Варух 2 - Свето Писмо: Стандардна Библи?а 2006 (со девтероканонски книги)（MK2006D）

1 2,24; Дан 9,12 Затоа Господ го исполни својот збор, кој го беше изрекол против нас и против нашите судии, кои му су­деа на Израил, и против нашите цареви, и против нашите кнезови и против секој Израилец и Јудеец,

2Ез 5,9; Дан 9,13под целото небо не беше направил нешто такво, какво што направи во Ерусалим според она што е напишано во Мојсеевиот закон,

35 Мојс 28,53; Плач 2,20; 4,10дека ние ќе ги јадеме – еден телото на својот син, а друг – телото на својата ќерка.

4Тов 3,4Тој ги направи поданици на сите царства околу нас, да бидеме за подбив и проклетство кај сите околни народи, меѓу кои ги распрсна Господ.

55 Мојс 28,13; Ис 42,24; Ер 7,24Се најдовме долу, а не на врвот, за­тоа што згрешивме пред Господ, на­ши­от Бог, и не го слушавме Неговиот глас.

61,15; Дан 9,7Правдата е во Господ, нашиот Бог, а кај нас и кај нашите татковци – срам по лицата како денес.

7Нас нѐ постигнаа сите оние зла, што Господ ги изрече против нас.

8Дан 9,13Не се молевме пред лицето на Гос­под, да го одврати секого од помислите на неговото лошо срце.

9Ер 1,12; 31,28; 44,27; Дан 9,14Господ будно ги следеше тие зла и ги испрати врз нас, зашто Тој е праведен во сите свои дела што ни ги заповеда.

10Но ние не го слушавме Неговиот глас, за да живееме според Неговите за­поведи, што ни ги даде пред нашето ли­це.

11 5 Мојс 4,34; 26,8; Ер 32,20; Дан 9,15 И сега, Господи, Боже Израилев, Ти Кој го изведе Твојот народ со силна рака од египетската земја, со знаменија и чуда, со голема сила и со Твојата крената десница и си создаде име како де­нес,

123 Цар 8,47; Пс 105,6; Дан 9,5ние згрешивме, постапувавме беззаконо и неправедно против сите Твои заповеди, Господи, Боже наш!

13Ер 42,2; Дан 9,16Гневот Твој нека се одврати од нас, зашто само малкумина останавме меѓу народите, меѓу кои нѐ распрсна.

14Пс 142,11Господи, чуј ја нашата молитва и нашата молба, и избави нѐ заради Тебе и подари ни милост пред лицето на оние, кои нѐ преселија,

154 Мојс 6,27; 1 Цар 17,46; Ер 7,30; 14,9та целата земја да познае дека Ти Господи, си нашиот Бог, дека Твоето име се призовува над целиот Израил и над родот негов.

165 Мојс 26,15; 4 Цар 19,16; Дан 9,18; 2 Лет 6,21.30; 6,33.39; 30,27Погледај, Господи, од светиот Твој дом и спомни си за нас; наклони го Тво­ето уво, Господи, и слушни нѐ!

17Ис 38,18; Пс 6,5; 29,9; 87,11-12; 113,25; Сир 17,27-28отвори ги Твоите очи и погледни, зашто мртвите во подземниот свет, чиј дух е земен од нивната внатрешност, нема веќе да Го прославуваат Господа и нема да Му благодарат;

185 Мојс 28,65; Пс 37,6; 56,6; 68,3; 72,21; 106,5.9.36; 118,82.123; 144,14; 145,7-8; Лк 1,53туку само душа нажалена, поради зла, што оди наведната и натажена, со очи без светлина и изгладнета, само таа ќе Те прославува и ќе говори за Твојата правда, Господи!

19Дан 9,18Господи, Боже наш, не ја принесуваме оваа наша молба за милосрдност пред Твоето лице според праведните постапки на нашите предци и на на­ши­те цареви;

201,13Ти ги испрати врз нас Твојот гнев и Твојата лутина, како што беше говорел преку Твоите слуги, пророците.

21Ер 27,6-12; 28,14Вака вели Господ: „Наведнете ги вашите рамења и работете за вавилонскиот цар, па ќе живеете во земјата, што им ја дадов на вашите предци;

22ако, пак, не го послушате гласот на Господ, за да му служите на вавилонскиот цар,

23Ер 7,34; 16,9; 25,10.11; Откр 18,22-23Јас ќе направам во јудејските гра­до­ви и во ерусалимската околина да ис­чезне глас на веселба и радост, глас на младоженец и глас на невеста и по це­лата таа земја нема да остане трага од жители.“

242,1; Ер 8,1-2; 16,4; 25,33Но ние не го послушавме Твојот глас, за да му служиме на вавилонскиот цар и Ти ги исполни Твоите зборови, што ги говореше преку Твоите слуги, пророците, дека коските на нашите ца­реви и коските на нашите татковци ќе бидат исфрлени од своето место.

25Ер 14,12; 21,7.9; 24,10; 36,30; Ез 5,12.17; 14,21; Откр 6,8И, еве, тие се исфрлени на дневниот пек и на ноќниот студ, а умираа во теш­ки маки од чума, од глад, од меч и од прогонство.

262,15; Ер 7,14Ти го остави домот, кој го носи Тво­ето име и го направи она што е тој де­нес, поради беззаконието на домот Из­раилев и на домот Јудин.

27Ти, Господи, Боже наш, со нас постапи според Твојата голема добрина и според Твојата голема милост;

283 Мојс 26,14-45како што рече преку Твојот слуга Мојсеј во оној ден, кога му заповеда да го напише Твојот закон за синовите Из­раилеви, со овие зборови, велејќи:

292,13; 3 Мојс 26,39; 5 Мојс 4,25-31; 28,58-68; 30,1-10; Ер 24,5-7; 32,37-41; 42,2„Ако не го послушате гласот Мој, ова големо и многубројно множество народ секако многу ќе се намали меѓу на­родите, меѓу кои ќе го расеам.

302 Мојс 32,9; 33,3; 34,9; 3 Мојс 26,40-41; 5 Мојс 4,29-30; 9,6; 31,27; 3 Цар 8,47-48; Ос 6,1Јас знам дека тие нема да Ме по­слу­шаат, зашто се тврдоглав народ, но во земјата на своето прогонство ќе се об­ратат кон своето срце,

312 Мојс 7,5; Ер 24,7; Ез 6,7; 11,19; 18,31; 28,26; 36,26; 39,22ќе познаат дека Јас сум нивниот Господ Бог. Јас ќе им дадам срце, и ќе разберат и уши – и ќе чујат.

32Ез 6,9; Зах 10,9; Пс 77,4; Неем 4,15Ќе Ме прослават во земјата на сво­ето прогонство, ќе си спомнат за Моето име,

33и ќе се одвратат од жестокоста сво­ја и од лошите дела; ќе си спомнат за своите татковци, кои згрешија пред Гос­под.

345 Мојс 30,5; Ер 16,15И Јас ќе ги вратам во земјата, која со клетва им ја ветив на нивните предци, на Авраам, на Исак и на Јаков, и тие ќе владеат со неа; тогаш ќе ги умножам и нема веќе да се намалуваат.

35Ер 31,31-37; 32,40; 50,5; Ез 37,26-27; Зах 13,9; Плач 4,22; Евр 8,8-12И ќе склучам со нив вечен завет: Јас ќе им бидам нивни Бог, а тие ќе Ми бидат Мој народ. И нема веќе да го из­гонам Мојот народ Израил, од земјата, што сум им ја дал.“