Еремија 3 - Свето Писмо: Стандардна Библи?а 2006 (со девтероканонски книги)（MK2006D）

Грев и срам

1Ако мажот си ја остави жената, и таа си замине и стане жена на друг маж, може ли пак да се врати кај него? Нема ли со тоа да се оскверни таа зем­ја? А ти со мнозина милосници блудствуваше, – и при сето тоа ќе се враќаш кај Мене? – вели Господ.

21 Мојс 38,14; Ез 16,25; Изреки 7,12; Посл 1,42– Крени ги очите кон идолските све­тилишта и гледај каде ли не блудствува­ле со тебе? Како Арапин во пустина се­деше по патиштата заради нив, и ја ос­квернуваше земјата со твојот блуд и со твојата грешност.

35,24-25; 14,4; 5 Мојс 28,23; Амос 4,7Заради тоа беа запрени дождовите и немаше пролетен дожд; но ти имаше чело на блудница, – не сакаше да се засрамиш.

4Не викаш ли сега кон Мене: „Оче, Ти беше пријател на младоста моја.“

52,35; 3,12; Ис 64,8Зар Тој вечно ќе се лути, ќе пламти ли вечно гневот Негов? Ете, што зборуваш ти, а вршиш зло и продолжуваш така!

Божјиот повик до Израил

6Господ ми рече во дните на царот Јошија: виде ли ти, што врши отстапницата, ќерката Израилева? Таа оди на секоја висока гора и под секое лиснато дрво, и таму блудствува.

7И откако таа го вршеше сето тоа, Јас мислев дека таа ќе се врати кај Ме­не, но таа не се врати; и го виде тоа неј­зината вероломна сестра Јудеја.

8Ис 50,1И видов дека, кога заради сите прељубни дејствија на отстапницата, ќерката Израилева, Јас ја напуштив и ѝ дадов разводно писмо, вероломната ѝ сестра, Јудеја, не се исплаши, туку отиде и сама блудствуваше.

9И со јавното блудно дејствување таа ја оскверни земјата, и прељуба вршеше и со камен и со дрво.

10Ос 7,13Но при сето тоа нејзината вероломна сестра Јудеја не се обрати кон Мене од сѐ срце, туку само привидно – рече Господ.

11И ми рече Господ: отстапницата, ќерката Израилева, излезе поправа, от­колку вероломната Јудеја.

122,2; 3,5.18; 5 Мојс 30,2-10; Пс 102,9; Плач 3,31Оди и разгласи ги тие зборови кон север и кажи: – врати се, отстапнице, ќерко Израилева – вели Господ. Јас нема да го излијам врз вас Мојот гнев; зашто Јас сум милостив, – вели Господ – нема вечно да негодувам.

13Изреки 28,13; 3 Мојс 26,40Признај ја само вината своја: зашто отстапи од Твојот Господ Бог и се од­в­лечка со туѓинци под секое лиснато др­во, а Мојот глас не го слушаше, вели Господ.

143,22; Ос 14,2; 2 Лет 29,6Вратете се деца – отстапници, вели Господ, зашто Јас сум ваш Господар и ќе земам од вас по еден од град и по двајца од племе и ќе ве одведам на Си­он.

1523,4; 1 Цар 2,35И ќе ви дадам според срцето Мое пастири, кои ќе ве пасат со знаење и благоразумност.

1623,3; 5 Мојс 6,3; Ис 54,1; Зах 10,8; Варух 2,34И кога ќе се размножите и ќе ста­нете многуплодни на земјата, тогаш, ве­ли Господ, нема повеќе да велите: Ков­чегот на заветот Господов ни на ум нема да им дојде, и нема да се сетат за него, ниту ќе доаѓаат кај него, ниту пак повторно ќе го градат.

17Ез 43,7; Дела 6,7; Откр 22,3Во тоа време Ерусалим ќе го на­ре­чат престол на Господ, и сите народи заради името Господово ќе се соберат во Ерусалим и нема повеќе да постапуваат според тврдоглавоста на своето зло срце.

18Во тие дни Јудиниот дом ќе дојде при Израилевиот дом, и ќе дојдат заедно од северната земја во земјата што Јас им ја дадов во наследство на предците ваши.

19Ез 20,6; Дан 8,9; 11,16; 2,27; 3,4; Ис 63,16И реков Јас: „Како да те поставам меѓу синовите и да ти ја дадам многу са­каната земја, најпрекрасното наследство на многуте народи?“ И мислев: „Ти ќе Ме нарекуваш твој Отец и нема да отстапиш од Мене.“

20Но, навистина, како што жена ве­ро­ломна го изневерува сопругот свој, така вероломно постапивте со Мене вие, доме Израилев, вели Господ.

Народот се кае за своите гревови

21Нека се чуе глас по идолските све­тилишта, жален плач на Израилевите синови, затоа што тие скршнаа од свој­от пат, Го заборавија Господа, својот Бог.

223,14; Ос 14,5Вратете се, синови одметници: Јас ќе го излекувам вашето непокорство. – Еве, ние идеме кај Тебе, зашто Ти си Господ, Бог наш.

23Пс 3,8Навистина, напразно се надевавме на ридовите и на многуте гори; навис­ти­на, во нашиот Господ Бог е Изра­и­ле­во­то спасение!

245 Мојс 28,33Уште од млади години таа гадотија ги уништуваше трудовите на нашите предци, овците и воловите нивни, си­но­вите и ќерките нивни.

257,25-28; 22,21; 1 Езд 9,6-7; 4 Цар 18,12Ние лежиме во својот срам, а на­шиот срам нѐ покрива, зашто грешевме пред нашиот Господ Бог, – ние и тат­ков­ците наши, уште од младите години на­ши дури до овој ден. – И не го слушавме гласот на Господ, нашиот Бог.