3 Царства 4 - Свето Писмо: Стандардна Библи?а 2006 (со девтероканонски книги)（MK2006D）

Соломоновите великодостоинственици и управители

1Царот Соломон беше цар над сиот Израил.

2И еве кои заземаа кај него високи должности: Азарија, син на свештени­кот Садок;

3Елихореф и Ахија, синови на Суса­ким – писари; Јосафат, Ахилудов син – летописец;

4Ванеја, Јехојадаевиот син, – начал­ник на војската, Садок и Авијатар – свештеници;

52 Цар 15,37Азарија, Натановиот син, – начал­ник на управителите, и Завуд, син на Натан, – свештеник и советник на ца­рот;

6Ахишар, – управник на царскиот дом, а Хадорам, – син Авдин – на дано­ците.

7Соломон имаше дванаесет управници над сиот Израил, кои му доставуваа храна на царот и на неговиот дом; секој беше должен да доставува храна за по еден месец во годината.

8Еве ги имињата нивни: Бен-Хув – на Ефремовата Гора;

9Бен-Декер – во Макац и во Шаалевим, во Ветсамис, во Елон, во Бет-Ха­нан;

10Бен-Хесед – во Арубот; нему исто така му припаѓаше Сохо и целата земја Хеферова;

11Бен-Аминадав – над целата област Дор; а Тафат, Соломоновата ќерка, бе­ше негова жена;

12Баана, Ахилудовиот син, во Танах и Мегидо, и во целиот Бет-Шан кој е близу до Царетан под Јизреел, од Бет-Шан до Авел-Мехола, и дури зад Јокмеам;

134 Мојс 32,41; 5 Мојс 3,14; Ис.Н. 13,30Бен-Гевер – во Рамот Галаадски; нему му припаѓаа селата на Јаир, Мана­сиев син, кои се во Галаад; нему му припаѓаше и областа Аргов, во Башан, шеесет големи градови со ѕидови и бакарни резиња;

14Ахинадав, Идов син, во Маханаим;

15Ахимаац, во земјата Нефталимова; тој си ја беше земал за жена Басемата, Соломонова ќерка;

16Баана, син на Хушај, во земјата Асирова и во Беалот;

17Јосафат, син на Паруах, во земјата Исахарова;

18Семеј, синот на Ила, во земјата Венијаминова;

19Гевер, Уриев син, во земјата Га­лаадска, во земјата на аморејскиот цар Сион, и на башанскиот цар Ог. Тој беше управник на таа земја.

Успех на Соломоновото владеење

20 1 Мојс 22,17 Јудејците и Израилците, бидејќи многубројни како песокот крај морето, јадеа, пиеја и се веселеа.

211 Мојс 15,18; 2 Лет 9,26Соломон владееше со сите царства од реката Еуфрат до филистејската земја и до границата на Египет. Тие принесуваа дарови и му служеа на Со­ломон во сите дни на неговиот живот.