Исход 25 - Свето Писмо: Стандардна Библи?а 2006 (со девтероканонски книги)（MK2006D）

Планот за скинијатаПрилозите на Израилците

1И Господ му рече на Мојсеј, велејќи:

235,4-29; 1 Езд 2,68; Неем 7,70-72; 1 Лет 29,5.9; 2 Кор 9,7„Кажи им на синовите на Израил да Ми соберат прилози: земете прилог кој од драго срце Ми дава.

3А прилогот што ќе го земете од нив да биде: злато, сребро и бакар;

428,4-8волна сина, црвена и светлоцрвена, лен и козина;

54 Мојс 4,6.10и црвени овнешки кожи, фини кожи и дрвја од шитим;

627,20; 30,22-32; 3 Мојс 16,12; 4 Мојс 4,16; 2 Лет 13,11масло за светење, и мириси за мас­лото за помазание и за мирисно кадило;

728,4.6-14камења оникс и камења за украсување на ефодот и наградникот.

829,45; 3 Мојс 26,11-12; 5 Мојс 12,11; Зах 2,10; Евр 9,1-2Да Ми направите светилиште, од каде што ќе ви се јавувам вам.

925,40; 26,30; 4 Мојс 8,4; 1 Лет 28,19; Дела 7,44; Евр 8,5Сѐ, (направете) како што ќе ти покажам Јас на планината: и образецот на скинијата, и образецот на сите предмети во неа – така да направите.

Ковчегот на заветот

10 5 Мојс 10,3.5; 3 Цар 6,19; Евр 9,4 Направете ковчег од дрвото шитим, во должина од два и пол лакта, а во ширина еден и пол лакот, и во висина еден и пол лакот;

11и опкови го со чисто злато: опкови го однатре и однадвор; направи му зла­тен венец околу врвот;

12и излиј за него четири алки од зла­то, и постави ги на четирите негови до­л­­ни агли: две алки од едната страна и две алки од другата страна.

13Направи од дрвото шитим лостови, и опкови ги со (чисто) злато,

1440,20; 1 Лет 15,15и провлечи ги лостовите низ алките од обете страни на ковчегот, за да се носи на нив ковчегот;

153 Цар 8,8лостовите во алките на ковчегот нека стојат, да не се вадат од нив.

1616,34; 24,12; 5 Мојс 10,1-2; Евр 9,4А во ковчегот положи го заветот, што ќе ти го дадам.

173 Мојс 16,13Направи исто така и чистилиште: капак од чисто злато, долго два и пол лакта, а широко еден и пол лакот.

1826,1.31; 36,35; 3 Цар 6,23-28; 2 Лет 3,10-13; Евр 9,5И направи два херувима од злато, ковани направи ги и постави ги на двата краја од капакот;

19направи херувими: еден од едната страна, а друг од другата страна на капакот; направи ги херувимите на обете страни од очистилиштето.

201 Мојс 3,24; 3 Цар 8,7; Евр 9,5Херувимите да бидат со крилата угоре, та со крилата да го засолнуваат капакот, а со лицата свртени еден спроти друг; лицата на херувимите нека бидат свртени кон очистилиштето.

2126,34; 40,20; 5 Мојс 10,5И стави го капакот одозгора врз ковчегот, а во ковчегот положи го заветот, што ќе ти го дадам Јас:

224 Мојс 7,89; 2 Цар 6,2; 4 Цар 19,15; Пс 79,1; Ис 37,15и тука, над капакот, меѓу двата херувима, кои ќе бидат над ковчегот на заветот, ќе ти се јавувам тебе и оттаму ќе ти зборувам тебе и за сѐ ќе им запо­ведам преку тебе на синовите израил­ски.

Масата со принесените пред Бога лебови

23 3 Мојс 24,6; 3 Цар 7,48; 2 Лет 4,8.19 Направи и маса од дрвото шитим: долга два лакта, а широка еден лакот, висината да ѝ е лакот и половина.

24И опкови ја со чисто злато, а напра­ви и златен венец околу неа;

25и направи ѝ наоколу страници една дланка широки со венец наоколу;

26а направи за неа и четири алки од злато, и прицврсти ги алките на чети­рите агли од нејзините четири нозе;

27на страниците нека има алки, за да можат во нив да се стават лостови, па трпезата со нив да се подигнува;

28направи ги лостовите од дрвото шитим и опкови ги со (чисто) злато; и со нив ќе се крева трпезата.

294 Мојс 4,7; 3 Цар 7,48Направи за неа чинии, кадилници, чаши и црпки, со кои ќе се врши преливање; а ќе ги направиш од чисто злато.

3035,13; 39,36; 40,4.23; 3 Мојс 24,5-9; 1 Цар 21,1-4На трпезата поставувај ги секогаш лебовите принесени пред Мене.

Светилник со седум гранки

31 39,37; 40,24; 4 Мојс 4,9-10; 3 Цар 7,49; Зах 4,3; 2 Лет 4,7 И направи светилник од чисто злато; светилникот нека биде кован; не­говиот столб, неговите гранки и чашки со јаболкца и неговите цветови – сите тие од него да излегуваат;

32шест гранки нека излегуваат од страните: три гранки од едната страна на светилникот, а три гранки од другата страна на светилникот;

33три чашки во облик на бадемов цвет, со јаболче и цветови нека има едната гранка, и три чашки како бадемов цвет, со јаболче и цветови на другата гранка; и така нека има на шесте гранки, што излегуваат од светилникот,

34а на самиот светилник нека има четири чашки во вид на бадемов цвет, со јаболкца и цветови;

35едно јаболче под две гранки, од не­го, и едно јаболче под другите две гранки, од него, и едно јаболче под другите две гранки – така под шесте гранки што излегуваат од светилникот (и на светилникот четири чашки во вид на оревов цвет).

364 Мојс 8,4Јаболчињата и гранките нивни од него треба да излегуваат; целиот да биде кован од чисто злато.

373 Мојс 24,2-4; 4 Мојс 8,2; 2 Лет 13,11И направи му седум кандила, и стави ги кандилата негови да светат од предната негова страна;

38а и штипките и пепеларките за нив нека бидат од чисто злато направени;

39од еден кикар чисто злато да направиш свеќник, со сиот негов прибор.

4025,9; Евр 8,5И гледај да ги направиш според образецот, што ти беше покажан на планината.“