Осија 7 - Свето Писмо: Стандардна Библи?а 2006 (со девтероканонски книги)（MK2006D）

Господ сака да му помогне на Израил

1 4,2 Штом ќе посакам да го излечам Израил, се открива неправдата на Ефрем и злосторството на Самарија, зашто тие лажат, и крадец провалува, и разбојник граби по улиците.

23 Цар 17,18; Ер 2,19; Амос 8,7; Мал 3,16; Пс 90,8; Откр 20,12И не помислуваат во срцето свое де­ка Јас ги помнам сите нивни беззаконија; а сега ги обиколија нивните дела; пред лицето Мое се.

3Со злосторства го веселат царот свој и со лагите свои – кнезовите.

4Од прељубодејство тие сите горат како печка вжарена која пекарот по­ве­ќе не ја разгорува, додека не го замеси тестото, и тоа скисне.

5„Денот е на царот наш!“ – велат кнезовите, опијанети од вино, а тој се ракува со опијанетите.

6Од сплетките нивни срцето им се вжарува како печка: гневот тлее во нив цела ноќ, а утрината се разгорува како огнен пламен.

74 Цар 15,10.14.25Тие сите се распалени како фурна и си ги голтаат судиите свои; нивните ца­реви паѓаат и никој од нив не вика кон Мене.

8Ефрем се смешал со народите, и ста­нал како пита непревртена.

95,12; Ер 5,3; Откр 3,17Туѓинци му ја одземаат силата негова, но тој не забележува, косата му по­белела, а тој не знае.

105,4; 11,5; Ис 9,12; Амос 4,6-11И гордоста на Израил сведочи против нив – и покрај сето тоа не се об­ра­ќа­ат кон Господ, својот Бог, и не Го бара­ат.

Залудно барате помош од други народи

11 4,11; 5,13; 12,2; Ер 2,18; Плач 5,6 А Ефрем стана како глупав гулаб – без разум: ги повикуваат Египќаните на помош, а потоа се приклонуваат кон Асирија.

12Ез 12,13; Проп 9,12; Мт 13,47Каде и да појдат, Јас ќе ја фрлам мрежата Своја врз нив; како птици не­бески ќе ги кутнам; ќе ги казнам, ка­ко што беше речено во нивното со­бра­ние.

137,1; 13,14Тешко ним, зашто отстапија од Ме­не; погибел за нив, зашто се одметнаа од Мене. Јас ги спасував, а тие Ме ла­жеа.

14А не повикаа кон Мене од сѐ срце, кога пискаа по леглата свои; ридаа на своите постели заради леб и вино, а против Мене се бунтуваа.

15Додека Јас ги поткрепував и им да­вав сила, тие коваа зло против Мене.

169,6; Ер 42,18; Пс 77,57Тие се свртуваа кон лажни богови; станаа како скршен лак. Заради нивната горделивост, кнезовите ќе им изгинат од меч, а Египќаните ќе им се сме­ат.