Псалми 30 - Свето Писмо: Стандардна Библи?а 2006 (со девтероканонски книги)（MK2006D）

ПСАЛМ 30Молитва за помош во немирни времиња

1Кај Тебе, Господи, се засолнувам, о да не се посрамам никогаш; според пра­ведноста Своја спаси ме.

217,2; 70,1-3Приклони го увото Твое кон мене, побрзај да ме избавиш. Биди ми Бог заштитник и прибежиште за да се спа­сам.

3Зашто Ти си карпа моја и крепост моја, заради името Твое поведи ме и уп­равувај со мене.

417,2; 22,3; 24,11; 78,9; 105,8; 108,21; 142,11; Ис 48,9; Ер 14,7.21; Ез 20,9.14; 20,21.43Изведи ме од оваа стапица, која по­тајно ми ја поставија, зашто Ти си мој заштитник.

524,15; 141,7Во Твоите раце го предавам духот свој; Ти си ме откупил, Господи, Боже на вистината.

6Лк 23,46; Дела 7,59; 1 Птр 4,19Не ти се мили оние што почитуваат ништожни идоли, но јас имам верба во Господ.

74,2; 5 Мојс 32,21; Ер 8,19; 10,8Ќе се радувам и ќе се веселам поради Твојата милост, зашто Ти погледна на маката моја и ја спаси од патила ду­шата моја,

8и не ме предаде во рацете на непри­ја­телите мои; нозете мои ми ги постави на чистина.

917,19; 117,5Смилувај се кон мене, Господи, зашто сум потиштен од скрб: ми се исушија од тага окото мое, душата моја и утробата моја.

106,7Го минувам во жал животот мој, и годините мои – со воздишки; изнеможе силата моја, и коските мои се свиткаа.

11Пред сите непријатели мои станав за прекор, дури и пред соседите мои, а и плашило за познатите мои; оние што ќе ме видат на улица, бегаат од мене.

1237,11; Јов 19,13-19Заборавен како мртовец сум во срцата на луѓето; станав како скршен сад,

13бидејќи чув дека мнозина околу ме­не погубно шепотат, и кога ќе се со­бе­рат заедно, се договараат и душата моја да ми ја одземат.

1440,5; Ер 6,25; 19,9Јас, пак, имам верба во Тебе, Гос­по­ди, и велам: Ти си мој Бог.

1521,10; 62,1Дните мои се во Твоите раце; из­ба­ви ме од рацете на непријателите мои и од гонителите мои.

16Нека засветли лицето Твое над слу­га­та Твој; спаси ме поради Твојата ми­лост.

174,6; 66,1; 79,3.7.19; 118,135; 4 Мојс 6,25Господи, не допуштај да се посрамам, поради тоа што кон Тебе повикав; нечестивите нека се посрамат и нека замолкнат во светот на мртвите.

18Да онемеат лажливите усти што говорат лошо против праведниот со горделивост и презир.

19Колку е голема добрината Твоја, Господи, што си ја запазил за оние, кои имаат страхопочит кон Тебе, и што си ја приготвил за оние, кои имаат верба во Тебе пред очите на синовите чо­веч­ки!

20Ќе ги сокриеш под покривот на ли­цето Свое од човечките завери, ќе ги заклониш од нападите на јазиците противнички.

2126,5; 108,3; Јов 5,21; Откр 7,15-16Нека е благословен Господ, зашто ја пројави кон мене Својата чудесна ми­лост кога бев обиколен како град под опсада!

22Во малодушноста своја си реков: отфрлен сум од очите Твои; но Ти го слушна гласот на молитвата моја, кога повикав кон Тебе.

23Јона 2,5Љубете Го Господа сите светии Не­гови, зашто Господ ги чува верните Свои, а им отплатува на оние, кои гордо постапуваат.

2436,34-35Бидете силни и нека крепне срцето ваше, сите вие што имате верба во Гос­под!