2 Летописи 13 - Свето Писмо: Стандардна Библи?а 2006 (со девтероканонски книги)（MK2006D）

Авија го победува Јеровоама(3 Цар 15,1-8)

1Во осумнаесеттата година од царувањето на Јеровоам над Јуда стана цар Авија;

2тој царуваше три години во Ерусалим; мајка му се викаше Михаја, ќерка Уриилова, од Гива. И Авија воде­ше војна со Јеровоам.

3Авија поведе во војна војска од храб­ри луѓе, четиристотини илјади одбрани мажи, а Јеровоам излезе против него во бој со осумстотини илјади мажи, исто така одбрани јунаци.

4И застана Авија на врвот од планината Цемараим, една од Ефремовоите гори, и рече: „Чујте ме, Јеровоаме и си­те Израилци!

53 Мојс 2,13; 2 Цар 7,13; 1 Лет 17,12Не знаете ли дека Господ, Бог Изра­илев, му го даде на Давид царството над Израил засекогаш, нему и на синовите негови, според заветот вечен.“

63 Цар 11,26Но се крена Јеровоам, синот Нава­тов, слуга на Давидовиот син Соломон, и се побуни против господарот свој.

7Суд 9,4; 1 Лет 29,1И се собраа околу него луѓе долни, развратници и станаа против Ровоам, синот Соломонов; а Ровоам беше млад и со слабо срце, и не издржа против нив.

82 Мојс 32,4; 2 Цар 4,3; 3 Цар 12,28-30А сега вие мислите дека можете да застанете против царството Господово, кое е во рацете на Давидовите синови, зашто вас ве има многу и затоа што имате златни телиња, што ви ги напра­ви Јеровоам за богови.

92 Мојс 29,35-36; 3 Цар 12,31; Ер 2,11; Гал 4,8Нели вие ги изгонивте свештени­ците Господови, синовите Аронови, и левитите, и си поставивте свештеници, какви што има кај народите во другите земји? Секој, што доаѓа за свое посветување со теле и седум овни, тој станува кај вас свештеник на лажни богови.

10А кај нас – Господ е наш Бог; ние не сме Го оставиле; на Господ Му служат како свештеници синовите Аронови, и левитите се на својата служба.

112 Мојс 29,39; 1 Лет 9,32Тие Му жртвуваат на Господ сепаленици, секое утро и секоја вечер, и ми­ризливо кадиво, ги поставуваат лебо­вите на трпеза од чисто злато и ги па­лат кандилцата на златниот светилник за да горат секоја вечер, зашто ние ја пазиме наредбата на Господ, нашиот Бог, а вие сте Го оставиле.

124 Мојс 10,8-9; Суд 2,15; 2 Мак 7,19; Мудр 12,13-14; Дела 5,39И, ете, нам на чело ни е Бог и Него­вите свештеници и громогласните тру­би, за да грмат против вас. Синови Из­раилеви, не војувајте против Господ, Бог на вашите предци, зашто нема да успеете!

13Ис.Н. 8,9Во тоа време Јеровоам направи за­седа зад нивниот тил, така што самиот тој беше пред Јудејците, а заседата – зад нив.

14И кога се обѕрнаа Јудејците, – туку гледај борба и отспреди и одзади; и по­викаа кон Господ, а свештениците за­трубија со труби.

151 Лет 9,1И почнаа да викаат Јудејците. И кога Јудејците повторно извикаа, Бог го порази Јеровоам и сите Израилци пред Авија и Јуда.

16И синовите Израилеви почнаа да бегаат пред Јудејците; и Бог ги предаде во рацете нивни.

17Авија и народот негов страшно ги поразија; и паднаа од Израилците петстотини илјади одбрани јунаци.

18Пс 21,4Така синовите израилски беа пони­зени, а синовите Јудини станаа силни, зашто се надеваа на Господ, Бог на нив­ните предци.

19Авија, пак, го гонеше Јеровоама и му ги одзеде градовите: Ветил и нему потчинетите села, Јешан со селата не­гови и Ефрон со потчинетите му села.

20И Јеровоам веќе не се совзеде во дните на Авија. Господ го порази и тој умре.

21Авија, пак, се засили; си зеде чети­ринаесет жени и роди дваесет и два си­на и шеснаесет ќерки.

22Другите дела на Авија, делата него­ви и зборовите негови се опишани во записите на пророкот Идо.