Исаија 9 - Свето Писмо: Стандардна Библи?а 2006 (со девтероканонски книги)（MK2006D）

1 17,1-9; Ис.Н. 20,7; Мт 4,13-16 Но нема секогаш да има мрак таму, каде што сега тој е згустен. Пора­нешното време ја понизи земјата Заву­лонова и земјата Нефталимова; но по­доцнежното – ќе го возвеличи крајмор­скиот пат, од онаа страна на Јордан, незнабожечка Галилеја.

Крај на војните

2 Мих 7,8; Лк 1,78-79; Јн 8,12; Ефес 5,8 Народот, кој оди во темнина, ќе види голема светлина; врз оние што живеат во земјата на смртната сенка, ќе болсне светлина.

326,15; Пс 4,7; 118,162; 125,6; 131,9Ти ќе го умножиш народот, ќе ја зголемиш радоста негова. Тој ќе се ве­сели пред Тебе, како што се веселат за време на жетва, како што се радуваат при делење на плен.

410,26-27; 14,5.25; Суд 7,15-25; Ер 30,8Зашто јаремот, кој му тежеше, и жезолот што го поразуваше, и стапот на неговиот угнетувач – Ти ќе ги скршиш, како во денот на Мидјан.

5Ез 39,9; Пс 45,9; 76,4Зашто секоја војничка обувка во време на војна и облека, извалкана од крв, ќе бидат предадени на изгорување, за храна на огнот.

За Месијата

6 7,14; 1 Мојс 3,15; 49,10; 4 Мојс 24,17; Мих 5,1-3; Зах 9,9; Пс 109,2; Лк 2,11; Јн 3,16 Зашто дете ни се роди – Син ни се даде; власта е на рамењата Негови, и ќе Го наречат: Чудесен Советник, Бог си­лен, Отец вечен, Кнез на мирот.

72 Цар 7,16; Пс 71,7; Лк 1,32-33; 2,14Неговата власт и мирот бескраен ќе растат врз престолот на Давид и во царството негово, за да го утврди Тој и да го зацврсти преку суд и правда от­се­га па довека. Тоа ќе го направи ревноста на Господ Саваот.

Казна за Израил

8 55,10-11; Ер 23,29 Господ му испраќа слово на Јаков, тоа слегува врз Израил,

95,19; Ос 7,10за да знае сиот народ, Ефрем и жи­телите на Самарија, кои со гордост и надуено срце велат:

10Мал 1,4; Изреки 16,18„Тулите паднаа, – ќе градиме со делани камења; смоквите се исечени, – ќе ги замениме со кедри.“

117,16Ќе се крене Господ против него и непријателите на Рецин, ќе ги вооружи непријателите негови;

125,25; 10,4; Ер 10,25; Мих 3,3; Авак 1,13; Изреки 30,14Арамејците откај исток, Фи­лис­теј­ците откај запад; ќе го голтнат Израил со полна уста. При сето тоа гневот Не­гов нема да се одврати и раката Негова ќе остане протегната.

1331,1; Ер 5,3-6; Ос 7,10-15; Амос 4,6-11; Соф 1,6Но народот не се обраќа кон Оној, Кој го бие и не прибегнува кон Господ Саваот.

1419,15; 5 Мојс 28,13.44Господ ќе му ја пресече на Израил главата и опашката, палмата и трската во еден ден:

1528,7; 30,10; Ер 14,14; Плач 2,14старецот и големецот – тоа е главата; а пророкот – лажниот учител, е опа­шот.

163,12Водачите на овој народ ќе го доведат во заблуда, а водените од нив ќе за­ги­нат.

17Ер 18,21Затоа Господ нема да ги поштеди момчињата негови, и нема да се смили над сираците негови и вдовиците не­го­ви; зашто сите тие се лицемери и зло­деј­ци, и устата на сите зборува нечесно. При сето тоа гневот Негов нема да се одврати и раката Негова ќе остане протегната.

1833,11-12; Сир 21,9; Јк 3,6Зашто беззаконието како оган се разгорело, голтнува глог и трн и гори во горските гасталаци, се креваат столбови од дим.

1910,6; 33,12Гневот на Господ Саваот ќе ја из­го­ри земјата, народот ќе стане како храна за огнот, човек нема да го пожали братот свој.

203,5; 49,26; Ер 19,9; Мих 7,5-6; Зах 11,9Ќе лапаат надесно – и ќе си останат гладни; ќе јадат налево – и нема да се наситат; секој ќе го јаде месото од своја­та мишка:

217,1Манасија – Ефрем, и Ефрем – Мана­сија, обајцата заедно – Јуда. При сето тоа нема да се одврати гневот Негов, и раката Негова ќе остане протегната.