Исход 14 - Свето Писмо: Стандардна Библи?а 2006 (со девтероканонски книги)（MK2006D）

Фараонот го прогонува народот на Израил

1И Господ му рече на Мојсеј, велејќи:

214,9; 4 Мојс 33,7-8; Ез 29,10„Кажи им на синовите израилски да свртат и да се улогорат пред Пи-Хахи­рот и меѓу Мигдол и морето, пред Ваал-Цефон. Спроти него улогорете се крај морето.

3И така фараонот ќе рече за синовите израилски: ‚Заскитале во таа земја, пустината ги затворила.‘

44,21; 9,16; 14,8.17.23; Ез 32,15; Рим 9,17А Јас ќе направам да се ожесточи срцето на фараонот, и тој да појде во потера по нив. Но Јас ќе се прославам над фараонот и над сета негова војска. И сите Египќани ќе познаат дека Јас сум Господ.“ Тие така и направија.

5Пс 104,25А кога му соопштија на египетскиот цар дека народот избегал, се измени срцето на фараонот и слугите негови спрема народот, па рекоа: „Што направивме, па ги пуштивме синовите изра­илски, та да не ни работат повеќе?“

6И ја впрегна фараонот колата своја, и сиот народ го поведе со себе;

715,4зеде шестотини коли по избор и кол­ку што уште имаше египетски коли, со нивните началници.

811,10; Дела 13,17А Господ направи, та се ожесточи срцето на фараонот, царот египетски, и тргна во потера по синовите израилски; но синовите на Израил врвеа под силна рака.

914,2.6-7.25; 15,9; Ис.Н. 24,6; Ис 43,17И се впуштија по нив Египќаните, и сите коњи фараонови со колите, и коњаниците и сета војска негова, и ги најдоа крај морето, во близина на Пи-Хахирот, спроти Ваал-Цефон.

10Ис.Н. 24,7; Пс 33,17; 49,15; 106,28; Неем 9,9А кога наближи фараонот, се обѕрнаа синовите израилски, и што ќе видат: ете, Египќаните идат по нив! И синовите израилски се уплашија многу, па извикаа кон Господ,

115,21; 16,3; 17,3; 4 Мојс 11,4-6; 14,1-4; 20,2.4; 21,4-5; Пс 105,7и му рекоа на Мојсеј: „Зар немаше гробови во Египет, туку нѐ изведе овде да изгинеме во пустината? Што ни на­прави? Зошто нѐ изведе од Египет?

125,21; Пс 105,7Нели ти го кажавме ова и во Еги­пет, кога ти рековме: ‚Остави нѐ, да им служиме на Египќаните?‘ Зашто по­добро ќе ни беше да им робуваме на Египќаните, отколку да изгинеме во пустинава.“

1314,30; 1 Мојс 15,1; 1 Цар 12,16; 2 Лет 20,17; 1 Мак 3,22; 4,8А Мојсеј му рече на народот: „Не плашете се, застанете и ќе видите како Господ ќе ве спаси денес: Египќаните, како што ги гледате денес, нема повеќе никогаш да ги видите довека.

1414,25; 15,3; 5 Мојс 1,30; 3,22; 20,4; Ис.Н. 10,14; 23,3.10; Ис 30,15; Пс 36,7; 2 Лет 20,29; 2 Мак 11,13Господ ќе се бори за вас, а вие бидете спокојни.“

Бог прави пат низ морето

15 Пс 104,37-45; 105; 113 И Господ му рече на Мојсеј: „Зошто викаш кон Мене? Кажи им на синовите на Израил нека врват.

164,2; 14,21; Ис 10,26; 1 Кор 10,1-2А ти земи го стапот свој и протегни ја раката своја врз морето, и раздели го, и нека минат синовите израилски, среде море по суво.

174,21; 14,4Но, ете, Јас ќе го ожесточам срцето на сите Египќани, и тие ќе тргнат по нив. А Јас ќе ја покажам славата Своја над фараонот и над сета војска негова, над колите негови и над коњаниците негови.

187,5; Ез 32,15И Египќаните ќе познаат дека Јас сум Господ, кога ќе се прославам над фараонот, над колите негови, и над коњаниците негови.“

1913,21; 23,20; 1 Мојс 16,7И се крена ангел Господов, кој одеше пред војската израилска, и застана зад нив; се крена и столбот од облак пред нив, и застана зад нив.

20Ис.Н. 24,7А кога влезе меѓу војската египет­ска и војската израилска, застана; на оние им беше темнина и мрак, а на овие им беше светлина, така што преку цела ноќ не се доближија едните до другите.

2115,8; 4 Цар 2,8; Ис; 51,15; 63,12; Пс; 77,17-19; 78,13; 135,13И ја подигна Мојсеј раката своја над морето, а Господ го разбранува мо­рето со источен ветар, кој дуваше силно цела ноќ, па се направи во морето суво и водата се раздели.

2214,16.29; 15,8.19; Ис.Н. 3,13.16.17; 4,22; Ис 43,16; 51,10; Пс 65,6; 105,9; Неем 9,11; Евр 11,29И појдоа синовите израилски среде море по суво, а водата им стоеше како ѕид од десната страна и од левата стра­на.

2314,7А Египќаните, гонејќи ги, појдоа по нив среде море, сите коњи фараонови, колите и коњаниците негови.

2413,21; 23,27; Ис.Н. 10,10А во утринската стража погледна Господ на војската египетска од огнениот столб и од облакот и ја доведе во забуна војската египетска,

2514,9.14; 1 Цар 4,8па им ги врза тркалата на колите нивни, та одвај ги влечеа. Тогаш Египќаните рекоа: „Да бегаме од Изра­илците, зашто Господ се бори за нив против Египќаните!“

265 Мојс 11,4Тогаш Господ му рече на Мојсеј: „Пружи ја раката над морето, и нека се собере водата врз Египќаните, врз колите нивни и врз коњаниците нивни.“

27Ис.Н. 4,18И Мојсеј ја испружи раката своја над морето, и пред зори водата пак се поврати на своето место, а Египќаните тргнаа да бегаат наспроти водата; и Господ ги потопи Египќаните среде море.

2814,23; 15,5.19; 5 Мојс 11,4; Ис.Н. 24,7; Пс 77,53; 105,11; 136,5; Неем 9,11; Евр 11,29Кога се поврати водата, ги потопи колите и коњаниците со сета војска фараонова, што беше тргнала по нив во морето; и не остана ниеден од нив.

29Синовите, пак, израилски минаа среде море по суво; водата стоеше како ѕид од десната страна и од левата страна.

301 Цар 14,23; Пс 105,8.10.21И ги избави Господ Израилците во тој ден од рацете на Египќаните. И ги видоа синовите израилски Египќаните што изумреа на морскиот брег.

314,5.31; 9,16; Ис.Н. 4,24; Јн 2,11; 11,45Ја виде Израил големата сила, што Господ ја покажа над Египќаните, и народот се уплаши од Господ, и поверува во Бога и на слугата негов Мојсеј.