Битие 5 - Свето Писмо: Стандардна Библи?а 2006 (со девтероканонски книги)（MK2006D）

Родословот на патријарсите од Адам до Ное

1 1,26 Ова е родослов на Адам: Кога Бог го создаде човекот, го создаде според образот Божји.

2Маж и жена ги создаде, и ги благо­слови, и ги нарече – човечки суштества – во денот кога беа создадени.

3Адам поживеа двеста и триесет години, кога му се роди (син) според по­добието негово и според образот негов, и му даде име Сит.

4А откако го роди Сит, Адам пожи­веа уште седумстотини години, раѓајќи синови и ќерки.

5И сите денови, што ги поживеа Адам, изнесуваа деветстотини и трие­сет години; потоа тој умре.

6Сит, пак, поживеа двеста и пет години и му се роди Енох.

7По раѓањето на Енох, Сит живееше уште осумстотини и седум години, раѓајќи синови и ќерки;

8така поживеа Сит вкупно деветстотини и дванаесет години и потоа умре.

9Енох, пак, имаше сто и деведесет години, кога му се роди Каинан.

10А откако го роди Каинан, Енох жи­вееше уште седумстотини и петнаесет години, раѓајќи синови и ќерки;

11и така сите денови на Енох изнесуваа деветстотини и пет години; потоа тој умре.

12Каинан, пак, поживеа сто и седум­десет години и го роди Махалалеил;

13а по раѓањето на Махалалеил Ка­инан живееше уште седумстотини и четириесет години, раѓајќи синови и ќерки.

14И така Каинан поживеа вкупно деветстотини и десет години; и умре.

15А Махалалеил поживеа сто шеесет и пет години, и го роди Јаред.

16По Јаредовото раѓање Махалалеил живееше уште осумстотини и триесет години, раѓајќи синови и ќерки.

17А сите денови од животот на Махалалеил беа осумстотини деведесет и пет години; потоа тој умре.

18Јаред, пак, поживеа сто шеесет и две години и го роди Енох;

19а откако го роди Енох, Јаред жи­вееше уште осумстотини години, раѓај­ќи синови и ќерки.

20Сите денови, пак, од животот на Јаред изнесуваа деветстотини шеесет и две години; и умре.

21Енох, откако поживеа сто шеесет и пет години, го роди Метушелах;

22Сир 44,16; 49,14а по раѓањето на Метушелах, Енох живееше според волјата Божја триста години, раѓајќи синови и ќерки.

23А сите денови на Енох изнесуваа триста шеесет и пет години.

24Мудр 4,10-11; Евр 11,5И Енох, живеејќи според волјата Божја, исчезна, бидејќи Бог го зеде.

25Метушелах, пак, поживеа сто осум­десет и осум години, и го роди Ламех;

26па, откако го роди Ламех, Мету­шелах живееше уште седумстотини осумдесет и две години, раѓајќи синови и ќерки;

27а сите денови од животот на Мету­шелах беа деветстотини шеесет и девет години; потоа умре.

28Ламех, пак, откако поживеа сто осумдесет и осум години, доби син.

293,17-19И го нарече Ное, велејќи: „Овој ќе нѐ утеши во работите наши и во трудот на рацете наши на земјата, што Господ ја проколна.“

30А откако се роди Ное, Ламех пожи­веа уште петстотини шеесет и пет години, раѓајќи синови и ќерки.

31Така поживеа Ламех вкупно седумстотини педесет и три години; и умре.

326,10; 9,18; 10,1Ное имаше петстотини години, кога ги роди (трите сина): Сим, Хам и Јафет.