Јоил 3 - Свето Писмо: Стандардна Библи?а 2006 (со девтероканонски книги)（MK2006D）

Господ ќе им суди на народите

1 Зах 12 Зашто, ете, во оние денови и во тоа исто време, кога ќе ги вратам прогонетите од Јуда и од Ерусалим,

2Откр 16,13-16тогаш ќе ги соберам сите народи и ќе ги доведам во долината Јосафатова, и таму над нив ќе изречам суд за Мојот народ и за Моето наследство – Израил, кого го растурија меѓу народите и земјата Моја ја разделија.

3Авд 1,11; Наум 3,10За народот Мој фрлија ждрепка и даваа момче за блудница, и продаваа де­војче за вино, и пиеја.

4Ер 47,4; Амос 1,6-10Па што барате од Мене вие, Тире и Сидоне, и сите краеви филистејски? Са­кате ли да Ми се одмаздите за нешто? Ако Ми се одмаздувате Мене, за миг ќе ја свртам одмаздата ваша врз вашите глави,

5бидејќи вие го зедовте среброто Мое и златото Мое и Моите највредни дра­гоцености и ги внесовте во вашите без­божнички светилишта;

6Ез 27,13; Амос 1,6а синовите на Јуда и на Ерусалим им ги продававте на потомците Јаванови, за да ги избркате од нивните предели.

7Еве, Јас ќе ги кренам од она место, каде што ги продадовте, и ќе го свртам вашето злосторство врз главите ваши.

8Ис 22,25; Ер 6,20; Авд 1,18И ќе ги продадам синовите ваши и ќерките ваши во рацете на синовите Јудини, и тие ќе им ги продадат на Са­вејците, народ далечен. Така вели Гос­под.

Суд во Долината на одлуката

9 Ис 13,4; Ез 38–39; Зах 14,2 Кажете го ова меѓу народите, при­гответе се за војна, кренете ги јунаците, нека дојдат и нека станат сите војници.

10Ис 2,4; Мих 4,3Прековајте ги плуговите свои во мечеви, а срповите во копја; и слабиот нека вели: јунак сум.

11Побрзајте, вие околни народи, и со­берете се. Господи, доведи ги јунаците Свои!

123,2Нека се кренат народите и нека слезат во долината Јосафатова; зашто таму ќе седнам Јас за да им судам на си­те околни народи.

13Ис 17,5; 63,1-6; Мт 3,12; Мк 4,29; Откр 14,14-20Мавнете со срповите, зашто зрело е житото; одете, слезете, зашто полна е кацата и бочвите се преполнети, зашто нивното зло е големо.

143,2; Ис 17,12Мноштво, мноштво во Долината на одлуката! Зашто близу е денот Госпо­дов во Долината на одлуката.

152,10Сонцето и месечината ќе потемнат, и ѕвездите ќе го изгубат својот сјај.

16Ер 25,30; Амос 1,2; Пс 45,1-2И ќе загрми Господ од Сион и ќе го испушти гласот Свој од Ерусалим: ќе затреперат небото и земјата; но Господ ќе му биде заштита на Својот народ и одбрана за синовите Израилеви.

Господ ќе го благослови Својот народ

17 2,27; Ис 52,1; Ез 38,23; Зах 9,8; Откр 21,27 Тогаш ќе познаете дека Јас сум Господ, вашиот Бог, Кој живее на Сион, на Мојата света гора; и ќе стане Еру­са­лим светиња, и нема повеќе туѓинци да минуваат низ него.

18Ис 30,25; Ез 47,1; Ос 2,21-22; Амос 9,13; Зах 14,8; Јн 4,1И, ете, во тој ден од горите ќе капе вино, а од ридовите ќе потече млеко, од сите долини јудејски ќе потече вода, а од домот Господов ќе се појави извор, и ќе ја напојува долината Ситим.

19Амос 1,11; Авд 1,10; Мал 1,3Египет ќе стане пустина и Едом ќе стане пустина, бидејќи тие ги измачуваа синовите Јудини и проливаа невина крв во земјата нивна.

20Ер 17,25; Ез 37,25А Јудеја ќе биде населена вечно, и Ерусалим – од род во род.

21Ис 4,4Јас ќе ја одмаздам крвта нивна, за која уште не сум се одмаздил, и Господ ќе живее на Сион.