1 Летописи 22 - Свето Писмо: Стандардна Библи?а 2006 (со девтероканонски книги)（MK2006D）

Давидовата подготовка за градење храм на Господ Бог

1 1 Мојс 28,17 И рече Давид: „Еве го домот на Господ Бог, еве го и жртвеникот за сепаленици на Израил.“

23 Цар 5,14-31

5 Мојс 20,11; 3 Цар 5,16-17; Ис 56,6; 1 Езд 3,7; 2 Лет 8,10Па заповеда Давид да ги соберат придојдените, што беа во земјата изра­илска и одреди каменоделци да делкаат камења за изградба на дом Божји.

33 Цар 7,47Давид подготви уште многу железо за шајки по крилата на вратите и за ку­ки, и многу бакар – без мерка,

4и кедрово дрво без број, зашто Сидонците и Тирците му доставија на Давид многу кедрово дрво.

53 Цар 3,7; 2 Лет 2,6И рече Давид: „Синот мој Соломон е млад и слаб, а домот, што ќе се гради за Господ, треба да биде многу величе­ствен, за слава и за приказ по сите земји; затоа јас ќе му приготвам сѐ што треба за него.“ И приготви Давид до смртта своја многу.

6Дела 7,47И го повика синот свој Соломон и му заповеда да Му изгради дом на Господ, Бог Израилев.

72 Цар 7,1-17

5 Мојс 12,5.11; 3 Цар 8,17И му рече Давид на Соломон: „Сине, имав на срце да изградам дом на името на мојот Господ, Бог,

8но дојде кон мене словото Господово и ми се рече: ‚Ти си пролеал многу крв и си водел големи војни; ти не бива да градиш дом на името Мое, зашто си пролеал многу крв на земјата пред лицето Мое.

9Ис.Н. 14,15; 2 Цар 12,24; 3 Цар 5,3Еве, ќе ти се роди син: тој ќе биде мирен човек; ќе му дадам спокојство од сите околни непријатели, затоа името негово ќе биде Соломон. Во неговите дни ќе му дадам на Израил мир и спо­кој­ство.

102 Цар 7,13.14; 3 Цар 9,5Тој ќе изгради дом на името Мое и ќе Ми биде син, а Јас нему – Татко, и та­ка ќе го зацврсти престолот на царството негово над Израил довека.‘

111 Цар 16,16А сега, сине, Господ нека биде со тебе, та да имаш благослов и да Му изградиш дом на Господ, твојот Бог, според тоа како што Тој рече за тебе.

123 Цар 3,11Да ти даде Господ мудрост и разум и да те постави над Израил; и запази го законот на Господ, твојот Бог!

135 Мојс 31,6.23; Ис.Н. 1,6-9; 3 Цар 2,3Така ќе имаш успех, кога ќе земеш да ги извршуваш наредбите и законите, што Господ му ги заповеда на Мојсеј за Израил. Биди цврст и храбар, не плаши се и не паѓај со духот!

14И еве, јас со мака приготвив за до­мот Господов сто илјади кикари злато, илјада кикари сребро, а бакарот и железото мерка немаат, зашто се во големи количини; дрва и камења исто така подготвив, а ти придодај уште кон тоа.

153 Цар 5,26-28; 1 Езд 3,7Имаш многу работници, и каме­ноделци, и резбари, и дрводелци, и вешти луѓе за секаква работа.

16Злато, сребро, бакар и железо – без број; продолжи и работи; Господ ќе би­де со тебе.“

17И им заповеда Давид на сите началници израилски да му помагаат на синот негов Соломон:

182 Цар 7,1„Зар не е со вас Господ, Бог наш, Кој ви даде спокојство од секаде? За­што Тој ги предаде во мои раце жите­лите на оваа земја, и земјата се покори пред Господ и пред Неговиот народ.

192 Лет 7,14И така, расположете го срцето свое и душата своја, за да Го побарате Гос­под, вашиот Бог. Станете и изградете Му светилиште на Господ Бог, за да го пренесете ковчегот на заветот Господов и свештените садови Божји во домот, што ќе се гради на името Господово!“