Сирахова 25 - Свето Писмо: Стандардна Библи?а 2006 (со девтероканонски книги)（MK2006D）

Три добри и три лоши работи

1 40,23; Пс 132,1 Со три работи се украсив и станав убава пред Господа и пред луѓето:

2слога меѓу браќата и љубов ме­ѓу ближните, маж и жена што живеат во слога.

3Три вида луѓе душата моја намрази, одвратен ми е нивниот живот:

4гордели­вец сиромав, богат лажливец и старец прељубник, кој слабо расудува.

Предностите на староста

5Ако ништо не си собрал во младоста, како можеш да го имаш во староста?

6Колку ѝ прилега на седата коса да суди на старците – да умеат совет да да­ваат!

7Јов 12,12; 32,6-7; Мудр 4,9; Јов 12,12Колку им прилега мудроста на стар­ците и разумноста на чесните луѓе, кои­што совет даваат!

8Големото искуство е круна на стар­ците, а пофалбата нивна – страхо­по­чит­та кон Господа.

Среќа поголема од другите

9 Пс 17,37 Девет помисли ги сметам за бла­же­ни во моето срце, а десеттата сега ми е на јазик:

10тоа е човекот којшто се радува на деца и кој го доживува паѓањето на непријателите свои.

1114,1Блазе му на човекот којшто со жена разумна живее, кој не греши со јазикот свој и кој не му слугува на понедостоен од себе.

12Блазе му на оној кој придобил ра­зумност и кој ја предава на уши што го слушаат.

13Колку е голем оној што ја нашол мудроста! Но не е подобар од оној што има страхопочит кон Господа.

1423,27; 40,26-27; Изреки 1,7Страхопочитта кон Господа е над сѐ, и кој ја има – со што може да се спо­реди?

Опасни жени

15Секоја рана може да се истрпи, са­мо не и раната на срцето; секоја злоба може да се поднесе, само не и злобата на жената;

16и секој напад, само не напад од злобни; и секоја одмазда, само не одмазда од непријател.

17Јов 20,16Нема глава поотровна од змиската, ниту има омраза посилна од омразата на непријателот.

18Изреки 21,9.19; 25,24Повеќе сакам да живеам со лав и змеј отколку со лоша жена.

19Злобата на жената погледот ѝ го менува, лицето ѝ го помрачува како ли­це на мечка.

20Ќе седне мажот нејзин меѓу прија­телите, а кога ќе чуе за неа горко воз­див­нува.

21Секоја злоба е мала во споредба со женската злоба; ждрепката на грешник нека падне врз неа.

22Каков е песочниот брег за нозете старечки, таква е жена кавгаџика за мирен маж.

23Не загледувај се во женска убавина и не копнеј за наслада од жена.

24Голем срам и грдост е кога жената управува со мажот свој.

25Изреки 31,11-12Понижено срце, невесело лице и рана на срце – тоа е лошата жена.

26Раце скршени и колена треперливи, таква е жената што не го весели мажот свој.

271 Мојс 3,1-6; Рим 5,12; 1 Кор 15,22; 1 Тим 2,14Од жена започнал гревот; поради неа сите умираме.

28На водата не давај ѝ пукнатина, ни­ту на зла жена – власт;

29ако не се управува според твојата волја, отпушти ја од себе.