Мудрост Соломонова 10 - Свето Писмо: Стандардна Библи?а 2006 (со девтероканонски книги)（MK2006D）

Улогата на мудроста низ историјата

1Таа го запази првообликуваниот татко на светот кој беше созда­ден еден единствен и го избави од не­го­вото сопствено пропаѓање:

21 Мојс 1,26.28таа му даде сила да владее над сѐ.

31 Мојс 4,8-13А кога во гневот свој грешникот ќе отстапи од неа – загинува во брато­убис­твената омраза.

41 Мојс 6,9; 7–8; 1 Птр 3,20-21Кога поради него потоп дојде, пак мудроста ја спаси земјата и праведникот го заштити на еден мал кораб.

51 Мојс 12,1-3; 22,1-19И пак, кога се народите сложни во лошо едномислие, мудроста го наоѓа праведникот и го запазува безукорен пред Бога и го пази цврст во нежноста спрема неговиот син.

62 Птр 2,6-8Кога изгинаа безбожниците, таа го спаси праведникот, кој избега од огнот што беше паднал од небото врз пет гра­дови,

71 Мојс 19,26; 5 Мојс 32,32од што за сведоштвото на безбож­носта остана да дими опустошената земја и растенијата, чиј плод е ненавремен, а за споменик на една неверна ду­ша е столбот од сол, кој стои таму.

81 Мојс 19,1Зошто тие, откако ја презреа муд­роста, не само што си нанесоа повреда, затоа што не го познаа доброто, туку на живите им оставија и спомен за својата безумност, за да не можат да го сокријат она во што се беа заблудиле.

9А мудроста ги спасува од неволји оние, што ѝ служат.

101 Мојс 27,34; 29,1Таа го водеше на прави патишта праведникот избеган од гневот на неговиот брат, му го покажа царството Божјо и му подари знаење за светињи­те, му помогна во маките и трудовите негови изобилно ги награди.

11Кога од алчност го притиснуваа, таа застана пред него и го збогати,

121 Мојс 31,23-29; 32,25-31; 1 Тим 4,8го сочува од неговите непријатели, го стави во безопасност кога подмолно го напаѓаа; во жестоката борба – победа му подари, за да знае дека побожноста е од сѐ најсилна.

131 Мојс 37–39Таа не го остава продадениот пра­ведник, а го спасува од грев;

141 Мојс 41,40-41; Пс 104,17-22таа и во јамата слегна со него, не го остави кога беше во вериги, а потоа му донесе царски скиптар и власт над оние што го измачуваа, покажа дека се лаж­ни обвинувањата против него и слава вечна му подари.

152 Мојс 13–15

18,1; 2 Мојс 19,6Таа го спаси светиот народ и родот беспрекорен од неговите мачители.

16Му влезе во душата на слугата Гос­подов и им се спротивстави на страш­ните цареви со чуда и знаци.

17Таа ги наградува светиите за нивни­те трудови, по чуден пат ги води, дење им е закрила од жештината, а ноќе – ѕвездена светлина.

18Таа ги преведе преку Црвеното Мо­ре, ги преведе преку голема вода.

19А непријателите нивни ги издави, а потоа ги исфрли од длабината на бездната.

20И така, праведниците им го одзедоа оружјето на неправедниците и со песна го прославија името Твое, Господи, а раката Твоја победничка – еднодушно ја прославија;

21Пс 8,2; Мт 21,16зашто мудроста им ја отвори устата на немите и детските јазици ги направи разбирливи.