Псалми 118 - Свето Писмо: Стандардна Библи?а 2006 (со девтероканонски книги)（MK2006D）

ПСАЛМ 118Слава на законот Божји

1 1,1; 111,1; 127,1; 5 Мојс 10,12; Изреки 8,32; 28,18; Мт 5,3-4; Лк 11,28 Блажени се непорочните во патот нивни, зашто одат според законот Гос­подов.

25 Мојс 4,29; 2 Лет 31,21Блажени се оние кои ги пазат сведоштвата Негови и од сѐ срце Го ба­раат,

3оние кои не вршат беззаконие, туку одат по Неговите патишта.

4Ти заповеда грижливо да се пазат Твоите заповеди.

53 Цар 8,61О, да се управат моите патишта за да ги чувам Твоите заповеди!

6Тогаш нема да се засрамам, гледајќи ги сите Твои заповеди.

785,12Ќе Те славам Господи со чисто срце, кога ќе ги научам Твоите праведни су­дови.

8Ќе ги пазам Твоите заповеди; не ос­тавај ме сосема.

9Изреки 1,4Како момчето ќе го запази во чистота патот свој? – Ако ги пази зборовите Твои!

10Со сето срце мое Те барам, не доз­волувај да застранам од Твоите заповеди.

1136,31; Ис 51,7; Дан 7,28; Лк 2,19.51Ги сокрив во срцето свое за­по­ве­ди­те Твои, за да не грешам пред Тебе.

1224,4; 142,10Благословен си Ти, Господи! Научи ме на Твоите повелби.

131,2Со устата своја ги разгласив сите уредби од устата Твоја.

14Мудр 7,11По патот на Твоите сведоштва се насладувам како во секое богатство.

15Ќе размислам за Твоите заповеди и ќе ги управувам очите мои на патот Твој.

16Рим 7,22Од повелбите Твои ќе се поучувам, нема да ги заборавам Твоите зборови.

17Покажи милост кон Твојот слуга, и ќе живеам и ќе ги пазам Твоите зборо­ви.

182 Мак 1,4Отвори ги очите мои, и ќе ги разбе­рам чудесата од Твојот закон.

1938,12Придојден сум на земјава, не сокривај ги од мене Твоите заповеди.

20И копнее душата моја во секое вре­ме да ги сака Твоите уредби.

215 Мојс 27,26Ти ги укоруваш горделивите; прок­лети да се оние, кои се отклонуваат од Твоите заповеди.

22Тов 3,15Отстрани го од мене прекорот и презирот, зашто ги пазев Твоите пропи­си.

23Кнезовите седат и ме клеветат, а Твојот слуга размислува за Твоите по­велби.

24Сведоштвата, пак, Твои се поука моја, а наредбите Твои – советници.

2543,25Душата моја лежи во прав: оживи ме според зборот Твој.

26Патиштата мои Ти ги кажав, и Ти ме чу; научи ме на Твоите повелби.

271 Цар 12,23Вразуми ме да го разберам патот на Твоите повелби и јас ќе размислувам за Твоите чудеса.

28Душата моја засолзи од тага, зацвр­сти ме со зборовите Твои.

29Отстрани го од мене патот на лагата и научи ме на законот Твој.

30Го избрав патот на вистината, и не ги заборавив Твоите судови.

315 Мојс 11,22; Ер 13,11Се приврзав за сведоштвата Твои, Господи: не ме посрамувај.

3224,17; Ис 60,5; Ер 31,33; 2 Кор 6,11Ќе брзам по патот на Твоите за­по­веди, кога ќе го прошириш моето раз­бирање.

3318,11Покажи ми го, Господи, патот на Твоите наредби и ќе се придржувам за нив до крај.

34Ер 9,24Поучи ме, и ќе се држам за законот Твој и ќе го пазам со сето срце свое.

35Упати ме на патеката на Твоите за­поведи, зашто многу ја засакав.

363 Цар 8,58; Ис 33,15Приклони го срцето мое кон Твоите сведоштва, а не кон лакомства.

37Сврти ги очите мои за да не гледам суета: оживи ме на Својот пат.

38Во слугата Свој внеси збор Свој за да се бои од Тебе.

39Тов 3,15Отстрани го од мене прекорот, од кој се плашам, зашто Твоите уредби се прекрасни.

40Ете, јас копнеам по Твоите правила: Оживеј ме според Својата праведност.

41И нека милоста Твоја, Господи, пријде на мене, и спасението од Тебе според зборовите Твои, –

42Изреки 27,11; Мт 10,19и јас ќе им одговорам на оние што ме навредуваат, зашто верувам во зборовите Твои.

