Сирахова 14 - Свето Писмо: Стандардна Библи?а 2006 (со девтероканонски книги)（MK2006D）

1 19,16; 25,8; Јов 6,30; Јк 3,2 Блажен е оној што не згрешил со уста и што не почувствувал болка поради грев.

2Блажен е оној што душата негова не го осудува и што надежта не ја загубил.

Духовната беда на скржавиот

3 Проп 5,9; 6,2 На скржавиот не му прилега богатство; што ќе му е имот на завидливец?

4Јов 27,16-17; Изреки 13,23; Лк 12,16-21Кој од себе одзема, за други собира; со богатството негово друг ќе се нас­ла­дува.

5Кој за себе е лош, за кого добар ќе биде? Таквиот не ќе му се радува на имотот свој.

6Изреки 11,17Нема полош од оној, кој за себе доб­ро не сака; тоа му е казна за злобата не­гова.

7Па, ако и добро направи, го прави ненамерно; подоцна своето зло го пројавува.

8Лош е кој очи завидливи има; кој поглед свртува и презира луѓе.

9Мудр 6,23Среброљубец не е задоволен од она што го има; неправдата душата му ја су­ши.

105 Мојс 15,9; Мт 6,23; 20,15Скржавиот и лебот го штеди; неговата трпеза секогаш е скудна.

Искористување на животот

11 Пс 49 Синко, според имотот свој, прави добро на себеси и на Господа жртви достојни принесувај.

124 Мојс 16,33; Ис 28,15-19Помни дека смртта не задоцнува и дека заветот на пеколот не ти е от­кри­ен.

13Пред да умреш, на пријателот доб­ро прави му; според твоите сили – што можеш давај му.

14Проп 2,24Не лишувај се од добриот ден; де­лот од твојата добра желба да не те од­мине.

15Пс 48,10.17; Јов 27,16-17Нема ли на други имотот свој да го оставиш, а плодот на твоите усилби – со ждрепка други да го делат?

16Проп 9,10Давај и земај и утешувај ја душата своја. Утеха во пеколот нема да најдеш.

17Ис 50,9; 51,6; Пс 101,26; Јов 13,28Сѐ што е живо како облека остарува; вечна е одредбата дека треба да се умре.

18Проп 1,4Како и зелените лисја на бујно дрво – едни паѓаат, а други растат, така е и со родот од крв и месо: еден умира, а друг се раѓа.

19Проп 9,6; Откр 14,13Секое дело што гние – пропаѓа, и оној што го направил – умира со него.

Потрага по мудроста

20 Изреки 8,32-35 Блажен е човекот што напредува во мудроста, а со разумот свој на работи свети се учи.

21Пс 1,2Кој во срцето свое размислува за нејзините патишта, тој успева да ги разбере тајните нејзини.

22Тој како ловец ја гони и заседи поставува на патиштата нејзини.

23Изреки 7,6; Песна 2,9Оној што ѕирка низ прозорците нејзини, ќе прислушува и на нејзините врати.

24Изреки 9,1Тој што е близу до нејзината куќа, клинец забива во нејзиниот ѕид;

25шаторот свој до неа го поставува, ќе живее во дом на изобилство;

26децата свои ги остава под нејзината закрила и живее под нејзините гранки;

27се засолнува од жегата и живее во славата на мудроста.