2 Летописи 8 - Свето Писмо: Стандардна Библи?а 2006 (со девтероканонски книги)（MK2006D）

Завршувањето на изградбата(3 Цар 9,10-28)

1Откако, изминаа дваесет години, во кое време Соломон го градеше до­мот Господов и својот дом,

2Соломон ги изгради и градовите, што му ги беше дал Хирам, и ги всели во нив синовите израилски.

3Потоа отиде Соломон против Хамат-Цова и го презеде.

4Ис.Н. 10,10; 2 Цар 8,9; 3 Цар 9,15-18Го изгради Тадмор во пустината и сите градови за житници, какви што направи во Хамат.

5Го изгради Горни Веторон и Долни Веторон, градови утврдени со ѕидишта, порти и резиња,

6и Ваалат и сите градови за складови, во кои Соломон имаше житници, сите градови за коли и градови за коњаница, и сѐ што сакаше да изгради Соломон во Ерусалим и во Ливан и по целата земја на своето царство.

71 Езд 9,1Сите луѓе, останати од Хитијците, Аморејците, Перизијците, Евејците и Јевусејците, што не беа од синовите Израилеви –

8децата нивни, останати по нив на земјата, кои синовите Израилеви не ги беа истребиле – Соломон ги потчини и принуди да плаќаат данок сѐ до ден-денес.

9А синовите Израилеви Соломон што не ги направи слуги за свои работи, тие беа војници и главни над неговите воени началници и заповедници на колите и коњаницата негова.

10Главните настојници, што управуваа со народот кај царот Соломон, беа двесте и педесет.

11Соломон ја пренесе ќерката фарао­нова од Давидовиот град во домот, што го изгради за неа, зашто, велеше тој, жена не смее да живее кај мене во до­мот на израилскиот цар Давид, бидејќи домот е осветен: во него е влезен ков­чегот Господов.

123 Цар 8,64Тогаш Соломон почна да Му принесува сепаленици на Господ на жрт­веникот Господов, што беше го изгра­дил пред тремот,

132 Мојс 29,38; 4 Мојс 10,10; 28,9-15; Неем 8,17за принесување сепаленици, според наредбите секој ден, како што беше за­поведал Мојсеј, во саботите и во ново­месечијата и во празниците трипати во годината: на празникот Бесквасници, на празникот Седмици и на празникот Сеници.

14Неем 12,45; 1 Лет 9,17.23-26И ги установи, според распоредот на татко си Давид, смените и свеште­ниците според службата нивна, на левитите според смените нивни, за да славословат и да служат при свеште­ниците според потребите за секој ден, и на вратарите според смените нивни, кај секоја врата, бидејќи таква беше запо­ведта на Давид, Божјиот човек.

15И не отстапуваа од царевите запо­веди за свештениците и за левитите во ништо, ниту пак за ризницата.

16Така беше подготвена целата работа на Соломон од денот, кога се основа домот Господов, до целосното завршу­вање негово.

17Тогаш отиде Соломон во Ецјон-Ге­вер и во Елат, што е на морскиот брег, во земјата едомска.

18И Хирам му испрати по свои слуги кораби и слуги, што го знаеја морето, и тие отидоа со слугите Соломонови во Офир, од каде што изнесоа четиристотини и педесет кикари злато, и му го донесоа на царот Соломон.