43Не одземај го сосема од устата моја словото на вистината, зашто јас се надевам на Твоите уредби.

445 Мојс 5,29И ќе го чувам Твојот закон засекогаш и во векови.

45110,2; 1 Езд 7,10Ќе одам слободно, зашто ги барам Твоите заповеди.

46И ќе зборувам за сведоштвата Твои пред царевите, и нема да се посрамам;

47им се насладувам на Твоите заповеди, кои многу ги засакав;

4827,2; 62,4ќе ги протегнам рацете свои кон Твоите заповеди, кои ги возљубив, и ќе размислувам за Твоите наредби.

49104,42Спомни си за словото Твое кон Твојот слуга, со кое си му дал надеж.

501 Мак 12,9; Рим 15,4Тоа ме утешува во неволјата моја, зашто Твоето слово ме оживува.

51Горделивите жестоко ме напаѓаат, но јас не се отстранив од Твоите закони.

52Кога си спомнувам за Твоите уредби од старина, Господи, се утешувам.

53Лутина ме обзема од нечестивите што го напуштаат Твојот закон.

541 Птр 2,11Повелбите Твои ми беа песна кога патував во некое место.

5562,6; 133,1Ноќе го споменувам името Твое, Господи, и го пазам законот Твој.

56Проп 12,13Тој стана мој, зашто ги пазам Твоите правила.

5715,5; Плач 3,24Дел мој си Ти, Господи, – си реков – ќе го пазам законот Твој.

58Му се помолив на лицето Твое од сѐ срце: помилуј ме, според словото Твое.

59Размислувам за Твоите патишта и ги свртувам нозете мои кон Твоите уред­би.

60Брзам и не се колебам да ги запазам Твоите заповеди.

61Замки од нечестиви ме опкружија, но јас не го заборавив Твојот закон.

6241,8На полноќ станувам да Те величам поради Твоите праведни уредби.

63Јас сум меѓу оние што се бојат од Тебе и кои ги пазат Твоите правила.

6432,5Со Твојата милост, Господи, Земја­та е полна; научи ме на Твоите повелби.

65Добрини си му направил, Господи, на Твојот слуга според Твоето слово.

66Научи ме на добро и на разумно, зашто верувам во Твоите заповеди.

67Изреки 15,33Пред моето страдање бев застра­нил, а сега го пазам Твојот збор.

6824,8Ти си добар, Господи, и поради доб­рината Твоја научи ме на Твоите повелби.

69Се зголеми неправдата од гордите врз мене, но јас од сѐ срце ги пазам Тво­ите правила.

7016,10; 72,7; Ис 6,10Срцето им е бездушно како сало, но јас уживам со Твојот закон.

71Добро ми е што бев понижен, за да се научам на Твоите повелби.

7218,10Законот на Твојата уста за мене е подобар отколку илјадници златници и сребреници.

735 Мојс 32,6; Јов 10,8Твоите раце ме создадоа и изградија: вразуми ме, и ќе се научам на Твоите заповеди.

74106,42; 129,5Оние, кои се бојат од Тебе, кога ќе ме видат ќе се зарадуваат, затоа што се надевав во Твоите зборови.

75Знам, Господи, дека Твоите судови се праведни, и според справедливоста Твоја Ти ме казни.

76Па нека ми биде милоста Твоја уте­ха, според Твоето слово кон Твојот слу­га.

77Нека пријде на мене Твојата штед­рост, и јас ќе живеам, зашто законот Твој е утеха моја.

78Нека се посрамат горделивите, зашто неправедно и без вина ме обвину­ваат; а јас ќе размислувам за Твоите правила.

79Нека ми се приклонат оние што се плашат од Тебе, за да ги научат Твоите уредби.

80Нека биде срцето мое непорочно во Твоите повелби, та да не се посрамам.

81Копнее душата моја за Твоето спа­сение; јас се надевам во Твоите зборови.

82100,2Очите мои попуштија од желба за Твоето слово, велејќи: кога ќе ме уте­шиш?

8334,14; Јов 30,30Зашто станав како мев во дим, но Твоите повелби не ги заборавив.

847,1Колку долго ќе чека Твојот слуга? Кога ќе извршиш суд над моите гони­те­ли?

8556,6Горделивите ми ископаа јама; тие го кршат Твојот Закон.

8632,4; 110,7-8Сите Твои заповеди се вистина. Не­праведно ме гонат: помогни ми!

87За малку ќе ме убиеја на земјата, но јас не ги оставив Твоите заповеди.

88Според Твојата милост зачувај ми го животот, и јас ќе ги пазам сведош­твата од Твојата уста.

