Левит 21 - Свето Писмо: Стандардна Библи?а 2006 (со девтероканонски книги)（MK2006D）

Прописи во врска со свештеницитеЗа приватниот живот на свештениците

1 Ез 44,25-27 2 Мојс 28,1; 4 Мојс 5,2; 6,6; 19,11; 31,19 И пак му рече Господ на Мојсеј, велејќи: „Кажи им на свеште­ниците, синовите Аронови, и речи им да не се допираат до мртовец од народот свој.

2Само до свој близок роднина: до мајка, до татко, до син и до ќерка, до брат,

34 Мојс 6,6до сестра, која е мома што живее кај него, немажена, може да се допира, и со тоа да не се осквернува;

4инаку, не смее да се оскверни со допир до кого и да било од народот свој, за да не стане нечист.

519,27-28; 5 Мојс 14,1; Ер 7,29; 16,6; Ез 5,1Не смеат да ја бричат главата своја, ниту да го потстрижуваат крајот од брадата своја, ни да прават зарези по телото свое.

62 Мојс 31,13Тие треба да бидат свети пред својот Бог и да не го осквернуваат името на својот Бог, бидејќи тие Му принесуваат жртви на Бога, леб на својот Бог, и затоа треба да бидат свети.

7Ез 44,22Тие не смеат да земаат жени блудници и порочни, не смеат да се женат ни со жена истерана од својот маж, затоа што се тие свети пред својот Бог.

8И свет нека ти биде, бидејќи тој Му принесува храна на Господ, вашиот Бог; тој треба да ти биде свет, затоа што сум свет Јас, Господ Бог ваш, Кој ве осветува.

91 Мојс 38,24Ако свештеничка ќерка се оскверни со блудство, таа го осквернила таткото свој: со оган да биде изгорена.

108,7-12; 2 Мојс 29,7А големиот свештеник меѓу браќа­та свои, врз чија глава е излеано масло за помазание, и кој е осветен за да се облекува во свети одежди, да не ја от­крива главата своја и облеката своја да не ја кине;

114 Мојс 5,2; 6,6; 9,6; 19,11и до никаков мртовец да не приоѓа; да не се осквернува со допир ни до ум­рениот татко свој, ни до мајката своја.

1210,7; 2 Мојс 25,8; 28,41Тој од светилиштето да не се од­далечува за да не го оскверни светото на својот Бог, зашто светото масло на Божјото помазание е врз него. Јас сум Господ.

13За жена тој треба да зема девица (од својот народ);

14не смее да зема вдовица или оставена или осквернета (или) блудница, туку само девица од родот свој тој треба да зема за жена.

15И да не го осквернува своето по­томство во народот свој: затоа што сум Јас Господ, Кој го осветува.“

Пречки за вршење на свештеничка служба

16И му рече Господ на Мојсеј, ве­лејќи:

17Ис 56,3-5„Кажи му на Арон: никој од твоето семе во сите родови, кој има телесен недостаток, да не пристапува да Му принесува дар на својот Бог.

182 Цар 4,4; 9,3Никој, кој има телесен недостаток, да не пристапува; ни слеп човек, ниту куц, ниту, пак, со чпртав нос, или со де­формирани крајници,

19ниту таков кому му е раката скрше­на или ногата скршена,

20ниту грбав, ниту слабуњав, ниту со перде на очите, ни крастав или со лишај, ниту скопец.

21Никој човек од родот на свеш­те­никот Арон, кој е со телесен недостаток, не смее да пристапува за да Му принесува жртва на Господ; бидејќи има недостаток, нека не пристапува да принесува дарови Божји,

221 Кор 9,13но од храната на својот Бог, од осветените жртви, тој може да јаде;

232 Мојс 25,8само до завесата да не се доближува и до жртвеникот да не пристапува, затоа што има недостаток: да не го ос­кверни светилиштето Мое, бидејќи Јас сум Господ, Кој ги осветува.“

24И Мојсеј им го соопшти тоа на Арон и на синовите негови и на сите синови израилски.