Мудрост Соломонова 4 - Свето Писмо: Стандардна Библи?а 2006 (со девтероканонски книги)（MK2006D）

1 Изреки 10,7; Сир 16,3 Подобро е бездетност со добродетел, зашто споменот за неа е бесмр­тен, таа се признава и од Бога и од луѓе­то.

25,16Кога е овде, на неа се угледуваат, кога ќе си отиде – се стремат кон неа, овенчана со вечност – вечно прославувана, зашто победила преку непорочни подвизи.

3Сир 23,25; 40,15А од многубројното потомство на безбожниците нема никаква полза; по­томците на прељубниците не пуштаат длабоки корења и немаат тврда основа.

4Зашто, ако набрзина пуштаат гранки, слабо вкоренети, ќе се расклатат од ветрот, и од ударите на силните ветрови – ќе бидат искорнати.

5Кревките гранки ќе се искршат, плодот ќе им биде бесполезен, незрел за храна и непотребен за ништо;

6зашто деца родени од незаконска пос­тела – сведоци се за развратот на своите родители при истрагата на судот.

Смислата на предвремената смрт на праведниците

7 3,3; Ис 57,1-2 А праведникот и рано да умре, ќе биде во мир,

8Сир 25,4-6зашто чесната старост не е во долговечноста, ниту се мери со бројот на годините.

9Мудроста – тоа се белите човечки коси, а непорочниот живот – зрела ста­рост.

101 Мојс 5,21; Сир 44,16; Евр 11,5Откако Му угодил на Бога, праведникот е засакан и, откако живеал меѓу грешниците, Бог го прибрал;

11грабнат е, злобата да не го измени неговиот разум или подмолноста да не ја заведе неговата душа.

12Зашто, постојаното правење лошо го помрачува доброто, а виорот на коп­нежот го развратува незлобивиот ум.

13Кој достигнал совршенство за крат­ко време, тој живеел долго;

14Ис 57,1зашто неговата душа Му била угодна на Господ, затоа и побрзал да ја на­пушти од безбожноста околу него. А луѓето го видоа тоа, и не го разбраа, ду­ри и не помислија за тоа,

153,9дека Бог има благодат и милост за Своите светии и обзир – за Своите из­браници.

16Праведникот, кој умира, ги осудува живите безбожници и младоста што предвремено завршила, претворајќи се во – долговечна старост на неправедни­кот,

173,2зашто тие ќе го видат крајот на мудриот и не ќе сфатат што определил Господ за него и зошто го поставил во безопасност;

18Пс 36,13; 59,9тие ќе видат и ќе го понижат, но Господ ќе им се потсмее;

19Изреки 1,26; Дела 1,18и потоа тие ќе бидат презрен труп и срам меѓу умрените довека, зашто Тој ќе ги турне и тие ќе паднат безгласно ничкум – ќе ги оттргне од нивната основа и тие најпосле ќе опустеат, ќе бидат во жалост и споменот за нив ќе загине;

Каењето на безбожниците

20сознавајќи ги своите гревови, тие ќе застанат со страв и нивните беззаконија нив самите ќе ги осудат.