Исаија 26 - Свето Писмо: Стандардна Библи?а 2006 (со девтероканонски книги)（MK2006D）

Песна во слава на Бога и надеж во Господ

1 60,18; Мих 2,4; Зах 2,5 Во тој ден ќе биде испеана во зем­јата Јудина оваа песна: „Гра­дот ни е јак, место ѕидини и опкопи Бог ни даде спасение.

2Пс 117,19-20Отворете ги портите; нека влезе праведниот народ, кој ја пази вистината.

3Цврстиот по дух Ти го пазиш во со­в­ршен мир, зашто на Тебе се надева.

417,10; 30,29; 5 Мојс 32,4; Пс 61,7Надевајте се на Господ засекогаш, зашто Господ Бог е вечната тврдина;

525,2.12; 32,19; Изреки 16,5.18Тој ги собори оние, што живееја на високо; градот, што стоеше високо го собори, го кутна на земја, го фрли во прав.

6Нога го гази, нозете на сиромавиот, стапките на бедните.“

Доверба во Господ

7 Ос 14,10; Јов 17,9; Изреки 2,20 Патот на праведниот е прав; Ти ја израмнуваш неговата патека.

825,9; Пс 36,23На патот на Твоите судови, Господи, ние на Тебе се надеваме; душата наша се стреми кон Твоето име и кон споме­нот за Тебе.

9Пс 41,1; 63,2; 77,3Со душата своја се стремиме кон Те­бе ноќе, и со духот свој ќе Те бараме ис­крено од рани зори; зашто, кога Твоите пресуди се извршуваат на земјата, то­гаш жителите на светот се учат на правда.

10Проп 8,11Ако нечесен биде помилуван, тој нема да се научи на правда, ќе злодеј­ствува во земјата на праведните и нема да погледне на величието Господово.

115,12; 30,27; 37,32; 2 Мојс 15,6; Мих 7,16; Пс 20,9; Евр 10,27Господи! Раката Твоја беше високо крената, но тие не ја видоа; ќе видат и ќе се посрамат оние, што го мразат Твојот народ; оган ќе ги голтне Твоите непријатели.

12Пс 89,17; Фил 2,13Господи! Ти ни даруваш мир, зашто и сите наши дела Ти ги уредуваш за нас.

1363,19Господи, Боже наш! Други господа­ри, освен Тебе, владееле над нас; но са­мо преку Тебе ние го славиме Твоето име.

14Ер 51,55Мртвите нема да оживеат; нивните сенки нема да станат, зашто Ти ги каз­ни и истреби, го уништи секој спомен за нив.

15Ез 28,22; 47,15-20; Неем 11,1-2Ти го намножи народот, Господи, го намножи народот. Се прослави Себе Си, ги рашири сите земни граници.

Господ оживува мртви!

16 Ер 2,27; Ос 5,15; 6,1 Господи, кога беа во беда, тие Те ба­раа; изливаа тивки молитви, кога ги стигнуваше Твојата казна.

1713,8; 37,3; Ер 4,31; Ос 13,13; Мт 24,8; Јн 16,21; Откр 12,2Како трудна жена, кога ќе раѓа, се мачи, вика од болки, така бевме ние пред Тебе, Господи.

184 Цар 19,3; Мих 4,10Бевме трудни, се мачевме, но ро­див­ме само ветар; спасение не ѝ доне­сов­ме на земјата, и други жители во вселената не се појавија.

19Ез 37,12; Дан 12,2; 1 Кор 15,35-38; Ефес 5,14Твоите мртовци ќе оживеат, мрт­ви­те тела ќе воскреснат! Разбудете се и ликувајте вие, соборените во прав; заш­то Твојата роса е роса на светлина, и земјата ќе ги даде мртовците.

2010,25; 54,8; Соф 2,3; Јов 14,13; Мт 6,6; 24,22Ајде народе Мој, влези во покоите свои и затвори ги зад себе вратите свои, сокри се за миг, додека да мине гневот (Господов);

И земјата и морето ќе бидат казнети

21 Мих 1,3; Јов 16,18-19; Откр 3,10; 6,10 зашто, ете, Господ излегува од Сво­ето живеалиште да ги казни жителите земни за нивното беззаконие, и земјата ќе ја открие голтнатата од неа крв и повеќе нема да ги крие своите убиени.