8918,9; Ис 40,8; Изреки 8,22-23; Мт 24,35Ти постоиш вечно, Господи; Твоето слово засекогаш е утврдено на небото;

90103,5Твојата верност е од род во род. Ти си ја поставил Земјата, и таа стои.

91Според Твоја волја постојат денес; сѐ што постои, Тебе ти служи.

92Да не беше Твојот закон утеха за мене, јас ќе загинев во неволјата своја.

93Никогаш нема да ги заборавам Тво­ите правила, зашто преку нив ме ожи­вуваш.

9499,3Твој сум јас, спаси ме, зашто ги ба­рав Твоите правила.

95Нечестивите демнат за да ме убијат, но јас пазам на уредбите Твои.

96Сир 24,29Го видов крајот на секое совр­шен­ство, но Твоите заповеди се без­гра­нич­ни.

9739,8Колку го засакав, Господи, Твојот закон; секој ден се поучувам од него.

985 Мојс 4,6Со Твојата заповед ме направи по­мудар од непријателите мои, зашто таа е секогаш со мене.

99Станав поразумен од сите учители мои, зашто сведоштвата Твои се моја поука.

100Јов 32,6-7; Мудр 4,8-9; 8,9Поумен станав од старите, зашто ги пазам Твоите заповеди.

101Ги задржувам нозете свои од се­ка­ков лош пат, за да го пазам словото Твое.

102Од твоите уредби нема да се от­ка­жам, зашто Ти ме поучи.

10318,10; Ер 15,16; Сир 24,20Колку се слатки за грлото мое збо­ровите Твои, послатки се од мед во ус­тата моја.

104Преку твоите заповеди станав ра­зумен; затоа го замразив секој лажен пат.

10517,28; Изреки 6,23Твоето слово е светилник на нозе­те мои и светлина за патеката моја.

106Се заколнав и реков дека ќе ги па­зам Твоите праведни судови, и ќе ги ис­полнувам.

10769,5Многу сум нажален, оживи ме, Господи, поради Твоето слово.

10849,14.23; Евр 13,15Прими ги моите благодарници, Господи, и научи ме на Твоите уредби.

109Животот ми е постојано во опасност, но Твојот закон не го заборавив.

110Нечестивите ми поставија замка, но јас не се отстранив од Твоите заповеди.

111Ер 15,16Твоите уредби ми се вечно наследство, тие се голема радост за срцето мое.

112Го натерав срцето свое да ги из­вр­шува повелбите Твои, секогаш и до крај.

113Сир 2,12Оние со дволично срце ги замра­зив, но Твојот закон го сакам.

1143,3Ти си ми заштита и штит: во Тво­е­то слово се надевам.

1156,8Иставете се од мене злосторници, за да ги запазам заповедите на мојот Бог.

116Поддржи ме според Твоето слово, и јас ќе живеам; не посрамувај ме во на­дежта моја;

117помогни ми, и ќе се спасам: и Тво­ите повелби постојано ќе ги пазам.

118Ти ги презираш оние, кои отстапуваат од Твоите повелби, зашто нивните мисли се неправедни.

1192 Мојс 22,19-23Сите грешници земни ги сметаш за 'рѓа, затоа засекогаш ги засакав Твоите уредби.

12087,16; Јов 4,14-15Од страв пред Тебе трепери телото мое, и од Твоите судови се плашам.

121Го правев она што е право и пра­ведно; не предавај ме на моите угнету­ва­чи.

122Заложи се за доброто на Својот слуга, та да не ме сотрат горделивите.

123Очите ми копнеат, очекувајќи го спасението од Тебе, и словото на Тво­ја­та правда.

124Постапи со Твојот слуга според милоста Своја и научи ме на Твоите по­велби.

125115,7; 142,12Слуга Твој сум јас: вразуми ме и ќе ги познаам уредбите Твои.

12668,13; 101,13Време е, Господи, да се дејствува: Твојот закон го осквернија.

127Затоа ги засакав заповедите Твои и од топаз и од злато повеќе.

128Затоа се управував според сите Твои заповеди и лажниот пат го замра­зив.

129Прекрасни се Твоите сведоштва: затоа душата моја ги запазува.

13018,8; 72,17Објавувањето на Твоите зборови просветува и скромните ги вразумува.

131Со отворена уста копнеам, зашто жеден сум за Твоите заповеди.

1325,11; 24,16; 90,14Погледај кон мене и помилуј ме, како што постапуваш со оние, кои го сакаат Твоето име.

133Управувај ги стапките мои според Твоето слово и не допуштај со мене да овладее никакво беззаконие.

