Јов 40 - Свето Писмо: Стандардна Библи?а 2006 (со девтероканонски книги)（MK2006D）

Се смета ли Јов за Бог?

1 13,3; 23,3; 33,13 Му одговори Господ на Јов од луњата и му рече:

2„Препаши ја како маж половината своја: Јас ќе те прашувам, а ти објаснувај Ми.

321,5; 29,9; 1 Мојс 18,27Мојот суд ли сакаш да го собориш? Да Ме обвиниш Мене, а себеси да се оправдаш?

4Таква ли е твојата рака, како на Бо­га? И можеш ли како Него да згрмиш со гласот свој?

538,1Тогаш украси се со величие и слава, облечи се во болскот и великолепие;

638,3излеј ја јароста на гневот свој, по­г­ле­дај сѐ што е гордо и смири го;

732,2погледај ги сите горделиви и понизи ги, сотри ги безбожниците на местата нивни;

837,5закопај ги сите во земја и покриј ги лицата нивни со темнина.

9Тогаш и Јас ќе признаам дека твојата десница може да те спаси.

Нилскиот коњ

10 Ис 2,12; 42,25; Наум 1,6 Ете нилскиот коњ што сум го создал, како и тебе; тој јаде трева како вол;

11Ис 13,11; 63,3силата негова е во бедрата негови, а јачината негова – во мускулите на сто­ма­кот негов;

124 Мојс 16,31-34; Ис 2,10-12ја размавтува опашката своја како кедар, а жилите на бедрата негови се испреплетени;

13нозете негови изгледаат како брон­зени труби; коските негови – како же­лезни прачки;

141 Мојс 2,7тоа е врвот на Божјите патишта: са­мо Оној Кој го создал, може да го при­бли­жи мечот Свој до него;

15горите му принесуваат храна; таму сите полски ѕверови играат;

16тој си легнува под сенчести дрвја, меѓу трски и во мочуриште;

17сенчестите дрвја го покриваат со сенката своја; врби крај потоците го опкружуваат;

18ете, тој ја задржува реката за да пие и не брза; си останува спокоен, дури и кога би посакал Јордан да потече кон устата негова.

19Ќе го фати ли некој пред очите не­гови и ќе му го продупчи ли носот негов со кука?

Крокодилот

20Можеш ли со јадица да извлечеш крокодил и со врвца да го врзеш за ја­зи­кот?

21Ќе вовреш ли алка во ноздрите не­гови? Ќе ја прободеш ли со шило челуста негова?

22Ќе ти се моли ли многу и ќе ти го­во­ри ли кротко?

23Ќе направи ли договор со тебе, ќе го земеш ли засекогаш како слуга свој?

243,8; Ез 29,3-4; Пс 103,26Ќе се забавуваш ли со него како со птичка, и ќе го врзеш ли заради девој­чињата свои?

25Ќе го продаваат ли другарите како лов, ќе го делат ли меѓу хананските тр­говци?

26Можеш ли да му ја продупчиш ко­жата негова со копје и главата негова со рибарска вила?

27Стави ја на него раката своја и запомни ја борбата, зашто ќе ти биде последна!“