков ќе би­де неговиот крај.

18Пс 21,8; Мт 27,43зашто, ако праведниот е син Божји, него Бог ќе го заштити и ќе го избави од раката на непријателите.

19Ис 53,7; Мт 26,67-68; 27,12Да го искушаме со навреди и маки, за да ја испитаме неговата благопри­личност и да ја видиме неговата трпели­вост.

20Да го осудиме на срамна смрт, заш­то, според неговите зборови, имало кој да се грижи за него.

211 Мојс 1,26-27

Рим 1,21Така умуваа тие, но се измамија, зашто злобата нивна ги беше заслепила;

22тие не ги познаа тајните Божји, не чекаа награда за светост и не веруваа во наградите за чистите души.

231,13; 3,4; 1 Мојс 1,26; 1 Птр 1,4Бог го создаде човекот за нераспад­ливост и го направи слика на Своето вечно битие;

241 Мојс 3; Рим 5,12но поради завист од ѓаволот смртта влезе во овој свет, а неа ја доживуваат оние што му припаѓаат.