Еремија 50 - Свето Писмо: Стандардна Библи?а 2006 (со девтероканонски книги)（MK2006D）

Пророкување за пропаста на Вавилон

1 Ис 13; 21,1-10 Слово што Господ го кажа преку пророкот Еремија за Вавилон и за земјата халдејска:

250,38; Ис 21,9; 46,1„Соопштете и разгласете меѓу народите, подигнете знаме, објавете, не криј­­те, зборувајте: Вавилон падна, Вил е посрамен, Меродах е скршен, бого­ви­те негови се посрамени, идолите негови се скршени.

3Зашто од север се подигна врз него народ, кој ќе ја направи земјата негова пустина и никој нема да живее таму, и човек, и добиток, сѐ ќе се крене и ќе се разотидат.

Израилците и Јудејците ќе се вратат во својата земја

4 31,9; Ос 3,5 Во оние денови и во она време, вели Господ, ќе дојдат синовите Израилеви, тие и синовите Јудини, заедно, ќе одат, ќе плачат и ќе Го побараат својот Гос­под Бог;

531,3; 32,40ќе прашаат за патот кон Сион и, свр­тени со лицето кон него, ќе велат: одете и присоединете се кон Господ со вечен завет, кој нема да се заборави.

623,1; 50,17; Зах 10,2Народот Мој беше како загубено стадо; пастирите негови го оттргнаа од патот, па скитаа по планините; од гора на рид и го заборавија леглото свое.

72,3; 14,8; 30,16; 31,23Сите, што ги наоѓаа, ги изедуваа, и непријателите им велеа: не сме ви­нов­ни, зашто тие згрешиле пред Господ, пред живеалиштето на правдата, и пред Господ, надежта на татковците нивни.

850,16; 51,6.45; Ис 48,20; Зах 2,6-7Бегајте од Вавилон, заминете од земјата халдејска и бидете како кози пред стадо од овци.

925,14; 50,41; 51,27.48Зашто, еве, Јас ќе подигнам и ќе доведам врз Вавилон големо мноштво од народи од северната земја, и ќе застанат против него, и тој ќе биде преземен: стрелите нивни, како на искусни јунаци, напразно нема да се враќаат.

10И Халдеја ќе стане нивни плен; и оние, што ќе ја опустошат, ќе се на­си­тат, вели Господ.

Вавилон ќе биде понижен

11 Плач 4,21 Зашто вие, грабачи на Моето на­следство, се веселевте, прославувавте, потскокнувавте од радост, како јуници на трева, и 'ржевте како бојни коњи.

12За голем срам ќе стане мајката ва­ша, ќе црвенее онаа што ве родила; ете, иднината на тие народи ќе биде пустина, земја сува и пустелија.

134,26; 10,10; 12,13; 25,37; Ис 13,13; 49,17Од гневот Господов таа ќе стане ненаселена и целата ќе запусти; и секој, што ќе мине низ Вавилон, ќе се вчудовиди и ќе си потсвирне, гледајќи ги сите рани негови.

1450,9.29Наредете се во боен ред околу Ва­вилон, вие сите, кои затегнувате лак, стрелајте во него, не жалете ги стрелите, бидејќи тој згреши против Господ.

154,19; 20,16; Ис.Н. 6,4.19; Ис 44,23; 5,9; 51,6Нека одекнува восклик одсекаде: тој се предава! Паднаа тврдините не­гови, испопаѓаа ѕидовите негови, зашто тоа е Господовата отплата; одмаздувај­те му се; како што постапуваше тој, та­ка постапувајте и вие со него.

1625,38; 51,9.45; Ис 13,14Истребете во Вавилон и сеач, и жетвар; од страв пред опасниот меч се­кој нека се врати во својот народ и секој нека бега во земјата своја.

172,15; 50,6; Ис 5,29Израил е распрснато стадо; го гонеа лавови; најнапред го гризеше асирскиот цар, а потоа Навуходоносор, царот ва­ви­лонски, и коските му ги здроби.

189,8; Ис 10,12Затоа, така вели Господ Саваот, Бог Израилев: еве, Јас ќе го казнам ва­ви­лонскиот цар и земјата негова, како што го казнив асирскиот цар;

1923,3и ќе го вратам Израил на неговото пасиште, и ќе си пасе по Кармил и по Башан, и душата негова ќе се наситува на Гората Ефремова и во Галаад.

203,22; 31,34; Ис 33,24; Пс 9,35Во оние дни и во она време, вели Господ, Јас ќе побарам грев во Израил и нема да го има, и гревовите на Јуда и нема да се најдат; бидејќи ќе им прос­там на оние, што ќе останат живи.

Господ против Вавилон

21 50,26-27; 51,3 Појди против неа, против бунтовната земја и казни ги нејзините жители: пустоши и истребувај сѐ по нив, вели Господ, и направи сѐ што ти заповедав.

