Сирахова 27 - Свето Писмо: Стандардна Библи?а 2006 (со девтероканонски книги)（MK2006D）

1 11,10 Многумина грешат заради добивка; кој бара богатство – ста­нува немилосрден.

226,24-26Колецот се забива меѓу два камена; меѓу продавањето и купувањето гревот се вовлекува.

3Изреки 14,11Ако некој не го пази страхопочитта кон Господа, набргу куќата ќе му се ур­не.

Човекот се познава по она што го кажува

4 Амос 9,9; Лк 22,31 Кога со решето се отсејува – ѓубре останува; а нечистотијата на човекот – кога тој размислува.

5Пс 16,3; Јов 23,10; Мудр 3,6Грнчарските работи фурната ги про­верува, а недостатоците на човекот – не­говиот говор.

6Мт 7,16-20; 12,33-37; Лк 6,43-45Грижите за дрвото во плодот се по­кажуваат, а мислите на човекот – во не­говите зборови.

7Пс 16,3-4Пред да проговори никого не фали; човекот се проверува во неговите збо­ро­ви.

Предностите на мудрото однесување

8 Јов 29,14 Ако правдата усрдно ја бараш, ќе ја најдеш; како во облека свечена во неа ќе се облечеш.

9Птиците се собираат со оние што ним им се слични; а вистината им се от­крива на оние што со неа живеат.

1021,2; Пс 9,29; 28,3; 1 Птр 5,8Како лавот што го демне својот плен, така и гревот ги демне оние што неправда прават.

11Говорот на побожниот секогаш е мудар, а на безумниот се менува како месечината.

12Кога си меѓу неразумни, внимавај на времето; меѓу благоразумни поминувај постојано без страв.

13Проп 7,3-6Одвратен е разговорот на безумни­те; а нивната смеа – забава грешна.

14Јов 4,15Празните зборови на оние што мно­гу се колнат, нѐ престрашуваат, а кога се караат, ушите ни ги заглушуваат.

1522,24Караницата на горделивите е про­левање крв, а навредите нивни се неиз­др­жливи за слухот.

Умешноста да се чува тајна

16 Изреки 20,19; 25,9 22,22; Изреки 11,13 Кој открива тајни, доверба загубува; нема веќе да најде пријател по срце.

17Сакај го пријателот и биди му ве­рен,

18но ако тајните негови на други ги кажеш, не трчај веќе по него;

19зашто како човек што го убива не­пријателот свој, така ти си го убил пријателството со ближниот свој;

20како што се испушта птица од рака, така ти си го испуштил пријателот свој, и никогаш веќе нема да го фатиш.

21Не трчај по него, тој е веќе далеку; избегал како што бега срна од примка.

22Рана може да се преврзе и навреда да се прости,

23но кој тајна предал – за не­го надеж нема.

Двојното зборување

24 Пс 34,19; Изреки 6,12-15 Кој намигнува со око – тој смислува зло; никој од тоа нема да го додржи.

2512,16Пред тебе тој ќе говори слатко, ќе ги фали зборовите твои,

26а потоа зад те­бе инаку ќе зборува: во твоите зборови соблазна ќе открие.

27Многу работи мразам, но ништо друго како таков човек; него и Господ го мрази.

Кој зло прави – зло добива

28 22,22; Проп 10,8 Кој угоре фрла камен – на главата му паѓа, а подмолен удар рани ќе от­во­ри.

29Пс 7,15; 9,16Кој јама копа – самиот во неа ќе падне; кој стапица мести – ќе се фати во неа.

30Изреки 26,27Кој зло прави – со зло му се враќа, иако не знае од каде ќе дојде:

3127,10како лав го демнат подбивот, прекорот и одмаздата од гордите.

32Во стапица ќе се фатат оние што се радуваат на паѓањето на побожните; нив жалост ќе ги истошти – пред да ум­рат.

Подобро да се проштава отколку да се биде злобник

33 3 Мојс 19,18; Лк 6,37; Кол 3,13 И злобата и гневот подеднакво се одвратни, а грешникот нив во себеси ги носи.