4 Царства 13 - Свето Писмо: Стандардна Библи?а 2006 (со девтероканонски книги)（MK2006D）

Јоахаз, цар на Израил

1Во дваесет и третата година од владеењето на Јоас, синот на ју­дејскиот цар Охозија, стана цар над Израил во Самарија, Јехуевиот син Јоахаз, и царуваше седумнаесет години.

2Тој го правеше она што беше немило пред очите на Господ и одеше во гре­вовите на Наватовиот син Јеровоам, кој го беше навел во грев Израил, и не отстапуваше од нив.

38,12И се разгори гневот на Господ против Израил, и Тој го предаде во раката на арамејскиот цар Азаил и во раката на Азаиловиот син Венадад, за сето она време.

4Јоахаз се помоли пред лицето на Господ, и Господ го слушна, зашто ја виде неволјата на Израилците, како ги притеснуваше арамејскиот цар.

5И Господ им даде на Израилците спасител, и тие се оттргнаа од раката на Арамејците, и живееја синовите Израи­леви во шаторите свои, како порано.

6Меѓутоа не отстапуваа од гревовите на домот на Јеровоам, кој го беше навел во грев Израил; сѐ уште одеа по нив, а и столбот на Ашера стоеше во Сама­рија.

7На Јоахаз му остана војска само педесет коњаници, десет коли и десет илјади пешаци, зашто царот на Арам ги беше уништил и ги згази како прав што се тапка.

8Другото за Јоахаз и за сѐ што тој го извршил, и за неговите јуначки подвизи, е опишано во летописите на изра­илските цареви.

9И почина Јоахаз кај своите предци, и го погребаа во Самарија. На негово место се зацари неговиот син Јоас.

Јоас, цар на Израил

10Јоахазовиот син Јоас стана цар над Израил во Самарија во триесет и седмата година од владеењето на јудејскиот цар Јоас; царуваше шеснаесет години.

11И тој го правеше она што не беше добро пред очите на Господ; не отстапуваше во ниеден од гревовите на Нава­товиот син Јеровоам, кој го беше навел на грев Израил, туку одеше по нив.

12Другото за Јоас и за сѐ она што тој го изврши, и за неговите јуначки подвизи, како војувал против јудејскиот цар Амасија, е опишано во летописите на израилските цареви.

13И почина Јоас кај своите предци, а на престолот негов седна Јеровоам. Јоас беше погребан во Самарија, кај израилските цареви.

Елисеј претскажува победа над Арамејците

14 1 Мојс 45,14; 46,29; 50,1 Елисеј се разболе од болест, од која подоцна и умре. Дојде кај него израилскиот цар Јоас, плачеше над него, ве­лејќи: „Татко мој, татко мој, бојна коло Израилева и негова коњицо!“

1513,18-19; 3 Цар 11,31И му рече Елисеј: „Земи лак и стрели!“ И тој зеде лак и стрели.

16Тогаш му рече: „Стави ја раката на лакот!“ И тој ја стави раката. Тогаш Елисеј ги стави рацете свои врз рацете на царот

17и рече: „Отвори го прозорецот кон исток!“ И тој го отвори. А Елисеј рече: „Стрелај!“ И тој стрелаше. Потоа Ели­сеј рече: „Таа стрела за спасение е од Господ, таа е спасителната срела против Арам, и ти ќе ги поразиш и униш­тиш Арамејците во Афек.“

18И продолжи Елисеј и рече: „Земи стрели!“ И тој зеде. Пак му рече на из­раилскиот цар: „Удри во земјата!“ И тој удри трипати и запре.

19И му се разгневи Божјиот човек и рече: „Требаше да удриш петпати или шестпати, тогаш ќе ги разбиеш докрај Арамејците, а сега ќе ги поразиш Ара­мејците само трипати.“

20Елисеј умре и го погребаа. А на другата година моавските луѓе навлегоа во земјата.

21И ете, додека некои луѓе погребуваа еден човек, таму видоа разбојници, па го фрлија мртовецот во Елисеевиот гроб, и тој, како што падна, се допре до Елисеевите коски, оживеа и се исправи на нозете свои.

Победата над Арамејците

22 8,12 Царот на Арам Азаил ги мачеше Израилците во сите денови на Јоахаз.

235 Мојс 1,8; 6,10; 9,5.27; 29,12; 34,4; 3 Цар 18,36Но Господ се смили над нив и ги помилува; се сврте кон нив поради заветот Свој со Авраам, Исак и Јаков и не сакаше да ги истреби, и не ги отфрли од лицето Свое до денес.

24Царот на Арам Азаил умре, и на­место него стана цар неговиот син Венадад.

25Јехоазовиот син Јоас ги поврати од рацете на Азаиловиот син Венадад гра­довите што тој ги беше презел со војна од рацете на татко му Јоахаз. Трипати го разби Јоас, и ги врати израилските градови.