Сирахова 35 - Свето Писмо: Стандардна Библи?а 2006 (со девтероканонски книги)（MK2006D）

Жртвите

1Кој законот го извршува, тој жртвите ги умножува, а кој за­по­ведите ги држи – жртви за спасение принесува.

23 Мојс 2; 7,11-15Кој благодари, брашнени жртви прави, а кој прави милостина – пофална жртва принесува.

33 Мојс 16На Бога да Му угодуваме – значи од злото да се оддалечуваме, а Бога да Го умилостивиме – значи од неправда да отстапиме.

4Со празни раце не излегувај пред Господа; сето тоа е според заповедта.

52 Мојс 29,18; 3 Мојс 3,14-17Жртвата на праведникот го украсува жртвеникот, а пријатниот мирис оди пред Севишниот.

6Од побожен човек угодна е жртвата, и споменот за неа нема да се заборави.

75 Мојс 26,1-10Со око весело прославувај Го Гос­по­да, не намалувај ги првините што ги принесуваш.

85 Мојс 14,22-29; 2 Кор 9,7При секој дар лицето нека ти е весело; со радост десетокот давај го.

95 Мојс 12,6-7Давај Му на Севишниот како Тој те­бе што ти дава – штедро и колку што можеш.

105 Мојс 26,15Зашто Господ плаќа и седморно враќа.

Праведен Судија

11 5 Мојс 10,17 Не намалувај ги даровите, зашто нема да ги прими; не надевај се на не­праведна жртва.

12Јов 34,19; Изреки 24,23Господ е судија и на лице не гледа.

13Тој е од страната на сиромавиот; молитвата на навредените ја слуша.

14Пс 145,9На сиракот молитвата нема да ја презре, ниту на вдовицата кога мака своја искажува.

15Не течат ли солзи по лицето на вдо­вицата, не го обвинуваат ли оној што ги предизвикува?

16Кој со сето срце на Бога Му служи, ќе биде услишен; неговите молитви до облаците ќе стигнат.

17Јов 16,18Молитвата на понизен низ облаци ќе мине; додека до Бога не стигне – нема да се утеши;

18нема да отстапи додека Севишниот со милост не погледне, праведно не пре­суди и правда не донесе.

195 Мојс 7,10; Лк 18,7-8; 2 Птр 3,9И Господ нема да задоцни, нема да се колеба, додека не ги сотре бедрата на на­силниците,

205 Мојс 32,43; 33,11сѐ додека не им се одмазди на наро­ди­те, додека не го истреби собирот на угнетувачите и не им ги скрши скиптрите на неправедните.

21Пс 27,4Додека на сите не им плати според нивните дела и според нивните намери;

22додека на народот Свој, не му пресуди и не го израдува со Својата милост.

23Добра е милоста во време на жа­лост – како дождовните облаци во време на суша.