4 Царства 22 - Свето Писмо: Стандардна Библи?а 2006 (со девтероканонски книги)（MK2006D）

Јошија, цар на Јудеја(2 Лет 34,8-18)

1 3 Цар 13,2; Ер 3,6 Јошија беше на осум години кога стана цар, и царуваше во Ерусалим триесет и една година; мајка му се викаше Једида, ќерка на Адаја, од Боцкат.

2Тој го правеше она што беше пра­вилно пред очите на Господ, во сѐ одеше по патот на неговиот предок Давид и не се отклонуваше ни десно, ни лево.

312,11-16Кога беше на осумнаесет години, ца­рот Јошија го испрати писарот Сафан, син на Ацалија, Мешуламовиот син, во домот на Господ, велејќи:

4„Оди кај првосвештеникот Хелкија, нека го земе среброто донесено во до­мот на Господ што го собраа од чува­рите на портите,

5и нека го дадат во рацете на распоредниците, поставени кај храмот Господов, а тие да го потрошат за ра­ботниците во домот Господов за поп­равка на штетите во домот:

6на дрводелците, на каменоресците, на ѕидарите и за купување дрва и делкани камења за поправка на храмот;

7но да не се бара од нив сметка за среброто, предадено во рацете нивни, бидејќи тие постапуваат чесно.“

85 Мојс 28,61И му кажа првосвештеникот Хел­кија на писарот Сафан: „Јас ја најдов во домот Господов книгата на законот.“ И Хелкија му ја подаде книгата на Сафан, и тој ја читаше.

9Дојде писарот Сафан кај царот и му донесе на царот одговор, велејќи: „Тво­ите слуги го зедоа среброто, најдено во домот, и го предадоа во рацете на распоредниците, поставени кај домот Господов.“

10Писарот Сафан му соопшти уште на царот и рече: „Една книга ми даде свештеникот Хелкија.“ И Сафан ја читаше пред царот.

Јошија ја прашува за совет пророчицата Хулда(2 Лет 34,19-28)

11 2,12; 19,1; 1 Мојс 37,29; Суд 11,35; 1 Езд 9,6 Кога царот ги чу зборовите од книгата на законот, ја раскина облеката своја.

12Тогаш царот заповеда на свештени­кот Хелкија, на Ахикам, Сафанов син, на Ахбор, син на Михаја, на писарот Сафан и на царскиот слуга Асаја, велејќи:

13„Одете, прашајте Го Господа за ме­не, за народот и за цела Јудеја во врска со зборовите на таа најдена книга, за­што голем е гневот Господов што се разгорел против нас, поради тоа што нашите татковци не ги послушаа зборовите на таа книга за да постапуваат според она што ни е заповедано во неа.“

141 Цар 9,6; 3 Цар 14,5; 22,7-8; Ер 21,2И отиде свештеникот Хелкија со Ахикам, Ахбор, Сафан и Асаја кај про­рочицата Хулда, жена на одеждочува­рот Селум, син на Тиква, Хархасов син – а таа живееше во Ерусалим, во вториот дел, – и зборуваа со неа.

15А таа им рече: „Вака вели Господ, Бог Израилев: ‚кажете му на човекот што ве испрати кај Мене:

16вака вели Господ: ќе испратам зло во тоа место и врз жителите негови – како што е напишано во книгата што ја прочита јудејскиот цар.

17Поради тоа што Ме оставија и кадат на други богови за да Ме предиз­викуваат со сите работи на рацете свои, се разгневи гневот Мој против тоа мес­то, и нема да угасне.‘

18А на јудејскиот цар што ве испра­тил да Го прашате Господ, кажете му: – вака вели Господ, Бог Израилев, за зборовите што ги чу:

193 Цар 21,29‚поради тоа што смекна срцето твое, и ти се смири пред Господ, откако го чу ова што Јас го изреков против тоа место и против жителите негови дека тие ќе бидат за ужас и проклетство, и ти ја раскина облеката своја и плачеше пред Мене, Јас те чув – вели Господ.

20Поради тоа, еве, Јас ќе те приберам кај татковците твои, и ќе бидеш ставен во гробницата своја во мир, и твоите очи нема да ги видат сите тие зла што ќе ги испратам во тоа место.‘“ И му донесоа на царот одговор.