134Ис 54,14; Лк 1,74Избави ме од човечко насилство за да ги пазам Твоите заповеди,

1354,6; 30,16озари го Твојот слуга со светлината на лицето Твое, и научи ме на Тво­и­те заповеди.

136Ер 13,17; Ез 9,4; 1 Езд 9,3-4Од очите мои потоци солзи течат, зашто не го пазат Твојот закон.

1375 Мојс 32,4; Соф 3,5; Плач 1,5.7Праведен си Ти, Господи, и праведни се Твоите пресуди.

138Твоите сведоштва, што си ги дал, се засновани на правда и целосна вистина.

13968,9Ревноста моја ме јаде, зашто не­пријателите мои ги заборавија Твоите слова.

140Изреки 30,5Твоето слово е темелно испитано, и Твојот слуга го сака.

141Мал сум и презрен, но Твоите пра­вила не ги заборавив.

142Твојата праведност е вечна праведност, и Твојот закон е вистина.

1431 Мак 2,53Скрб и мака ме обзедоа; Твоите заповеди се моето уживање.

144Твоите уредби се праведни довека; вразуми ме, и ќе живеам.

145Те повикувам со сето срце мое, услиши ме, Господи, – и ќе ги пазам по­велбите Твои.

146Тебе Те повикувам: спаси ме, за да ги пазам Твоите уредби.

14756,8Ја испреварувам зората и викам; на Твоето слово се надевам.

14862,6; 76,4Очите мои се отвораат пред утринската стража, за да се поучам на Твоите слова.

149Чуј го мојот глас, според милоста Своја, Господи; според Твојата правда, зачувај ме во живот.

150Се приближија оние што ме прого­нуваат со зла намера; од законот Твој тие се оддалечија.

1515 Мојс 4,7Но Ти си близок, Господи, и сите Твои заповеди се вистина.

152Мт 5,18Одамна знам за Твоите уредби дека си ги утврдил засекогаш.

153Погледај на мојата потиштеност и избави ме, зашто не го заборавив Твојот закон.

15442,1Пресуди според мојата правда и ис­купи ме; заради словото Твое оживеј ме.

155Далеку е спасението од не­чес­ти­ви­те, зашто тие не ги бараат Твоите по­велби.

15668,16Голема е Твојата милост, Господи, според Твојата правда оживи ме.

157Многумина ме гонеа и мачеа, но од Твоите уредби јас не отстапив.

15894,10Ги гледам неверниците и се гна­сам, зашто словата Твои не ги пазат.

159Погледни како ги сакам запове­ди­те Твои, запази ми го животот, Госпо­ди, поради Твојата милост.

160Јн 17,17Вистината е основа на Твоите сло­ва; и секоја Твоја праведна одредба трае вечно.

161Кнезовите ме гонат без вина, но срцето мое се плаши само од Твоите зборови.

162Ис 9,3; Мт 13,44Се радувам на Твоето слово, како оној кој нашол големо благо.

163Ја замразив неправдата и се гнасам од неа; а Твојот закон го сакам.

164Седумпати на ден Те прославувам за Твоите праведни одредби.

16536,11; 71,7; 1 Јн 2,10Голем е мирот кај оние, кои го сакаат Твојот закон, и за нив нема соб­лазна.

166Го чекам спасението од Тебе, Гос­поди, и Твоите заповеди ги извршувам.

167Душата моја ги пази Твоите уредби, и јас многу ги засакав.

168Изреки 5,21Ги пазам Твоите заповеди и Твоите сведоштва, зашто сите мои патишта се пред Тебе, Господи.

169Нека допре до Тебе молбата моја, Господи; вразуми ме според Твоите збо­рови.

17078,11; 87,2Нека барањето мое дојде пред Тебе; избави ме според Твоето слово.

171Од устата моја нека се произнесе похвала, кога ќе ме научиш на Твоите повелби.

172Рим 7,12Јазикот мој нека ги разгласи Тво­ите зборови, зашто сите Твои заповеди се праведни.

173Нека ми биде Твојата рака на спа­сение, зашто Твоите заповеди ги избрав.

174Копнеам, Господи, за спасение од Тебе и Твојот закон е мојата наслада.

17521,26; 68,32; Ис 38,19; 54,2Нека живее душата моја и нека Те слави; и Твоите уредби нека ми помогнат.

176Ис 53,6; Ер 50,6; Ез 34,1.6; Лк 15,4-7; 1 Птр 2,25Се заблудив како загубена овца: побарај го Твојот слуга, зашто не ги заборавив Твоите заповеди.