Езекил 14 - Свето Писмо: Стандардна Библи?а 2006 (со девтероканонски книги)（MK2006D）

Божјиот Суд над идолопоклонството

1 20,1-4 И дојдоа кај мене неколкумина израилски старешини, па седнаа пред мене.

2И дојде слово Господово до мене:

3„Сине човечки, овие луѓе дозволија своите идоли да си ги стават во срцата свои, се соблазнија со своето бесчестие: можам ли да им одговорам?

4Затоа зборувај со нив и кажи им – вака вели Господ Бог: Ако некој од до­мот израилски дозволи во срцето свое да има идоли и така со тоа да го соб­лаз­нува своето бесчестие, па дојде кај пророк, – па зар Јас, Господ, можам ли, при толку многу идоли, да му дадам одго­вор?

5Домот израилски нека разбере во ср­цето свое дека сите со своите идоли ста­наа туѓи за Мене.

6Затоа кажи му на домот израилски – вака вели Господ Бог: Обратете се и откажете се од вашите идоли и од сите ва­ши гадотии одвратете го лицето свое.

7Зашто, ако некој од домот израилски и од придојдените кои живеат во Из­ра­ил, се откаже од Мене и допушти во ср­цето свое да има идоли и со тоа пред ли­цето свое бесчести, па дојде при пророк за да ме праша преку него, – па зар Јас, Господ, треба ли да му дадам одговор од Себе?

8Пс 33,16Јас ќе го свртам лицето Свое против тој човек и ќе го поразам како знак и приказ и ќе го истребам од мојот народ, и ќе познаете дека Јас сум Господ.

913,9; 3 Цар 22,23Ако, пак, пророкот дозволи да се из­мами и каже збор така како Јас, Господ, да сум го научил тој пророк, тогаш Јас ќе ја протегнам раката Своја против не­го и ќе го истребам од народот мој, од Израил.

10И тие обајцата ќе ја понесат вината за беззаконието: каква ќе биде вината на оној што прашува, таква ќе биде ви­ната и на лажниот пророк,

1111,20та во иднина домот израилски да не се отклонува од Мене и да не се осквернува веќе себеси со секакви свои беззаконија, туку да биде Мој народ и Јас да бидам нивни Бог“, – вели Господ Бог.

Ное, Даниил и Јов

12 33,10-20 И дојде слово Господово до мене:

13„Сине човечки, кога некоја земја ќе згрешеше пред Мене, вероломно от­ста­пувајќи од Мене, и Јас ја протегав врз неа раката Своја, ја уништував во неа лебната потпора, праќав врз неа глад и почнував по неа да ги погубувам луѓето и добитокот,

14Евр 11,7па, ако се најдеа во неа тројца ма­жи: Ное, Даниил и Јов, тие со својата праведност ќе можеа да ги спасат само своите души, вели Господ Бог.

15Или, ако пратев врз таа земја лути ѕверови што би ја опустошиле, и таа по­ради ѕверовите стане пуста и непроодна,

16тоа тројцата тие мажи во неа да се – жив сум Јас, вели Господ Бог, не би ги спасиле ни синовите ни ќерките, а само тие би се спасиле, земјата пак би ос­та­на­ла пуста.

17Или, ако пратев врз таа земја меч и му речев: ‚мечу, мини преку земјата!‘, и тој почнеше да истребува по неа луѓе и добиток,

18тоа само тие тројца мажи среде неа – жив сум Јас, вели Господ Бог, не би ги спасиле ни синовите ни ќерките, а би се спасиле само тие.

19Или, да бев пратил врз таа земја помор и да бев ја излеал врз неа јароста Своја во крвопролевање, за да истребувам во неа луѓе и добиток,

20тоа Ное, Даниил и Јов среде неа – се колнам во Себе, вели Господ Бог, не би ги спасиле ни синовите ни ќерките; со својата праведност тие би ги спасиле само своите души.“

21Откр 6,8Зашто така вели Господ Бог: „Ако и четирите мои тешки казни – мечот и гладот, лутите ѕверови и поморот – би ги пратил врз Ерусалим за да истребуваат во него луѓе и добиток,

22и тогаш ќе остане во него само ос­татокот на синовите и ќерките, што нема да бидат изведени оттаму; ете, тие ќе дојдат кај вас и вие ќе го видите поведението нивно и делата нивни, па ќе се утешите за сето зло, што го пратив врз Ерусалим, за сѐ што пратив врз него.

23Тие ќе ве утешат, кога ќе го видите нивното поведение и делата нивни; и ќе познаете дека не залудо Јас го извршив сето тоа, што го извршив во него“, вели Господ Бог.