Сирахова 26 - Свето Писмо: Стандардна Библи?а 2006 (со девтероканонски книги)（MK2006D）

Блажен е среќно оженетиот

1 Изреки 31,10 Блазе му на маж што има добра жена; двоен е бројот на неговите денови.

2Изреки 12,4; 31,10Добродетелна жена – радост е за својот маж; годините на неговиот живот ќе ги исполни со мир.

3Изреки 18,23Добрата жена е голем дар; таа ќе му биде дадена на оној што има страв од Господа.

413,26И на добар и на сиромав, додека е со неа, задоволно му е срцето и лицето му е весело во секое време.

Чување од жени

5Од три работи срцето мое се плаши, а од четвртата се згрозува:

6од озборува­ња во градот, од разбунтуван народ и од лажни обвинувања, зашто сето тоа е по­лошо од смрт,

7но срцева болка и тага – тоа е жена кога е љубоморна на друга жена,

8и би­чот на јазикот нејзин, што сите ги шиба.

9Злата жена е како јарем волски кој се движи натаму-наваму; и кој неа ја зе­ма – тоа е исто како скорпија да фаќа.

10Жена пијана мака е голема; неиз­мерлив е тогаш нејзиниот срам.

11Ер 4,30; Изреки 6,25Жена блудница се познава по дрс­ки­от поглед и по клепките на очите.

1242,11Над ќерка бесрамна засили го надзорот; за да не ја злоупотреби дадената слобода.

13Внимавај на бесрамно око; не чуди се ако згреши против тебе;

14како што од жед измачуван патник што уста отвора и пие секаква вода,

15та­ка и таа седнува пред секој шатор и на секоја стрела тулот го отвора.

Пофалба на совршена жена

16 Изреки 31,11-12 Љубезна жена радост е на својот маж; нејзината благоразумност коските негови ги зајакнува.

17Кротка жена е дар од Господа, а добро воспитаниот човек цена нема.

18Жена срамежлива е благодат изобилна;

19нема цена достојна за душа не­по­рочна.

20Песна 5,15Како сонце што сјае на Божјите ви­сини,

21таква е убавината на вредната же­на во среденоста на нејзиниот дом.

22Како свеќа што светлее на свеќ­ни­кот, таква е убавината на лицето нејзино кога е во возраст зрела;

23како златни столбови на подножја сребрени, такви се убавите нозе врз неј­зините цврсти пети.

Три непријатни ситуации

24Две работи срцето мое го жалостат, а од третата гнев ме обзема:

25кога војник страда од немаштија и кога разумните пренебрегнати биваат,

26кога некој од праведност пак на грев се враќа; за так­виот Господ мечот го приготвил.

Искушенијата на трговецот

27Трговецот одвај може грешките да ги одбегнува, а крчмарот – да се избави од грев.