Сирахова 28 - Свето Писмо: Стандардна Библи?а 2006 (со девтероканонски книги)（MK2006D）

1 5 Мојс 32,35; Јов 10,6 Одмаздникот ќе добие одмазда од Господа, Кој не ги заборава неговите гревови.

2Мт 5,23.24; 6,12.14; 18,21-35; Мк 11,25; Лк 6,37Прости му ја навредата на ближниот твој и тогаш, откако се помолиш, гре­во­вите твои простени ќе ти бидат.

3Пс 40,4; 103,3; Мт 6,14-15; 18,35Кога човек човека го мрази, како може од Господа исцелување да бара?

4За човек сличен на себе, тој милост нема, а се моли гревовите негови прос­тени да му бидат.

510,6; 1 Мојс 6,3; 3 Мојс 19,17-18; Мт 18,21-22Самиот, кој е од месо полн е со ом­раза, па кој гревовите ќе му ги прости?

67,36; 38,20Спомнувај си за крајот твој и прес­та­ни да мразиш; спомни си за смртта и гниењето, па заповедите извршувај ги.

7На заповедите мисли и ближниот не мрази го.

8Помни го заветот на Севиш­ниот, и вината на братот твој прости му ја.

Караници

9 Изреки 15,18; 29,22 Од кавга бегај, така помалку ќе гре­шиш.

10Грешникот раздор сее меѓу прија­те­лите; меѓу оние што живеат во мир, клеветења шири.

11Изреки 26,20-21Огнот се разгорува во зависност од тоа што е она што гори;

12каква е силата на човекот, таков ќе биде и неговиот гнев; гневот се зголемува и според бо­гатството негово.

1322,24Жешка расправија оган распалува, а жестока кавга крв пролева.

14Јк 3,10Дуваш ли искра – таа ќе се распали, плукнеш ли на неа, таа ќе се угасне; и едното и другото излегуваат од твојата уста.

Штетите од лоши јазици

15 Јк 3,1-12 Изреки 16,28 Озборувачот и лажливецот прокол­на­ти да се; тие погубиле многумина што живееле во мир.

16Третиот јазик многумина изгонил, ги гонел од еден народ во друг,

17уривал градови утврдени, уривал палати на бо­гати;

18Изреки 31,10-31третиот јазик избркал чесни жени, ги лишил од плодовите на нивниот труд.

19Кој него го слуша, мир нема да има, ни спокоен дом.

20Изреки 25,15Ударот со бич модрици прави, а ударот со јазик, коски крши.

21Многумина паднале од остар меч, но повеќе се оние што паднале од јазик.

22Пс 30,20Блазе на оној што од него се заш­ти­тил; неговиот бес не го почувствувал, кој во јаремот негов не бил и не бил вр­зан со неговите вериги.

23Јаремот негов е железен, а веригите негови – бакарни.

24Страшна е смртта што ја донесува; и пеколот е подобар од неа,

2551,4; Јк 3,5-6но нема сила на побожните; нив не ги гори пламенот негов.

26Жртви негови се оние што Го оста­виле Господа; во нив ќе се разгори и нема да изгасне; како лав ќе ги нападне и како пантер ќе ги раскине.

27Слушај, со трње загради го имотот твој,

28добро заклучи ги златото и среброто,

2921,25; 22,27а за зборовите направи си мерка; на устата твоја – врата и клучалка.

30Изреки 13,3Пази да не се сопнеш од јазикот свој; на оние што демнат – плен да не им бидеш.