Исус Навин 4 - Свето Писмо: Стандардна Библи?а 2006 (со девтероканонски книги)（MK2006D）

Дванаесет камења за спомен на чудното преминување преку Јордан

1 5 Мојс 27,2 Кога целиот народ го премина Јордан, Господ му рече на Исус:

23,13„Земи од народот дванаесет луѓе, по еден маж од секое племе

33,17; 5 Мојс 27,2и заповедај им и кажи им: ‚Земете оттука, среде Јордан, каде што стоеја неподвижно нозете на свештениците, дванаесет камења, понесете ги со себе и ставете ги на местото, каде што ќе но­ќевате оваа ноќ!‘“

43,12Исус повика дванаесет луѓе, што ги избра од синовите Израилеви, по еден маж од секое племе

53,17и им рече: „Одете по мене пред ли­цето на Господ, вашиот Бог, среде Јор­дан и секој нека земе оттаму по еден ка­мен, и нека го стави на рамо според бројот на племињата на синовите Изра­илеви,

64,21-24; 2 Мојс 12,26; 13,14; 5 Мојс 6,20за да бидат кај вас знак; кога ќе те праша во подоцнежно време синот твој и ќе рече: ‚зошто се овие камења кај вас?‘

72 Мојс 28,12а ти ќе му речеш на синот твој: ‚Водата во реката Јордан престана да тече пред ковчегот на заветот на Господ кога тој го преминуваше Јордан, тогаш водата јорданска пресуши‘; и така тие камења ќе бидат кај вас како вечен споменик на синовите Израилеви.“

8И синовите Израилеви направија така, како што заповеда Исус: зедоа дванаесет камења од среде Јордан, како што му рече Господ на Исус, според бројот на племињата на синовите Изра­илеви, и ги понесоа со себе во логорот, и ги ставија таму.

91 Мојс 35,20И други дванаесет камења постави Исус среде Јордан на местото, каде што им стоеја нозете на свештениците, кои го носеа ковчегот на заветот. Тие се таму и до ден-денес.

10Свештениците, пак, кои го носеа ковчегот, стоеја среде Јордан, додека не беше свршено сѐ што Господ му беше заповедал на Исус – точно така, како што му беше заповедал Мојсеј на Исус; па потоа народот брзо преминуваше.

11Кога целиот народ го премина Јор­дан, тогаш премина и ковчегот Госпо­дов и камењата пред нив.

124 Мојс 32,29И Рувимовите синови и Гадовите синови и половината од Манасиевото племе поминаа вооружени пред синови­те Израилеви, како што им беше запо­ведал Мојсеј.

13Околу четириесет илјади воору­жени за борба преминаа пред Господ кон градот Ерихон за да се борат.

143,7Во тој ден Господ го возвеличи Исус пред целиот Израил и почнаа да го почитуваат како што го почитуваа Мојсеј, додека беше жив.

15И му рече Господ на Исус, велејќи:

16„Заповедај им на свештениците, што го носат ковчегот на заветот, да из­лезат од Јордан.“

17Исус им заповеда на свештениците и рече: „Излезете од Јордан!“

18И кога свештениците, што го носеа ковчегот на заветот Господов, излегоа од Јордан, и штом нозете нивни стапија на суво, водата на Јордан се спушти на своето место, потече, како порано, по целото корито.

19И народот излезе од Јордан во де­сеттиот ден на првиот месец и се смести во Гилгал, на исток од Ерихон.

203,8И дванаесетте камења, што ги беа зеле од Јордан, Исус ги постави во Гил­гал

21и им рече на синовите Израилеви: „Кога ќе ве прашаат вашите синови, велејќи: ‚Зошто се овие камења?‘

22кажете им на вашите синови: Изра­ил го помина Јордан по суво.

232 Мојс 14,21Зашто Господ, вашиот Бог, ги ис­уши водите на Јордан за вас, додека да го преминете, исто онака, како што Господ, вашиот Бог, го направи со Цр­веното Море, кое го исуши пред нас, додека го преминувавте,

242 Мојс 14,31; 15,16; Пс 43,2; 88,13; 97,1; 117,15-16за да видат сите народи на земјата дека раката Господова е силна, и да Го почитувате Господа, вашиот Бог, секогаш.“