2 Царства 17 - Свето Писмо: Стандардна Библи?а 2006 (со девтероканонски книги)（MK2006D）

Кушиј му противречи на Ахитофеловиот совет

1Тогаш му кажа Ахитофел на Авесалом: „Ќе одберам дванаесет илјади души и ќе станам, ќе одам да го гонам оваа ноќ Давид;

216,14; 5 Мојс 25,18ќе го нападнам, кога ќе биде измо­рен и со отпуштени раце, и ќе му влеам страв; и сите луѓе што се со него ќе се разбегаат; и јас ќе го убијам само царот;

3и сите луѓе ќе ги свртам назад кон тебе како што невеста се врти кон својот маж. Ти ја бараш душата само на еден човек, а сиот народ ќе биде сми­рен.“

4Му се допаднаа тие зборови на Аве­салом и на сите израилски старешини.

515,32-34; 16,16-19И Авесалом рече: „Повикајте го Ку­шиј Аркиецот; да чуеме што ќе рече тој.“

6Дојде Кушиј при Авесалом, и Авеса­лом му рече, велејќи: „Еве што кажува Ахитофел; да постапам ли според зборовите негови? Ако, пак, не, кажи ти.“

7А Кушиј му рече на Авесалом: „Овој пат не е добар советот што го дал Ахитофел.

8Ос 13,8; Изреки 17,12Ти знаеш дека твојот татко и него­вите луѓе се многу силни и раздразливи во нивните души, како мечка в поле, чии малечки се грабнати, и татко ти е маж воин; тој нема да ноќева со луѓето.

9Ете, тој сега се крие во некоја пеш­тера или на друго место, и ако некој падне при првиот напад врз нив, и ако чујат и кажат: ‚разбиени се луѓето што тргнаа по Авесалом‘

1023,8-23тогаш и најхрабриот, чие срце е ка­ко лавовско срце, ќе падне со духот, зашто на сиот Израил му е познато, колку е храбар татко ти, и колку се ју­наци оние што се со него.

111 Цар 3,20; 13,5; Ер 33,22Затоа јас советувам: нека се собере кај тебе сиот Израил, од Дан до Вир­савија, во мноштво како песок крај мо­рето, и ти самиот ќе тргнеш среде него;

12и тогаш ќе одиме против него, каде и да се наоѓа, и ќе го нападнеме, како што росата паѓа на земјата; и нема да му остане ни еден човек од сите оние што се со него;

13ако, пак, влезе во некој град, тогаш сиот Израил ќе донесе во тој град ја­жиња, и ние ќе го завлечеме сѐ до реката, така што камче нема да остане таму.“

1415,31.34Тогаш рече Авесалом и сиот Изра­ил: „Советот на Кушиј е подобар од Ахитофеловиот совет.“ Така Господ пресуди да се осуети „добриот“ Ахито­фелов совет за да навлече Господ зло врз Авесалом.

Давид го преминува Јордан

15 15,27-28.35-36 И Кушиј им кажа на свештениците, на Садок и на Авијатар: „Така и така Ахитофел го советува Авесалом и ста­решините израилски, јас, пак, посоветував вака и вака.

1615,28И сега испратете гласници поскоро и кажете му на Давид така: да не ос­танува оваа ноќ на рамнината во пустината, и што поскоро да помине од онаа страна да не загине царот и сите луѓе што се со него.“

1715,27.36; 3 Цар 1,9Јонатан и Ахимаац чекаа кај Ен-Рогел. И отиде една слугинка, таа им раскажа, а тие отидоа и му јавија на царот Давид; зашто тие не можеа да се покажат во градот.

18Ис.Н. 2,3-7; 1 Цар 19,13Ги виде едно момче и му јави на Авесалом; но тие двајцата брзо заминаа и отидоа во Бахурим, во куќата на еден човек, во чиј двор имаше бунар; тие се спуштија во него.

19А жената зеде, та простре врз от­ворот на бунарот покривка и насипа одозгора прекрупа, така што ништо не се забележуваше.

20Дојдоа Авесаломовите слуги во куќата при жената и запрашаа: „Каде се Ахимаац и Јонатан?“ А жената им одговори: „Отидоа накај реката.“ Тие ги бараа и не ги најдоа, и се вратија во Ерусалим.

2117,15-16Откако си заминаа, оние излегоа од бунарот, отидоа и му јавија на царот Давид, велејќи му: „Станувајте и што поскоро преминувајте преку водата, зашто Ахитофел даде таков и таков совет за вас.“

22Тогаш Давид стана и сите луѓе што беа со него, и го минаа Јордан; на разденување не остана ни еден што не го премина Јордан.

2315,12; 4 Цар 20,1; Мт 27,5Ахитофел, кога виде дека неговиот совет не го послушаа, го оседла магарето, се подготви, отиде во домот свој, во својот град, откако ги уреди домашните и се обеси, умре, и го погребаа во татко­виот му гроб.

Давид во Маханаим

24 2,8 Давид стигна во Маханаим, а Аве­салом го премина Јордан, тој и сиот Израил со него.

2519,14; 20,9-12; 1 Лет 2,13-17Наместо Јоав, Авесалом го постави над војската Амаса. Амаса беше син на еден човек по име Јитра, од Јизреел, кој се ожени за Авигал, ќерка на Нахас, сестра на Саруја, Јоавова мајка.

26А Израил се смести во логорот со Авесалом во Галаадската земја.

279,4; 12,26.29; 19,32-33; 3 Цар 2,7Кога Давид стигна во Маханаим, Нахасовиот син Шовиј од Рава Амон­ска, и Махир, Амиеловиот син, од Ло-Девар, и Галаадчанецот Верзелиј од Рогелим,

2816,1-2донесоа десет постели, десет чинии и земјани садови, жито и јачмен, браш­но и булгур, грав и леќа и печени зрна,

29мед и масло, овчо и кравјо сирење, – донесоа храна на Давид и на луѓето што беа со него; зашто тие си рекоа: народот е гладен и уморен и жедува во пустината.