Сирахова 34 - Свето Писмо: Стандардна Библи?а 2006 (со девтероканонски книги)（MK2006D）

Соништа

1 5 Мојс 12,32–13,4; 18,9-14 Глупавиот човек празни надежи има, од соништата безумните до­биваат крилја.

2Ос 12,1; Проп 1,14Каков што е оној што гушка сенка и што ветар гони, таков е и оној што во сништа верува.

3Соништата и огледалото слични се: и во едното и во другото има само при­вид.

4Јов 14,4Од нечистото може ли чисто да би­де? Од лагата може ли вистина да биде?

5Ер 14,14; Проп 5,6Баење, претскажување и соништа – сето тоа е суета; срцето се полни со желби, како кај родилка.

6Јов 4,12-13Ако не ги праќа Севишниот за вра­зумување – не мисли на нив.

7Соништата многумина заблудиле; пропаднале и оние што во нив се надевале.

8Закон без измама треба да се из­вр­шува; мудроста во устата на верните се усовршува.

Патувања

9 Изреки 24,4-5 Учениот човек многу знае; кој многу искусил, разумно зборува.

10Кој ништо не искусил, тој малку знае; а кој патувал, многу знаења добил.

1139,4Многу видов на моите патувања и знам повеќе отколку што говорам.

1251,5-9; 2 Кор 11,23Многупати бев во опасност смртна, но се спасив со искуството што го имав.

Страхопочитта кон Господа

13 Ис 55,3; Авак 2,4 Духот на оние што страхопочит кон Господа имаат, ќе живее, зашто нивната надеж е во Оној, Кој ги спасува.

14Кој од Господа страв има, од ништо не се плаши; надежта негова е Господ.

15Блажена е душата на оној кој од Господа има страв! Кој го поддржува и Кој му е поткрепа?

1615,19; Пс 32,18; 55,13Очите на Господа се врз оние што Го љубат; Тој е нивната силна закрила и постојана потпора, брана од гореш­ти­на и брана од пладневна топлина, заш­тита од сопнување и заштита од паѓање.

171,18; Пс 12,3; Варух 1,12Тој ја издигнува душата, Тој ги про­светлува очите; Тој дава живот, здравје и благослов.

Достојна почит кон Бога

18Кој принесува жртва од придобивка неправедна, дарот од таков е подбив; да­ровите од беззакониците Господ не ги прифаќа.

19Амос 5,21Севишниот не ги сака жртвите без­божнички; со многу жртви гревовите свои нема да ги искупат.

20Каков е оној што жртвува син пред очите на неговиот татко, таков е и оној што принесува жртва од имотот на си­ромав.

21Пс 5,6; 54,14; Јов 24,2-11Лебот на сиромасите живот е за нив: кој им го одзема – како крв да пролева.

223 Мојс 19,13; 5 Мојс 24,14.15; Ер 22,13Кој му ја одзема прехраната на ближниот – тој го убива; а крв пролева, кој на наемникот му ја одзема наградата.

23Ако еден гради, а друг урива, што добиваат за себе освен тешкотии?

24Ако еден се моли, а друг проколнува, чиј глас Господ ќе чуе?

254 Мојс 19,11-20Ако некој се измие од допир до мр­товец и пак се допре до него, од измивањето тогаш каква му е ползата?

26Ис 58,3-5Таков е човекот што пости за на­правени гревови, и пак оди и ги повто­рува, – кој ќе ја чуе неговата молитва и каква полза ќе има што се смирил и се покајал?