Псалми 29 - Свето Писмо: Стандардна Библи?а 2006 (со девтероканонски книги)（MK2006D）

ПСАЛМ 29Благодарствена молитва за спасение од смртта

1Ќе Те величам, Господи, зашто ме извлече и не допушти непријателите мои да се радуваат над мене.

2Господи, Боже мој, повикав кон Те­бе, и Ти ме исцели.

36,2Господи, Ти ја изведе душата моја од светот на мртвите и ме спаси од слегување во гроб.

44 Мојс 16,33; 1 Цар 2,6Пејте Му на Господ, верници Не­го­ви, благодарете Му на Неговото свето име,

57,17; 96,12зашто гневот Му трае само миг, а вечна е милоста Негова: плачот трае преку ноќта, но утрото носи голема ра­дост.

616,15; Ис 54,7-8; Јов 14,13И јас си реков во изобилието мое: „Нема да се поколебам довека.“

7Господи, според милоста Твоја Ти ме утврди како гора; но штом го сокри лицето Свое, јас се исплашив.

826,9; 103,29Тогаш кон Тебе, Господи, повикав и на мојот Бог, Му се помолив:

9„Каква полза од крвта моја, ако сле­зам во гроб? Ќе Те слави ли правот, ќе ја објави ли тој верноста Твоја?“

106,5; 87,11-12; 113,25; Ис 38,18; Сир 17,27-28; Варух 2,17Чуј ме, Господи и смилувај се, биди помошник мој.

11Ти ја претвори тагата моја во ра­дост, го симна од мене вреќиштето и ме препаша со веселба,

1234,13; 68,11; 125,5-6; Ис 3,25; 14,3; 19,1; 21,11; 60,2; Ер 4,8; 6,25; 30,12; Ест 9,22за да Те слави душата моја и да не замолкне; Господи, Боже мој, вечно ќе те славам!