Товит 2 - Свето Писмо: Стандардна Библи?а 2006 (со девтероканонски книги)（MK2006D）

Ослепување

1 2 Мојс 34,22; 5 Мојс 16,10 Кога се вратив во мојот дом и откако ми беа вратени мојата жена Ана и мојот син Товија, на празникот Педесетница, во светата седмица над седмиците, беше приготвена добра гоз­ба и седнав да јадам.

2Откако видов многу јадења, му ре­ков на мојот син: „Оди и доведи кого ќе најдеш од сиромашните наши браќа, кој си спомнува за Господ, а јас ќе те по­чекам.“

3Тој се врати и рече: „Татко мој, еден од нашето племе е задавен и фрлен на плоштадот.“

4Тогаш јас го оставив јадењето пред да го пробам, брзо излегов и го однесов во една куќа до зајдисонце.

5Кога се вратив, се измив и натажен го јадев лебот свој.

6Амос 8,10Тогаш си спомнав за пророштвата на Амос, кој рекол: „Празниците ваши ќе се претворат во жалост и сите ваши веселби – во плач.“

7И плачев, а откако зајде сонцето, отидов, ископав гроб и го погребав.

8Моите соседи се подбиваа со мене и велеа: – Тој уште не се плаши дека ќе биде убиен за таа работа; еднаш веќе бе­ше во бегство за тоа, а ете, пак погребу­ва мртовци.

9Истата таа ноќ, откако се вратив од погребот, иако бев нечист, легнав да спијам зад ѕидот на дворот, и лицето мое не беше покриено бидејќи беше топло.

10Мк 5,26Не забележав дека на ѕидот имало врапци. И додека очите ми беа отво­ре­ни, врапците испуштија врз нив нешто топло и на нив се појавија бели дамки. Одев кај лекари, но тие не можеа да ми помогнат. Ахијахар ми испраќаше хра­на, сѐ додека не замина во Елимаида.

Примерна чесност

11Мојата, пак, жена Ана во женските одделенија предеше волна,

12и испреденото им го испраќаше на богати луѓе, кои ѝ плаќаа за тоа, а ед­наш ѝ подарија и едно јаре.

135 Мојс 22,1-3Кога го донесе дома кај мене, јарето почна да вреска; јас ја прашав жена ми: „Од каде ти е ова јаре? Да не си го украла? Врати им го на оние чие е, заш­то не е дозволено да се јаде она што е крадено.“

14Јов 2,9Таа ми одговори: „Ми го дадоа ка­ко подарок заедно со платата.“ Но јас не ѝ верував и настојував да им го врати на оние, и се налутив. А таа ми одгово­ри, велејќи: „Каде се твоите милосрдни и праведни дела? Ете како се пројавија сите тие во тебе!“