Сирахова 11 - Свето Писмо: Стандардна Библи?а 2006 (со девтероканонски книги)（MK2006D）

1Мудроста на понизниот ја издигнува неговата глава и ќе го пос­та­ви сред достоинственици.

Не суди според изгледот

2 1 Цар 16,7; 2 Кор 10,10-11 Не фали го човека поради неговата убавина; а и поради неговиот изглед не презирај го.

3Мт 13,31-32Мала е пчелата меѓу крилестите суштества, но таа дава сладост најслатка.

4Пс 112,7-8Не фали се со твојата скапоцена об­лека и не гордеј се во денот на твојата слава; прекрасни се Божјите дела, иако се сокриени од луѓето.

510,14; Проп 4,14; 10,6-7Многу владетели имало на земјата; многумина непознати добиле круна.

6Многумина силни биле понижени и славни луѓе паѓале под туѓа власт.

7Додека не испиташ – не обвинувај, прво провери, па потоа укорувај.

8Изреки 18,14Не одговарај пред да ислушаш, сред разговор не мешај се.

9Изреки 3,30Не препирај се за работи што не те засегаат; во расправии меѓу грешници не мешај се.

Богатство и сиромаштија

10 38,24; Изреки 6,29; Лк 10,41-42 Синко, не зафаќај се со многу ра­бо­ти; при многу работи нема да останеш без вина. Колку и да брзаш, сѐ нема да постигнеш и со бегање – нема да се спа­сиш.

11Пс 126,1-2; Изреки 11,24; 21,5Некој се труди, се измачува и брза, а сѐ повеќе заостанува.

12Соф 2,3Некој е слаб, потреба има од по­мош; сили нема и со неволји е затрупан,

13но Господ со милост го гледа за не­говото добро, го подига од неговата по­низност, ја подигнува неговата глава, поради што многумина му се восхитуваат.

14Ис 45,7; Јов 1,21; 2,10Доброто и лошото, животот и смртта, сиромаштијата и богатството – сѐ доаѓа од Господа.

15Господовиот дар е за побожните; Божјата милост вечно ќе им помага.

16Некој се збогатува со грижи и ште­дење; тоа е дел од неговата награда.

17Некогаш тој ќе рече: „Најдов мир и сега ќе му се радувам на моето богатство;“

18но тој не знае колку време тоа ќе трае; ќе дојде денот кога сето тоа на други ќе го остави и ќе умре.

Господ може да ги промени состојбите

19 Пс 48,16-17; Јов 27,16-23; Проп 2,21-23; Лк 12,16-21 Остани тврд во заветот твој и живеј во него; во својата работа дочекај старост.

20На делата од грешникот не чуди се, верувај во Господа, истраен биди во твојата работа;

219,11; Пс 36,1; 73,3; Изреки 3,31; 23,17лесно Му е на Господа бргу и ненадејно да го збогати сиромавиот.

22Ос 14,6.8; Пс 71,7Благословот од Господа – награда е за побожниот; со благословот Негов бр­зо успева тој.

23Мт 6,25-26Не вели: „Што уште ми треба? И какви богатства отсега можам да очекувам?“

245,1; Лк 12,15-21Не вели: „Сѐ имам доволно, па какво ли зло по ова може да ме снајде?“

2518,25; Јн 16,21Во време на добро злото се заборава; во време на зло за добро не се зборува.

26Изреки 24,12Лесно Му е на Господа во смртниот час да го награди човекот според делата негови.

271,13И најмалото страдање ги потиснува насладите; во смртниот час се открива­ат делата на човекот.

28Додека е жив – за никого не вели де­ка е блажен; по децата свои се познава човекот.

Избирање на познајници

29Не примај секого во домот свој; на лукавиот разновидни се примките.

30На горделивиот срцето е како еребица во кафез; како шпион го следи твоето паѓање;

31го извртува доброто во зло; и на добрите им го оцрнува лицето.

32Изреки 1,11Од една искра станува огниште полно со жар, а грешникот мисли да пролее крв.

33Изреки 1,10-16Пази се од злосторник, зашто тој зло замислува; да не те посрамоти за­се­когаш.

34Примиш ли туѓинец во домот свој – неволји ќе ти донесе: на твоите домаш­ни туѓинец ќе те направи.