Софонија 1 - Свето Писмо: Стандардна Библи?а 2006 (со девтероканонски книги)（MK2006D）

Суд за Јудеја

1 Ер 1,2 Словото Господово упатено до Софонија, синот на Кушиј, син Ге­далиев, син Амариев, син Езекиин, во деновите на Јошија, син Амонов, цар јудејски.

2Ер 8,13Сѐ ќе истребам од земјата, вели Господ;

3Ер 7,20; Ос 4,3ќе ги збришам луѓето и животните, ќе ги истребам птиците небески и рибите морски и ќе направам да паднат безбожниците; ќе ги истребам луѓето од лицето на земјата, вели Господ.

44 Цар 23,4-5.12; Ез 6,14И ќе ја протегнам раката Своја врз Јудеја и врз сите жители на Еру­са­лим; ќе ги истребам од тоа место ос­татоците на Ваал, името на слу­жи­те­лите негови со свештениците негови,

55 Мојс 4,19; 3 Цар 11,7.33; 4 Цар 21,3-5; 23,13; Ер 19,13и оние, кои на покривите се поклонуваат на небесната војска, и од поклониците оние што се колнат во Господ, но се колнат и во својот цар,

6како и оние, што отстапија од Гос­под, не Го бараат Господа ниту пра­шуваат за Него.

7Јоил 1,15; Авак 2,20; Зах 2,13; Откр 8,1Замолкни пред лицето на Господ Бог, зашто близу е денот Господов. Веќе го приготви Господ жртвеното клање, ги определи и гостите свои.

82 Мојс 3,16Во денот на жртвата Господова, Јас ќе ги казнам кнезовите, синовите на царот и сите, што се облекуваат во облеки на туѓинци;

9ќе ги казнам во оној ден сите, кои го прескокнуваат прагот, што го исполнуваат домот на својот Господ со насилство и измама.

104 Цар 22,14; Неем 3,3И во тој ден, вели Господ, ќе има вик кај Рибните Порти и ридање во новиот дел на градот, а и големо уривање на ридови.

11Зах 14,21Плачете жители на Махтеш, зашто загинаа сите трговци; истре­бе­ни се сите што мерат сребро.

12Ис 45,7; Ер 5,12; Пс 9,24; 14,1; Плач 3,38А во тоа време Јас ќе го прегле­дам Ерусалим со светило и ќе ги казнам оние, кои седат на своите остатоци и велат во срцето свое: „Господ не прави ни добро ни лошо“;

135 Мојс 28,30-33; Амос 5,11; Мих 6,15пак ќе станат богатствата нивни пљачка и куќите нивни ќе се запустат; иако градеа куќи, тие нема да живеат во нив; садеа лоза, но вино нема да пијат од неа.

Страшниот ден

14 4 Мојс 10,35; Ис 42,13; Ер 30,7; Јоил 1,15 Близу е денот велик на Господ, близу е – и брзо доаѓа. Горчлив е гла­сот на денот Господов, ќе завика то­гаш дури и најхрабриот.

15Јоил 2,2; Амос 5,18Тој ден е ден на гнев, ден на жа­лост и на мачнотија, ден за запустување и уривање, ден на темнина и на мрак, ден облачен и маглив,

16Ис 2,15; Јоил 2,1ден на труба и на боен повик против утврдените градови и високите кули.

175 Мојс 28,28-29; Ис 5,25; Ер 9,22И Јас ќе ги притеснам луѓето, и тие ќе се тетерават како слепи, зашто згрешија против Господ, и растурена ќе биде крвта нивна како прав, и телата нивни како смет.

185 Мојс 4,24; Ис 10,23; Ез 7,19; Изреки 11,4Ни среброто нивно, ниту златото нивно не ќе може да ги спаси во денот на гневот Господов, а од огнот на ревноста Негова ќе биде уништена целата земја, и тоа ќе биде ненадеен крај на сите жители нејзини.