2 Летописи 5 - Свето Писмо: Стандардна Библи?а 2006 (со девтероканонски книги)（MK2006D）

Пренесување на ковчегот во храмот

1 2 Цар 8,11; 3 Цар 6,14 И се заврши сета работа, што ја изврши Соломон за домот Господов. И го внесе Соломон посветеното од татко му Давид сребро и злато, и сите садови ги предаде во ризниците на Божјиот дом.

24 Мојс 3,31; 1 Лет 15,25Тогаш Соломон ги свика во Еру­салим сите старешини на племињата на Израил и сите началници на домовите на Израилевите синови, за да го пренесат ковчегот на заветот Господов од Давидовиот град, односно од Сион.

3И се собраа кај царот сите Израилци на празникот, во седмиот месец.

4И дојдоа сите старешини израилски. Левитите го кренаа ковчегот;

51 Лет 15,2го понесоа ковчегот и скинијата на собранието и сите свети садови, што беа во скинијата, – го понесоа свештеници и левити.

6А царот Соломон и сиот народ, што се беше собрал кај него пред ковчегот, принесуваа жртви – овци и волови, тол­ку многу, што не беше можно да се из­бројат и пресметаат.

7Откр 11,19И свештениците го внесоа ковчегот на заветот Господов на местото негово, во Светињата над светињите, под крилјата на херувимите.

81 Мојс 3,24Херувимите беа со раширени крилја над местото на ковчегот и го покриваа ковчегот и лостовите негови одозгора.

9Лостовите се издигаа така, што дрш­ките им се гледаа пред Светињата над светињите, но не и надвор; тие се таму и ден денес.

102 Мојс 16,34; 5 Мојс 10,2; Евр 9,4Во ковчегот немаше ништо, освен двете камени плочи, што Мојсеј ги бе­ше положил на Хорев, кога Господ направи завет со Израилевите синови, по излегувањето нивно од Египет.

Славата Господова

11 1 Лет 24,1-19; Лк 1,8 Кога свештениците излегоа од све­тилиштето – зашто сите свештеници, што беа таму, се осветија, без разлика на нивните редови,

121 Езд 3,10; 1 Лет 9,33; 13,8тогаш сите пејачи – левити: Асаф, Еман, Једутун и синовите нивни и бра­ќата нивни, облечени во свечени облеки, со кимвали, харфи и лири стоеја на источната страна од жртвеникот, и со нив заедно сто и дваесет свештеници, трубеа со труби.

132 Мојс 40,34; Ер 33,11; Пс 99,5; 1 Езд 3,11; 1 Лет 16,34И додека трубеа и пееја сложно во еден глас воспевајќи и славопоејќи Го Господа и кога го подигнаа звукот од труби, кимвали и други свирки, и сите Го фалеа Господа дека е добар, дека милоста Негова е вечна, – тогаш домот Господов се исполни со облак,

142 Мојс 19,16; 40,35; Откр 15,8така што поради облакот свеште­ниците не можеа да продолжат со служба, зашто славата Господова го ис­полни Божјиот дом.