3 Царства 14 - Свето Писмо: Стандардна Библи?а 2006 (со девтероканонски книги)（MK2006D）

Владеењето на Јеровоам Први

1Во она време се разболе Јеровоамовиот син Авија.

211,29-39; 22,30; 1 Цар 28,8И Јеровоам ѝ рече на жена си: „Ста­ни и преоблечи се за да не те познаат дека си Јеровоамова жена, па оди во Силом. Таму е пророкот Ахија што ми претскажа дека ќе бидам цар на овој народ.

3Земи со себе за Божјиот човек десет леба, питки и грне мед, па оди кај него; тој ќе ти каже што ќе стане со детето.“

4Јеровоамовата жена така направи: стана, отиде во Силом и влезе во куќата на Ахија. А Ахија веќе не можеше да гледа, зашто очите му беа станале неподвижни од старост.

5Тогаш Господ му рече на Ахија: „Ете, Јеровоамовата жена доаѓа да те праша за својот син, бидејќи е болен; кажи ѝ така и така; ќе ти дојде пре­правена како да е некоја друга.“

6Ахија штом го слушна шумот од нејзините чекори, кога влезе низ вратата, рече: „Влези, Јеровоамова жено; зошто требаше да се преправаш во дру­га жена? Јас сум пратен да ти кажам зло.

7Оди и кажи му на Јеровоам: вака вели Господ, Бог Израилев: ‚Јас те из­дигнав од средината на простиот народ и те поставив за водач на Мојот народ Израил,

8го одзедов царството од Давидовиот дом и ти го дадов тебе; но ти не си та­ков, каков што беше Мојот слуга Давид, кој ги пазеше заповедите Мои и кој Ме следеше од сѐ срце, вршејќи го само она што е угодно пред очите Мои;

9ти постапуваш полошо од сите што беа пред тебе, и отиде, та си направи други богови и идоли за да Ме дразниш, а Мене ме отфрли зад грбот свој,

1015,29; 16,3.11; Суд 9,5; 4 Цар 10,1-17; 11,1затоа Јас ќе испратам зло врз Јеровоамовиот дом и ќе го истребам кај Јеровоам сѐ што е машко, и оној што е роб и оној што е слободен во Израил, и ќе го исчистам Јеровоамовиот дом сосема, како што чистат ѓубре;

1116,4; 21,24кој од Јеровоамовиот дом ќе умре во град, него кучињата ќе го изедат, а кој ќе умре во полето, него птиците небески ќе го исколваат‘; така вели Господ.

12Стани, па оди во домот свој; и штом ногата твоја ќе стапне во градот, детето ќе умре;

13сите Израилци ќе го оплачат и ќе го погребат, зашто само тоа од Јеро­воамовиот дом ќе влезе во гроб, бидејќи само во него, од целиот Јеровоамов дом, се најде нешто добро пред Господ, Израилевиот Бог.

14И Господ ќе Си издигне над Израил цар, кој ќе го истреби Јеровоамовиот дом во оној ден; и што? – еве денес!

15И Господ ќе го порази Израил, и тој ќе биде како трска, која се лула во водата, и ќе ги исфрли Израилците од оваа убава земја што им ја даде на татков­ците нивни, и ќе ги расфрли зад Реката, поради тоа што си направија идоли и Го гневеа Господа;

16и ќе го напушти Господ Израил поради гревовите на Јеровоам што сам си ги направи, и со кои го наведе во грев Израил.“

17Јеровоамовата жена стана, тргна и дојде во Тирца; и штом стапи на куќниот праг, детето умре.

18И сите Израилци го погребаа и оплакаа, според словото на Господ, што Тој го изрече преку Својот слуга, пророкот Ахија.

19Другите дела на Јеровоам – како војувал и како царувал – се опишани во летописите на израилските цареви.

20Времето, во кое царуваше Јеро­воам, беше дваесет и две години; и по­чина кај татковците свои, а место него се зацари синот негов Надав.

Владеењето на Ровоам, царот на Јудеја(2 Лет 12,1-16)

21 2 Лет 12,13-14 Соломоновиот син Ровоам царува­ше во Јудеја. Ровоам беше на чети­риесет и една година кога стана цар, и царуваше седумнаесет години во Еру­салим, во градот што Господ го избра од сите Израилеви племиња за да ос­та­не засекогаш таму името Негово. Име­то на мајка му беше Ноема, Амо­н­ка.

225 Мојс 32,16-17И Јуда го вршеше она што не беше угодно пред очите на Господ, и Јуди­ните синови го разгневуваа повеќе, отколку татковците нивни со гревовите свои што беа ги правеле.

23Ер 2,20; 3,6; 17,2Тие си беа издигнале идоли и идолски светилишта на секој висок рид и под секое сенчесто дрво.

2415,12; 5 Мојс 23,17Во таа земја имаше и блудници што ги вршеа сите гнасотии на оние народи, кои Господ ги беше прогонил од лицето на Израилевите синови.

252 Лет 12,2-11На петтата година од Ровоамовото царување египетскиот цар Шишак се крена против Ерусалим,

2610,16-17и ги ограби ризниците на домот Господов и ризниците на царскиот дом (и златните штитови, кои Давид ги беше зел при запленувањето на Цов­скиот цар Адраазар и ги беше донел во Ерусалим). Сѐ зеде; ги зеде и сите златни штитови што ги беше направил Соломон.

27И наместо нив царот Ровоам на­прави бронзени штитови и ги даде во рацете на старешините и телохрани­те­лите, кои го чуваа влезот во цар­скиот дом.

28Кога царот одеше во домот Госпо­дов, телохранителите ги носеа, а потоа ги враќаа во стражарницата.

29Другото за Ровоам и за сѐ што вр­шел, е опишано во летописите на јудејските цареви.

30Меѓу Ровоам и Јеровоам имаше вој­на за сето време додека беа живи.

31Ровоам почина кај татковците свои и беше погребан кај нив во Давидовиот град. Името на мајка му беше Ноема, Амонка. Наместо него стана цар синот негов Авијам.