Сирахова 42 - Свето Писмо: Стандардна Библи?а 2006 (со девтероканонски книги)（MK2006D）

Од што не треба да се срамиме

1А не срамувај се, еве од што и со лицемерство не греши:

2не срамувај се точно да го исполнуваш законот на Севишниот, од заветот и пресуда строга да изречеш над без­божник;

3да се расправаш со другар и со ту­ѓи­нец, ниту да го делиш наследството со други;

4од точни мерки и мерења, од мала или од голема придобивка;

530,1.12; 33,25.27; Изреки 29,19од чесност при купување и прода­ва­ње, од строго воспитување на деца и од казнување до крв на лош слуга.

625,16.23.25; 26,7При љубопитна жена добро е да имаш печат, а каде што има многу раце, заклучувај.

741,21Ако даваш, давај со сметка и со ме­рење; бележи го и давањето и примањето.

8Изреки 10,13; 19,29; 26,3Не срамувај се да поучуваш глупав и неразумен и престарен што со млади се натпреварува. Тогаш ќе бидеш вистин­ски воспитан и сите ќе те почитуваат.

Грижи на таткото кон ќерката

9 7,24-25; 26,10-12 5 Мојс 24,1 Ќерката за таткото е постојана гри­жа; грижата за неа сонот му го прого­нува: во младоста – немажена да не ос­тане, а кога ќе се омажи – мажот нејзин да не ја намрази;

10додека е девица, да не биде измамена и да не забремени во таткова куќа; кога ќе се омажи – брачната верност да не ја наруши, а кога е веќе со мажот – да не остане неплодна.

116,4; 26,10Ако ќерката твоја е бесрамна, доб­ро пази ја, срам да не ти донесе пред твоите непријатели; да не станеш за срам во градот и укор пред народот, пред луѓето да не те посрами.

12На човечка убавина не гледај и ме­ѓу жени не седи.

13Како молецот што излегува од об­леката, така лукавството излегува од жената.

14Проп 7,26-28Подобро е и лош маж, отколку ли­цемерна жена, која може да ве посрами во однесувањето.

Големината на Создателот

15 1 Мојс 1,3; Јов 15,17; Мудр 9,1; Јн 1,3.10 Сега ќе ги спомнам делата Божји; што сум видел, за тоа ќе кажувам. Со зборови Господ ги создаде Своите дела:

16Пс 18,1Светлото сонце сите ги грее, неговото дејство со слава Божја е полно.

17Господ ни на ангелите не им дал си­ла да говорат за сите Негови чуда, кои Тој, Бог Седржителот ги создал, та врз нив да стои цврсто вселената, што ја создал во Своја слава.

1823,19; Јов 26,6; Изреки 15,11Тој проникнува во бездната и во ср­цето, ги знае сите нивни тајни; Господ го има сето знаење: знае сѐ што постои и сите знаци на времето.

19Ис 41,22Тој ги објавува минатото и иднината, ги открива трагите на она што е со­криено.

20Пс 138,1-4Ни една мисла не Го одминува; ни еден збор не е сокриен од него.

2118,6; Ис 40,13-14; Проп 3,14Тој ги создал големите дела на Сво­јата мудрост; Тој живее од век во век.

22Тој не се зголемил ниту намалил; Тој не бара никаков советник.

2316,27-28Колку се пожелни Неговите дела, иако само како искри можеме да ги ви­диме.

24Сѐ живее и трае додека за сите по­треби и сѐ на Него Му се покорува.

2533,14-15; Проп 3,1-8 А сѐ е двојно, едно спроти друго; ништо несовршено не создал Тој.

26Едно од друго е подобро; кој може да се насити, гледајќи ја Неговата сла­ва?