Броеви 27 - Свето Писмо: Стандардна Библи?а 2006 (со девтероканонски книги)（MK2006D）

Наследното право на ќерките

1 26,29-33; 1 Мојс 50,23; Ис.Н. 17,2-3; 1 Лет 2,21 И дојдоа ќерките на Салпаад, син на Хефер, кој беше син на Галаад, а тој – син на Махир, од поколението на Манасија, син Јосифов; и еве ги имињата на ќерките негови: Махла, Ноа, Хогла, Милка и Тирца;

2и откако застанаа пред Мојсеј, пред свештеникот Елеазар, пред кнезовите и пред целото општество, при влезот од скинијата на собранието, рекоа:

314,29; 16,35„Таткото наш умре во пустината, и тој не беше меѓу соучесниците, што станаа против Господ заедно со луѓето на Кореј, туку умре поради свој грев, без синови.

4Зошто да се загуби името на таткото наш меѓу племето негово поради тоа што нема син? Дајте ни дел меѓу браќата на таткото наш!“

51 Мојс 25,22; 2 Мојс 18,19И Мојсеј го изнесе прашањето нивно пред Господ.

6А Господ му рече на Мојсеј:

736,2; Ис.Н. 17,4; Јов 42,15„Право велат Салпаадовите ќерки; дај им наследствен дел меѓу браќата на таткото нивни и предај им го ним делот на нивниот татко,

8а на синовите на Израил јави им и кажи: ако некој умре, и не остави син, предавајте го наследството негово на ќерките негови;

9ако, пак, тој нема ќерки, давајте го неговиот дел на браќата негови;

10ако нема браќа, дајте го неговиот дел на стриковците негови;

11ако, пак, нема ни стриковци, дајте му го неговиот дел на најблискиот негов роднина од неговиот род; и нека биде тоа закон за синовите израилски, како што му заповедал Господ на Мојсеј!“

Исус посветен за наследник на Мојсеј

12 5 Мојс 3,23-28; 31,1-8 3 Мојс 14,34; Ер 22,20 И му рече Господ на Мојсеј: „Изле­зи на планината Аварим и погледај ја земјата што им ја давам на синовите израилски;

135 Мојс 4,22; 32,48-52; 3 Цар 2,1и откако ќе ја погледаш, прибери се и ти при народот свој, како што се приб­ра Арон, братот твој на планината Ор;

1420,1-13; 2 Мојс 17,7зашто вие не ја послушавте запо­ведта Моја во пустината Син, кога меѓу општеството се појави расправија, да ја покажете пред очите нивни Мојата светост при водата. Тоа е водата Мерива кај Кадис, во пустината Син.“

15И Му рече Мојсеј на Господ, ве­лејќи:

1616,22„Господ, Бог на духовите во сите тела, нека одреди над овој народ човек,

173 Цар 22,17; Ез 34,5; Мт 9,36кој ќе ги управува, и кој ќе ги предводи во сите можни околности, та да не остане народот Господов како стадо без пастир.“

184 Мојс 23,28; 5 Мојс 31,7; Дела 6,6И му рече Господ на Мојсеј: „Земи го Исус, Навиновиот син, човек, во кого има Дух, и положи ја врз него раката своја.

19Претстави го пред свештеникот Елеазар и пред целото општество, и дај му наредби пред целиот народ,

20Ис.Н. 1,16-17и дај му од славата твоја за да го слуша сиот народ на синовите израил­ски;

212 Мојс 28,30; 1 Цар 28,6; Ис 8,19; Пс 105,13; Јн 11,51а тој да се обраќа до свештеникот Елеазар и да се допрашува до него за решенија преку рим пред Господ; и според зборот негов секогаш да поста­пуваат: тој и сите синови на Израил со него, и целото општество.“

22И направи Мојсеј како што му заповеда Господ Бог, и го зеде Исуса, па го претстави пред свештеникот Елеазар и пред целото општество;

235 Мојс 31,23; 34,9и ги положи врз него рацете свои и му даде совет, како што заповеда Господ преку Мојсеј.