Исаија 3 - Свето Писмо: Стандардна Библи?а 2006 (со девтероканонски книги)（MK2006D）

Суд над Ерусалим и Јуда

1 Ез 14,13; Амос 8,11 Ете, Господ Бог Саваот ќе го од­земе од Ерусалим и од Јуда жезолот и помошта, секоја поткрепа во леб и вода,

2храбар водач и војник, судија и пророк, јасновидец и старец,

3војсководец и големец, советник, мудар уметник и вешт говорник.

4Проп 10,16Ќе им дадам момчиња за началници, и деца ќе владеат над нив.

519,2; Мих 7,2.6А во народот еден ќе угнетува друг, и секој – својот ближен; момче бесрамно ќе се прави голем пред старец и простак – пред големец.

6Тогаш човек ќе се фати за братот свој, во челадта на татко си свој и ќе ре­че: „Ти имаш наметка, биди ни водач, и овие урнатини нека бидат под твоја ра­ка.“

7Ер 14,19А тој со клетва ќе рече: „Не можам да ги излекувам раните на народот; и во мојата куќа нема ни леб, ни облека: не правете ме водач на народот.“

8Така пропадна Ерусалим, и падна Јуда, зашто јазикот нивни и делата нив­ни се против Господ, навредливи пред очите на Неговата слава.

91 Мојс 18,20-21; 19,4-11; Ос 5,5; 1 Тим 5,24Изразот на лицето нивно сведочи против нив, а за гревот свој тие ка­жу­ва­ат отворено, како содомците, не кријат: тешко на душата нивна! Сами на себеси навлекуваат зло.

Лоши водачи

10 Пс 57,11; Изреки 1,33 Кажете му на праведникот: „Блазе му, зашто тој ќе ги јаде плодовите на делата свои;

11Гал 6,7а на беззаконикот – тешко нему, зашто врз него ќе паднат делата на ра­цете негови!

12Ос 4,12; Мих 3,5Угнетувачи на Мојот народ се децата, и жени владеат над него. Народе Мој, твоите водачи те доведуваат до заблуда и го раскопуваат патот по кој одиш.“

13Ер 2,9; Ос 4,1-5; Мих 6,1-5; Пс 49,4Се крена Господ на суд – и стои, за да го суди народот.

145,1-7; Амос 2,6-7; Мих 2,1-3Господ влегува во суд со ста­ре­ши­ните на Својот народ и со неговите кнезови: вие го опустошивте лозјето; огра­беното од сиромасите е во вашите куќи.

15Амос 2,7; Пс 93,5; Изреки 22,22-23„Зошто го угнетувате народот Мој и ги газите сиромасите?“ вели Господ Бог Саваот.

За ерусалимските жени

16 Ез 16,50; Амос 4,1-3; Соф 3,11 Потоа рече Господ: „Поради тоа што ќерките сионски се гордеат и одат со исправени вратови, што освојуваат со погледите, и ситно одат и со веришки на нозете тропкаат,

1747,3; Ер 13,26; Ез 16,37; Амос 8,10Господ ќе го оголи темето на ќер­ките сионски, и ќе го открие срамот нивни.“

18Во оној ден Господ ќе ги одземе убавите веришки на нозете, секакви шнолички и полумесечинки,

19обетки, ѓерданчиња и ладила, пре­ве­зи, гривни и појаси, стакленца со ми­риси и уметнички украси,

20прстење и алки за нос,

21горна облека и долна, шамичиња,

22светли тенки наметки, кошули, за­братки и покривала.

2315,2; Амос 8,10И наместо пријатен мирис ќе има смрад и место појас – јаже, место кад­ре­ни коси – ќелави глави, наместо широка на­метка – тесно вреќиште, место убави­на – лузна.

242 Цар 1,12; Ос 14,1; Пс 77,64Мажите твои ќе паднат од меч, а јунаците твои – во битка,

2547,1; Ер 14,2; Јов 2,13; Плач 1,4; 2,10и портите на престолнината ќе воздивнуваат и ќе плачат, а таа ќе седи на­пуштена на земјата.