Јов 21 - Свето Писмо: Стандардна Библи?а 2006 (со девтероканонски книги)（MK2006D）

Говор на Јов: безбожниците имаат среќа

1Одговори Јов и рече:

213,6„Ислушајте го внимателно зборот мој; тоа ќе ми биде утеха од вас.

3Потрпете ме, и јас ќе говорам; а по­тоа, откако ќе се искажам, потсмевајте се.

419,6Зар на човек се оплакувам јас? Па како да не биде трпението мое при крај?

529,9; 40,4; Изреки 30,32; Сир 5,12Погледајте ме и ужаснете се, и ста­вете прст на устата своја.

612,4-6Само кога ќе помислам, – истрпнувам, и трепет го обзема телото мое.

7Ер 12,1-2; Пс 72,3-12; Мт 3,15Зошто беззакониците живеат, до­стигнуваат старост, и остануваат со моќ?

8Децата нивни се со нив пред лицето нивно, и внуците им се пред очите нив­ни.

912,6Куќите им се во мир и спокојство, и же­золот Божји не е врз нив.

10Бикот нивни оплодува и не про­пуш­та, кравата нивна зачнува и не пометнува.

11Ги пуштаат малите свои како стадо, и децата нивни скокаат.

12Ис 5,12; Амос 6,5Подвикнуваат при тимпани и гусли и се веселат со свирки;

1321,18ги поминуваат деновите во добро и во еден миг слегнуваат во гроб.

1422,17; Ис 30,11А притоа, Му велат на Бога: – ‚От­страни се од нас, не сакаме да знаеме за Твоите патишта!

15Мал 3,14-15Што е Седржителот, та да Му слу­жиме? И каква полза има да прибегнуваме кон Него?‘

16Гледаш, доброто нивно не е во нив­ните раце. Да биде далеку од мене советот на безбожниците!

17Често ли згаснува светилката на беззакониците и ги сполетува ли зло, и Тој во гневот Свој ги дарува ли со страдања?

1821,13Тие треба да бидат како сламка пред ветар и како плева, завеана од ви­ор.

195 Мојс 7,10Ќе речеш: ‚Бог го чува злото негово за неговите деца. – Нека му воздаде Тој на него самиот, за да го знае тој тоа.‘

20Ер 25,16Нека очите негови го видат злото негово; и сам нека пие од гневот на Се­држителот.

2114,10-12; Проп 9,5-6Зашто, што му е грижа за домот не­гов по него, кога бројот на месеците не­гови ќе се сврши?

22Но Бога ли ќе Го учиме на мудрост, кога Тој им суди и на самите ангели?

23Некој умира во најголемата сила своја, сосема спокоен и мирен;

24боковите негови се полни со маст, и сржта од коските негови сѐ уште е све­жа.

25Друг, пак, умира со огорчена душа, без да вкуси добро.

26Проп 2,15И еден до друг в земја лежат и црви нив ќе ги јадат.

27Ги знам вашите мисли и намери, какви зла против мене кроите.

2820,7Вие велите: ‚каде е домот на кнезот, каде е шаторот на безбожниците?‘

29Зар не сте ги распрашувале патни­ците и нели сте запознаени со нивните забележувања,

3021,13; Пс 72,5дека во денот на смртта безбож­ни­кот бива поштеден; во денот на гневот се одведува настрана?

31Кој ќе му го прекори пред лицето негово неговиот пат, и кој ќе му врати за она што го вршел тој?

32Проп 8,10Го спроведуваат до гробиштата и во гробот свој останува тој.

33Проп 3,20Лесни се за него земјените грутки; по него одат многу луѓе, а оние пред не­го број немаат.

3416,2; 26,2Како тогаш сакате да ме утешите со суета? Во одговорите ваши има само лага.“