Товит 13 - Свето Писмо: Стандардна Библи?а 2006 (со девтероканонски книги)（MK2006D）

Товитовата завршна молитва

1Тогаш Товит, исполнет со радост, напиша молитва со овие зборови: „Благословен е Бог, Кој вечно живее и царството Негово е бла­гос­ло­вено!

24,19; 5 Мојс 32,39; 1 Цар 2,6-7; Мудр 16,13.15Зашто Тој казнува и се смилостивува, испраќа во ад и изведува оттаму; ни­кој не може да избега од Неговата рака.

3Синови Израилеви, прославувајте Го пред незнабошците, зашто Тој нѐ рас­прсна меѓу нив.

412,6; Ис 63,16; 64,7Таму објавувајте го величието Не­го­во, издигнувајќи го над сѐ што живее, зашто Тој е нашиот Господ Бог, Тој е нашиот Татко низ вековите.

55 Мојс 30,3Тој нѐ казнува за нашите лоши дела, но пак ќе се смилува и ќе нѐ собере од сите народи, меѓу кои сме расеани – ка­де и да сме.

64,6; 5 Мојс 30,2; Зах 1,3; Мал 3,7; Јн 3,21Ако се обраќате кон Него со сето срце свое и со сета душа своја, ако ја из­вр­шувате пред Него вистината, Тој ќе се сврти кон вас и нема да го скрие Сво­ето лице од вас.

713,13.17Ќе видите што ќе направи со вас. Прославувајте Го со сите зборови на ва­шата уста, благословувајте Го Гос­по­да на правдата и вознесувајте Го Царот на вековите.

8Јас Го прославувам во земјата на мо­ето прогонство и проповедам за Него­ва­та сила и величина на народ од грешни­ци. Обратете се, грешници, и извршу­вај­те го она што е право пред Него. Кој знае, може ќе погледне и на вас и ќе се смилува на вас!

9Јас Го возвишувам мојот Бог – Не­бесниот Цар, и душата моја, се радува на Неговото величие.

10Ис 52,1; Откр 21,2Сите нека говорат за Него и нека Го прославуваат во Ерусалим. Еруса­ли­ме, граде свет, Тој ќе те казни за делата на твоите синови и пак ќе те помилува за твоите праведници.

1113,7; 1 Тим 1,17Со усрдност прославувај Го Господа и благословувај Го Царот на вековите, та одново со радост да биде издигната Неговата скинија, за да се израдуваат незнабошците во тебе

12и прогонетите да најдат во тебе љу­бов од сите поколенија во сите векови.

1313,9.17; Ис 9,1; 49,6; 60,1-5.14; 65,18; Откр 21,24.26Многу народи ќе дојдат оддалеку кон името на Господ Бог, ќе носат даро­ви на своите раце, дарови за Небескиот Цар; многу поколенија ќе Те прославуваат со радосни воскликнувања.

14Варух 4,31Проколнати да бидат сите што Те мразат, а засекогаш благословени, оние што Те сакаат!

15Радувај се и весели се за Твоите праведни синови, зашто ќе бидат соб­ра­ни и ќе Го благословуваат Господа на праведниците. Блажени се оние што Те сакаат и што му се радуваат на Твојот мир!

16Блажени се оние што се натажени поради Твоите страдања, зашто ќе се за­радуваат кога ќе ја видат Твојата сла­ва и вечно ќе се радуваат. Душата моја да Го благословува Бога – Великиот Цар!

1713,9.13; Ис 54,11-12; Откр 21,18-21Зашто Ерусалим ќе биде изграден од сафир и смарагд и од скапоцени ка­мења, а ѕидините, кулите и тврдините – од чисто злато. Плоштадите негови ќе бидат поплочени со берил, антракс и офирски скапоцени камења.

18Пс 71,18-19По сите негови улици ќе се огласува песната ‚Алилуја‘ и ќе славословат, велејќи: ‚Благословен е Оној Кој го воз­дига Ерусалим за сите векови!‘“