Мудрост Соломонова 6 - Свето Писмо: Стандардна Библи?а 2006 (со девтероканонски книги)（MK2006D）

Должност на секој цар е да копнее по мудрост

1 Пс 2,10; Сир 33,19 Затоа, слушајте, цареви, и разбе­рете, поучете се, судии, од краиштата на земјата.

2Внимавајте вие што владеете со множествата и кои се фалите со број­носта на вашите народи!

35 Мојс 2,21.37; 1 Лет 29,12; Јн 19,11; Рим 13,1Господ е Оној, Кој ви ја подари власта, а силата е од Севишниот; Тој ги проучува вашите дела и ги проверува вашите намери.

4Иако бевте служители на Неговото царство, не судевте право, не го др­жев­те законот и не постапувавте според Божјите заповеди.

5Наскоро Тој ќе ве накаже страшно, зашто строг е судот над управниците;

6зашто малиот заслужува милост, а силните ќе бидат строго измачувани.

7Јов 31,15; 34,17-19; Изреки 22,2; Сир 35,12Господ е над сите и од никого нема да се уплаши; Тој не се плаши од никаква величина; Тој создал и мало и големо, за сите подеднакво промислува.

8Управниците ги очекува строга ис­трага.

9И така, цареви, моите зборови се упатени кон вас, за да се научите на мудрост и да не грешите.

10Зашто оние кои со светост го чуваат светото, и самите ќе се осветат, а кои се поучени во тоа – ќе најдат оп­равдание.

11Затоа копнејте по моите зборови, засакајте ги и поучете се од нив.

Мудроста му е достапна на човекот

12 Изреки 8,1-36 1,2; Сир 6,27; Мт 7,7-11; Јн 14,21 Мудроста е блескава и не потемнува – лесно ја гледаат оние што ја сакаат, ја наоѓаат – оние што ја бараат;

13таа ги испреварува оние што ја ба­раат; прва им се покажува.

14Сир 4,12; 6,36; 39,5; Изреки 1,21; 8,3Кој ја бара од рано утро, нема да се измачува, зашто ќе ја најде како седи пред неговата врата.

15Бидејќи и самата помисла за неа – совршенство е за разумот, а кој бдее за­ради неа, брзо од грижи ќе се ослободи;

16Ис 65,1-2; Изреки 1,20-21; 8,2-3; Сир 15,2; 1 Јн 4,10таа самата оди наоколу и ги бара достојните за неа; доброволно им се ја­вува на нивните патишта, со нив се среќава при секоја мисла.

17Изреки 4,7Нејзиниот почеток е – твојата нај­ис­крена желба да учиш,

18а копнежот за учење – љубов е спрема неа; а да ја љубиш значи да ги сакаш нејзините закони, а да ги пазиш нејзините закони тоа е залог за твојата бес­мр­тност,

19а бесмртноста доближува до Бога;

20затоа копнежот кон мудроста из­диг­нува до царство.

21Затоа ако вие, владетели, им се ра­дувате на престолите и скиптрите, то­гаш почитувајте ја мудроста, за да царувате довека.

Најава за опис на мудроста

22А што е мудроста и како настанала, ќе ви кажам; нема од вас да ги сокријам тајните,

23ќе ги проучувам од самото раѓање;

24Изреки 29,4; Сир 10,1-3ќе ти го откријам нејзиното позна­ва­ње, не ќе одземам од нејзината вистина;

25и нема да појдам заедно со оној што копнее од завист, таквиот нема ништо заедничко со мудроста.

26Многуте мудреци се спасение за светот, а разумен цар – благосостојба е за народот.

27Затоа, поучувајте се од моите збо­рови и ќе ви биде од полза.