Товит 11 - Свето Писмо: Стандардна Библи?а 2006 (со девтероканонски книги)（MK2006D）

Враќањето на Товија со Сара

1Тогаш Рафаил му рече на То­вија: „Не знаеш ли, брате, во каква состојба го оставивме твојот татко?

2Ајде да побрзаме напред, пред твојата жена за да ја средиме куќата.

31 Мојс 46,28Ти земи ја в рака жолчката од рибата.“ И така тргнаа, а и кучето потрча по нив.

4А тогаш и Ана седна покрај патот и чекаше да го здогледа своето чедо.

510,7И кога го препозна и виде дека се враќа, му рече на Товит: „Еве, се враќа синот твој и човекот што тргна со не­го.“

6Рафаил му рече на Товија: „Знај де­ка на татко ти ќе му се отворат очите;

7ти само намачкај му ги очите со жолчката, а тој, откако ќе почувствува јадеж, ќе почне да ги трла и така ќе паднат белите пердиња, и тој ќе прогледа.“

86,9Ана потрча, го гушна својот син и му рече: „Чедо мое, те видов; сега мо­жам и да умрам.“ Тогаш обајцата се расплакаа.

91 Мојс 46,30Товит излезе од вратата и се сопна, но син му притрча и го придржа татко си.

Товит прогледува

10Му намачка од жолчката преку очи­те и му рече: „Татко мој, биди си­лен!“

115,10; 6,9Тогаш почувствува лутина и јадеж во очите и почна да ги трла,

12Дела 9,18па белите перденца паднаа од кра­иштата на неговите очи. Кога го виде својот син, го гушна,

1311,9; 1 Мојс 46,29; Лк 15,20заплака и проговори: „Благословен си, Боже, и благословено е Твоето име во сите векови, благословени се сите Твои ангели!

14Зашто, Ти ме накажа, но пак се смилува на мене. Еве, го гледам мојот син Товија!“ А синот негов Товија со радост влезе во домот и му раскажа на својот татко за сите големи дела што му се случија во Мидија.

15Товит, преполн со радост и бла­гос­ловувајќи Го Бога, појде да ја пречека својата снаа кај портите на Ниневија. Оние што го видоа како оди, се чудеа дека прогледал.

16А Товит призна пред нив дека Бог го помилувал. Кога се доближи до својата снаа Сара, тој ја благослови и рече: „Добре дошла, ќерко моја! Нека е бла­гословен Бог, Кој те доведе кај нас! Не­ка бидат благословени и татко ти и мај­ка ти!“ Се зарадуваа и сите негови бра­ќа во Ниневија.

Дочекувањето на Сара

17И дојдоа Ахијахар и неговиот внук,

182,10па сите со веселба ја празнуваа свадбата на Товија седум дена.