22Шум голем од борба ќе се крене по земјата и големо разурнување.

2351,41; Ис 10,5; 14,5Како се скрши и како се разби че­ка­нот по целата земја, како ли Вавилон стана ужас меѓу народите!

24Јас поставив стапици за тебе, и те фатив, Вавилоне, иако ти не го предви­де тоа; се најде и беше фатен, зашто стана против Господ.

25Господ ја отвори ризницата Своја и оттаму го зеде оружјето на гневот Свој, зашто тоа е дело на Господ Седржи­те­лот во земјата халдејска.

2650,21Појдете против неа од сите краиш­та, отворајте ги житниците нејзини, га­зете ја како снопје, наполно истребете ја, та ништо да не остане од неа;

2723,12; 46,21; 48,15; Ис 34,7убивајте ги сите волови нејзини, не­ка одат на клање; тешко ним, бидејќи дојде денот нивни, времето на нивната казна.

2850,2; 51,10Се слуша глас од оние што бегаат и од оние што се спасуваат од вавилонската земја, за да му го соопштат на Сион одмаздувањето Господово, на на­шиот Бог, одмаздувањето за Неговото живеалиште.

2949,35; 50,14; 25,14; 50,15; 51,6; Пс 136,8; 51,5Повикајте ги против Вавилон сите стрелци, кои запнуваат лак, сместете се околу него, за да не се избави никој од него, платете му според делата негови; како што постапуваше тој, така пос­тапувајте и вие со него, бидејќи тој се крена против Господ, против Светецот Израилев.

Горделивиот Вавилон ќе падне

30Затоа младите негови ќе паднат по улиците негови, и сите војници негови ќе бидат истребени во оној ден, вели Господ.

31Еве, Јас сум против тебе, ти што си се возгордеал, вели Господ, Бог Саваот; зашто дојде денот твој, времето на твојата казна.

3221,14И ќе се сопне таа гордост и ќе пад­не, и никој нема да ја крене; па ќе за­па­лам оган во градовите нејзини, и тој ќе уништи сѐ околу неа.

33Ис 14,17Така вели Господ Саваот: угнетени се синовите Израилеви, како и синовите Јудини, и сите што ги заробија, ги др­жат цврсто и не сакаат да ги пуштат.

3451,19.36; Ис 51,22Но Искупителот нивни е силен, Господ Саваот е името Негово; Тој ќе го разгледа делото нивно, за да ја смири земјата и да ги дотера во страв вави­лонските жители.

35Меч против Халдејците, вели Гос­под, и против жителите на Вавилон, против кнезовите, негови, и против мудреците негови;

36Ис 44,25меч против маѓесниците негови, и тие ќе избезумат; меч против војниците негови, и тие ќе се уплашат;

3751,30меч против коњите негови, против колите негови и против сите разни племенски народи меѓу него, и тие ќе бидат како жени; меч против ризниците не­го­ви, и нив ќе ги разграбаат;

3850,2суша за водите негови, и тие ќе секнат; бидејќи тоа е земја на идоли и тие се залудени по своите идолски стра­ши­лишта.

3910,22; Ис 13,21-22И таму ќе се населат пустински ѕве­рови со чакали, и ќе живеат на неа но­еви, а таа нема да биде населена довека и населувана од род во род.

4020,16; 49,18; Ис 13,19Како што ги сосипа Бог Содом и Гомора, и нивните соседни градови, ве­ли Господ, така и тука нема да живее ниту еден човек, и човечки син нема да се запира таму.

Инвазија против Вавилон

41Ете, од север иде народ, народ го­лем и многу цареви се креваат од кра­иштата земни;

42во рацете свои држат лак и копје; тие се жестоки и немилосрдни; шумот нивни бучи како море; јаваат на коњи, наредени се како еден човек, за да се удрат со тебе, ќерко вавилонска!

436,24; Мих 4,9-10Чу за нив вест царот вавилонски, и рацете му малаксаа; страв го обзеде, ма­ка – како на жена, кога се породува.

4449,19-21Ете, излегува тој, како лав од шу­мите јордански кон вечно зелените па­сишта; но Јас ќе го принудам да излезе бргу од него; и на Својот избраник ќе му го доверам, зашто кој е подобен на Мене и кој ќе побара одговорност од Мене, и кој пастир ќе устои против Ме­не?

45Па така, чујте го решението на Гос­под, што го определи Тој против Вави­лон, и Неговата замисла, што ја има за халдејската земја; Тој ќе ги одведе и најмалите јагниња, ќе го опустоши нив­ното стадо.

46На веста за падот на Вавилон ќе се затресе земјата, и пискот ќе се чуе меѓу народите.“