Еремија 10 - Свето Писмо: Стандардна Библи?а 2006 (со девтероканонски книги)（MK2006D）

Господ зборува за идолите

1Слушајте го словото, кое Господ ви го кажува, доме Израилев!

212,16; Рим 12,2Вака вели Господ: не одете по патот на незнабошците и не плашете се од не­бесните знаци, од кои се плашат незна­бошците.

3Бидејќи обичаите на тие народи се суетни: отсекуваат дрво во гората, го изделкуваат човечки раце,

4Ис 40,19; Мудр 13–14го украсуваат со сребро и злато, го прицврстуваат со клинови и со чекан за да не се ниша.

5Посл 1,69; Пс 114,4-7Нивните богови се како плашила во градина и не говорат; нив ги носат, заш­то не можат да одат. Не плашете се од нив, зашто тие не можат да направат зло, но и добро не можат да направат.

Еремија Го возвеличува Господа

6 49,19; Пс 85,8-10 Нема сличен на Тебе, Господи! Ти си велик и името Твое е велико и моќ­но!

75,22; Откр 15,4; Рим 16,24Кој не ќе се плаши од Тебе, Царе над народите, зашто само Тебе Ти при­паѓа тоа; бидејќи меѓу сите мудреци кај народите и во сите царства нема сличен на Тебе.

8Зах 10,2; Мудр 14,22-31Сите тие до еден се неразумни и глу­па­ви; суетно е од дрво да учиш!

9Сребро ковано во листови се носи од Тарсис, злато од Уфаз, тие се дело на мајстор и на леар; облеклото нивно е од порфир и кадифе; сето тоа е дело на ве­шти луѓе.

105 Мојс 5,26; Мих 4,7; Пс 17,7; 93,1; Наум 1,6А Господ е вистински Бог. Тој е жив Бог и вечен Цар. Од Неговиот гнев трепери земјата, и народите не можат да го издржат Неговиот гнев.

11Наум 1,14Така речете им: боговите, кои не се створители на небото и на земјата, ќе исчезнат од земјата и од под небесата.

1251,15-19; Пс 103,24; Изреки 3,19Тој ја создаде земјата со силата Своја, ја утврди вселената со мудроста Своја и со разумот Свој ги распростре небесата.

13Пс 134,7; 147,8Од гласот Негов шумат водите не­бески, и Тој ги крева облаците од кра­­иш­тата земни, создава молскавици среде дожд и изведува ветар од Неговото пребивалиште.

14Човекот е безумен во своето зна­е­ње, ќе се засрами секој леар со идолот свој, бидејќи она што го излеал е лага, и во него нема дух.

15Тие се ништожни, дела на заблуда; во времето на посетата нивна тие ќе пропаднат.

1616,21; 5 Мојс 4,20; Пс 15,5; 2 Мојс 15,3; Амос 4,13Делот на Јаков не е како нивниот; бидејќи неговиот Бог е создател на сѐ, а Израил е народ на неговото наследство; името Му е Господ Саваот.

Јудејците ќе бидат прогонети

17 46,19; Ез 12,3 Прибери си го имотот свој од земјата, кој седи во опсада.

1822,28; 1 Цар 25,29Зашто вака вели Господ: еве, овој пат ќе ги исфрлам жителите од оваа земја и ќе ги одведам во тесно место, за да ги фатат.

1914,17; 15,18Тешко мене во маката моја; лута е раната моја, но јас си велам – „На­вис­ти­на тоа е мојата казна и морам да си ја поднесувам;

2049,29; Амос 9,11шаторот ми е опустошен и сите мои врвци се скинати; децата мои ме оставија и ги нема: нема веќе кој да го распне шаторот мој и да ги постави завесите мои;

215,5; 23,1; 3 Цар 22,17бидејќи пастирите станаа безумни и не Го бараат Господа, па затоа и немаат напредок, така што целото стадо им се распрсна.“

22Ете, се слуша глас и голема врева од северната страна за да ги направи градовите на Јудеја пустина, жи­ве­а­лиш­те на чакали.

Молитвата на Еремија

23 Изреки 16,1.9; 20,24; Дан 5,23; Мудр 7,16 Знам, Господи, дека патот на чо­ве­кот не зависи од него, дека не е во власта на оној кој оди да ги исправа стапки­те свои.

24Казни ме Господи, но со мерка, не во гневот Свој, за да не ме сотреш.

258,16; 30,16; Пс 13,4Излеј ја јароста Своја врз народите кои не Те познаваат, и врз племињата, што не го призовуваат името Твое; заш­то тие го изедоа Јаков, го проголтаа и го истребија и живеалиштето му го опустошија.