Товит 4 - Свето Писмо: Стандардна Библи?а 2006 (со девтероканонски книги)（MK2006D）

Товија упатен во Мидија

1 1,14 Во тој ден Товит си спомна за среброто што го беше дал на чување кај Гаваил во Рага Мидиска,

23,6па си рече во себеси: „Јас ја барав смртта, а зошто не го повикам мојот син Товија и да го известам за ова додека не сум умрел?“

32 Мојс 20,12; Изреки 23,22; Сир 3,4.16; Мт 15,4Откако го повика, му рече: „Синко, кога ќе умрам, погреби ме и не ја оста­вај мајка ти; почитувај ја во текот на це­лиот твој живот, угодувај ѝ и не огор­чу­вај ја.

4Спомнувај си, синко мој, дека таа се измачила многу за тебе уште додека би­ла бремена со тебе, а кога ќе умре, по­греби ја покрај мене во истиот гроб.

5Синко, секој ден спомнувај си за Гос­под, нашиот Бог; не греши и не пре­кршувај ги Неговите заповеди. Прави праведни дела во сите дни на твојот жи­вот и не оди по патиштата на беззако­ни­ето.

613,6; Јн 3,21Зашто, ако постапуваш според вис­тината, ќе успеваш во сите твои дела, како и сите оние што живеат праведно.

74,16; 5 Мојс 15,10; Сир 4,4; 2 Кор 9,7Од имотот твој давај милостина – да не жали твоето око кога даваш милос­тина. Не свртувај го лицето твое од сиромавиот, па и Бог нема да го сврти Своето лице.

8Сир 35,9Кога имаш многу, давај од тоа ми­лостина, а и кога имаш малку, не плаши се да даваш милостина и по малку:

9Мт 6,20; 1 Тим 6,19така ќе си собереш богато сокро­виште за деновите на поголема нужда,

1012,9; Сир 3,30зашто милостината избавува од смрт и не дозволува да отидеш во тем­нина.

11Милостината е добар дар за секој што ја дава пред Севишниот.

12Мт 5,32; 19,9; Дела 15,20.29Синко, пази се од секаков блуд и прељуба. Гледај жената твоја да биде од племето на твоите предци; не земај ту­ѓинка за жена, која не е од племето на татко ти, зашто ние сме синови на пророци; Ное, Авраам, Исак и Јаков се наши предци од искона. Помни, синко дека тие земаа жени меѓу своите соплеменици и дека беа благословени меѓу своите деца, нивното потомство ќе ја наследи земјата.

13И така, синко, сакај ги своите браќа и не се гордеј во срцето свое пред тво­ите браќа и пред синовите и ќерките на својот народ дотаму за да не одбереш меѓу нив жена за себе; од горделивоста произлегува голема пропаст и немир, а од мрзеливоста – само немаштина и бе­да; мрзеливоста е мајка на гладот.

1412,1; 3 Мојс 19,13; 5 Мојс 24,15Платата на наемникот да не пре­ноќева кај тебе, туку исплатувај му ја веднаш. Ако Му служиш на Бога, и те­бе ќе ти биде платено. Синко, добро размислувај за секоја твоја работа и биди внимателен во сите твои постапки и во сите твои однесувања.

15Мт 7,12; Лк 6,31Она што ти го мразиш, не прави му го никому. Не пиј вино до опивање, и пијанството да не оди со тебе по патот твој.

16Од лебот твој давај им на гладните, а необлечениот – со облека твоја облечи го; дели милостина од сѐ што имаш во изобилие, а да не жали твоето око кога делиш милостина.

17Ер 16,7; Сир 12,4-5.7Раздавај го твојот леб на гробот од праведниците и не давај им го на греш­ниците.

18Изреки 12,15; 13,10Барај совет од оној што е мудар, а корисен совет не отфрлај.

1913,2; 1 Цар 2,6-7; Пс 74,7; Мудр 16,13; Лк 1,52-53Во секое време благословувај Го Господ Бог и моли Му се да ги исправува твоите патишта, и сите твои патишта и намери добро да завршат, зашто ни­еден народ не може да има толку разум: Бог е Оној, Кој го испраќа секое добро, а кога сака, според Својата волја, пони­зува. Синко, спомнувај ги моите поуки: никогаш да не бидат избришани од твоето срце!

20А сега, синко, ќе ти откријам дека сум оставил десет таланти сребро на чу­вање кај Гаваил, синот на Гаврија, во Рага Мидиска.

21Сир 1,16-17; 2,8-9Не плаши се, синко, дека сме осиромашени; ќе имаш многу, ако имаш страхопочит кон Бога, ако бегаш од се­кој грев и ако го правиш она што е најдобро пред Него.“